Satipaṭṭhānavibhaṅgo

[Dutiyanayo]

Cattāro Satipaṭṭhānā:

Idha bhikkhu kāye kāyānupassī viharati, vedanāsu vedanānupassī viharati, citte cittānupassī viharati, dhammesu dhammānupassī viharati.

Kathañ-ca bhikkhu kāye kāyānupassī viharati?

Idha bhikkhu yasmiṁ samaye lokuttaraṁ jhānaṁ bhāveti, niyyānikaṁ apacayagāmiṁ, diṭṭhigatānaṁ pahānāya, paṭhamāya bhūmiyā pattiyā, vivicceva kāmehi, vivicca akusalehi dhammehi, savitakkaṁ, savicāraṁ, vivekajaṁ pītisukhaṁ, paṭhamaṁ jhānaṁ upasampajja viharati, dukkhapaṭipadaṁ dandhābhiññaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, Saddhindriyaṁ hoti, Viriyindriyaṁ hoti, Satindriyaṁ hoti, Samādhindriyaṁ hoti, Paññindriyaṁ hoti, manindriyaṁ hoti, somanassindriyaṁ hoti, jīvitindriyaṃ hoti, anaññātaññassāmītindriyaṃ hoti, Sammādiṭṭhi hoti, Sammāsaṅkappo hoti, Sammāvācā hoti, Sammākammanto hoti, Sammā-ājīvo hoti, Sammāvāyāmo hoti, Sammāsati hoti, Sammāsamādhi hoti, Saddhābalaṁ hoti, Viriyabalaṁ hoti, Satibalaṁ hoti, Samādhibalaṁ hoti, Paññābalaṁ hoti, hiribalaṁ hoti, ottappabalaṁ hoti, alobho hoti, adoso hoti, amoho hoti, anabhijjhā hoti, abyāpādo hoti, Sammādiṭṭhi hoti, hirī hoti, ottappaṁ hoti, kāyapassaddhi Thai: -ppassaddhi, always in compound; but gemination is unwarranted here: Sanskrit = pa + śrambh.01 hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā hoti, cittujukatā hoti, sati hoti, sampajaññaṁ hoti, samatho hoti, vipassanā hoti, paggāho hoti, avikkhepo hoti: ime dhammā kusalā.

Tasseva lokuttarassa kusalassa jhānassa katattā bhāvitattā vipākaṁ, vivicceva kāmehi, vivicca akusalehi dhammehi, savitakkaṁ, savicāraṁ, vivekajaṁ pītisukhaṁ, paṭhamaṁ jhānaṁ upasampajja viharati, dukkhapaṭipadaṁ dandhābhiññaṁ suññataṁ kāye kāyānupassī, yā tasmiṁ samaye sati anussati Sammāsati Satisambojjhaṅgo, Maggaṅgaṁ Maggapariyāpannaṁ - idaṁ vuccati “satipaṭṭhānaṁ”. Avasesā dhammā satipaṭṭhānasampayuttā.

Kathañ-ca bhikkhu vedanāsu vedanānupassī viharati?

Idha bhikkhu yasmiṁ samaye lokuttaraṁ jhānaṁ bhāveti, niyyānikaṁ apacayagāmiṁ, diṭṭhigatānaṁ pahānāya, paṭhamāya bhūmiyā pattiyā, vivicceva kāmehi, vivicca akusalehi dhammehi, savitakkaṁ, savicāraṁ, vivekajaṁ pītisukhaṁ, paṭhamaṁ jhānaṁ upasampajja viharati, dukkhapaṭipadaṁ dandhābhiññaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, Saddhindriyaṁ hoti, Viriyindriyaṁ hoti, Satindriyaṁ hoti, Samādhindriyaṁ hoti, Paññindriyaṁ hoti, manindriyaṁ hoti, somanassindriyaṁ hoti, jīvitindriyaṃ hoti, anaññātaññassāmītindriyaṃ hoti, Sammādiṭṭhi hoti, Sammāsaṅkappo hoti, Sammāvācā hoti, Sammākammanto hoti, Sammā-ājīvo hoti, Sammāvāyāmo hoti, Sammāsati hoti, Sammāsamādhi hoti, Saddhābalaṁ hoti, Viriyabalaṁ hoti, Satibalaṁ hoti, Samādhibalaṁ hoti, Paññābalaṁ hoti, hiribalaṁ hoti, ottappabalaṁ hoti, alobho hoti, adoso hoti, amoho hoti, anabhijjhā hoti, abyāpādo hoti, Sammādiṭṭhi hoti, hirī hoti, ottappaṁ hoti, kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā hoti, cittujukatā hoti, sati hoti, sampajaññaṁ hoti, samatho hoti, vipassanā hoti, paggāho hoti, avikkhepo hoti: ime dhammā kusalā.

Tasseva lokuttarassa kusalassa jhānassa katattā bhāvitattā vipākaṁ, vivicceva kāmehi, vivicca akusalehi dhammehi, savitakkaṁ, savicāraṁ, vivekajaṁ pītisukhaṁ, paṭhamaṁ jhānaṁ upasampajja viharati, dukkhapaṭipadaṁ dandhābhiññaṁ suññataṁ vedanāsu vedanānupassī, yā tasmiṁ samaye sati anussati Sammāsati Satisambojjhaṅgo, Maggaṅgaṁ Maggapariyāpannaṁ - idaṁ vuccati “satipaṭṭhānaṁ”. Avasesā dhammā satipaṭṭhānasampayuttā.

Kathañ-ca bhikkhu citte cittānupassī viharati?

Idha bhikkhu yasmiṁ samaye lokuttaraṁ jhānaṁ bhāveti, niyyānikaṁ apacayagāmiṁ, diṭṭhigatānaṁ pahānāya, paṭhamāya bhūmiyā pattiyā, vivicceva kāmehi, vivicca akusalehi dhammehi, savitakkaṁ, savicāraṁ, vivekajaṁ pītisukhaṁ, paṭhamaṁ jhānaṁ upasampajja viharati, dukkhapaṭipadaṁ dandhābhiññaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, Saddhindriyaṁ hoti, Viriyindriyaṁ hoti, Satindriyaṁ hoti, Samādhindriyaṁ hoti, Paññindriyaṁ hoti, manindriyaṁ hoti, somanassindriyaṁ hoti, jīvitindriyaṃ hoti, anaññātaññassāmītindriyaṃ hoti, Sammādiṭṭhi hoti, Sammāsaṅkappo hoti, Sammāvācā hoti, Sammākammanto hoti, Sammā-ājīvo hoti, Sammāvāyāmo hoti, Sammāsati hoti, Sammāsamādhi hoti, Saddhābalaṁ hoti, Viriyabalaṁ hoti, Satibalaṁ hoti, Samādhibalaṁ hoti, Paññābalaṁ hoti, hiribalaṁ hoti, ottappabalaṁ hoti, alobho hoti, adoso hoti, amoho hoti, anabhijjhā hoti, abyāpādo hoti, Sammādiṭṭhi hoti, hirī hoti, ottappaṁ hoti, kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā hoti, cittujukatā hoti, sati hoti, sampajaññaṁ hoti, samatho hoti, vipassanā hoti, paggāho hoti, avikkhepo hoti: ime dhammā kusalā.

Tasseva lokuttarassa kusalassa jhānassa katattā bhāvitattā vipākaṁ, vivicceva kāmehi, vivicca akusalehi dhammehi, savitakkaṁ, savicāraṁ, vivekajaṁ pītisukhaṁ, paṭhamaṁ jhānaṁ upasampajja viharati, dukkhapaṭipadaṁ dandhābhiññaṁ suññataṁ citte cittānupassī, yā tasmiṁ samaye sati anussati Sammāsati Satisambojjhaṅgo, Maggaṅgaṁ Maggapariyāpannaṁ - idaṁ vuccati “satipaṭṭhānaṁ”. Avasesā dhammā satipaṭṭhānasampayuttā.

Kathañ-ca bhikkhu dhammesu dhammānupassī viharati?

Idha bhikkhu yasmiṁ samaye lokuttaraṁ jhānaṁ bhāveti, niyyānikaṁ apacayagāmiṁ, diṭṭhigatānaṁ pahānāya, paṭhamāya bhūmiyā pattiyā, vivicceva kāmehi, vivicca akusalehi dhammehi, savitakkaṁ, savicāraṁ, vivekajaṁ pītisukhaṁ, paṭhamaṁ jhānaṁ upasampajja viharati, dukkhapaṭipadaṁ dandhābhiññaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, Saddhindriyaṁ hoti, Viriyindriyaṁ hoti, Satindriyaṁ hoti, Samādhindriyaṁ hoti, Paññindriyaṁ hoti, manindriyaṁ hoti, somanassindriyaṁ hoti, jīvitindriyaṃ hoti, anaññātaññassāmītindriyaṃ hoti, Sammādiṭṭhi hoti, Sammāsaṅkappo hoti, Sammāvācā hoti, Sammākammanto hoti, Sammā-ājīvo hoti, Sammāvāyāmo hoti, Sammāsati hoti, Sammāsamādhi hoti, Saddhābalaṁ hoti, Viriyabalaṁ hoti, Satibalaṁ hoti, Samādhibalaṁ hoti, Paññābalaṁ hoti, hiribalaṁ hoti, ottappabalaṁ hoti, alobho hoti, adoso hoti, amoho hoti, anabhijjhā hoti, abyāpādo hoti, Sammādiṭṭhi hoti, hirī hoti, ottappaṁ hoti, kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā hoti, cittujukatā hoti, sati hoti, sampajaññaṁ hoti, samatho hoti, vipassanā hoti, paggāho hoti, avikkhepo hoti: ime dhammā kusalā.

Tasseva lokuttarassa kusalassa jhānassa katattā bhāvitattā vipākaṁ, vivicceva kāmehi, vivicca akusalehi dhammehi, savitakkaṁ, savicāraṁ, vivekajaṁ pītisukhaṁ, paṭhamaṁ jhānaṁ upasampajja viharati, dukkhapaṭipadaṁ dandhābhiññaṁ suññataṁ dhammesu dhammānupassī, yā tasmiṁ samaye sati anussati Sammāsati Satisambojjhaṅgo, Maggaṅgaṁ Maggapariyāpannaṁ - idaṁ vuccati “satipaṭṭhānaṁ”. Avasesā dhammā satipaṭṭhānasampayuttā.

Tattha katamaṁ satipaṭṭhānaṁ?

Idha bhikkhu yasmiṁ samaye lokuttaraṁ jhānaṁ bhāveti, niyyānikaṁ apacayagāmiṁ, diṭṭhigatānaṁ pahānāya, paṭhamāya bhūmiyā pattiyā, vivicceva kāmehi, vivicca akusalehi dhammehi, savitakkaṁ, savicāraṁ, vivekajaṁ pītisukhaṁ, paṭhamaṁ jhānaṁ upasampajja viharati, dukkhapaṭipadaṁ dandhābhiññaṁ, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, Saddhindriyaṁ hoti, Viriyindriyaṁ hoti, Satindriyaṁ hoti, Samādhindriyaṁ hoti, Paññindriyaṁ hoti, manindriyaṁ hoti, somanassindriyaṁ hoti, jīvitindriyaṃ hoti, anaññātaññassāmītindriyaṃ hoti, Sammādiṭṭhi hoti, Sammāsaṅkappo hoti, Sammāvācā hoti, Sammākammanto hoti, Sammā-ājīvo hoti, Sammāvāyāmo hoti, Sammāsati hoti, Sammāsamādhi hoti, Saddhābalaṁ hoti, Viriyabalaṁ hoti, Satibalaṁ hoti, Samādhibalaṁ hoti, Paññābalaṁ hoti, hiribalaṁ hoti, ottappabalaṁ hoti, alobho hoti, adoso hoti, amoho hoti, anabhijjhā hoti, abyāpādo hoti, Sammādiṭṭhi hoti, hirī hoti, ottappaṁ hoti, kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā hoti, cittujukatā hoti, sati hoti, sampajaññaṁ hoti, samatho hoti, vipassanā hoti, paggāho hoti, avikkhepo hoti: ime dhammā kusalā.

Tasseva lokuttarassa kusalassa jhānassa katattā bhāvitattā vipākaṁ, vivicceva kāmehi, vivicca akusalehi dhammehi, savitakkaṁ, savicāraṁ, vivekajaṁ pītisukhaṁ, paṭhamaṁ jhānaṁ upasampajja viharati, dukkhapaṭipadaṁ dandhābhiññaṁ suññataṁ, yā tasmiṁ samaye sati anussati Sammāsati Satisambojjhaṅgo, Maggaṅgaṁ Maggapariyāpannaṁ - idaṁ vuccati “satipaṭṭhānaṁ”. Avasesā dhammā satipaṭṭhānasampayuttā.

Abhidhammabhājanīyaṁ