Mahāparinibbānasuttaṁ (DN 16)

[Paṭhamabhāṇavāraṁ]

[1: Rājā Ajātasattu] cf. AN Bk. 7.22-23. Titles placed in square brackets do not occur in the discourse, but are included to help orientate the reader. BJT and ChS also supply titles, but the divisions and titles often differ from the ones given here.01

Evaṁ me sutaṁ: [1]

Ekaṁ samayaṁ Bhagavā Rājagahe viharati Gijjhakūṭe pabbate. [2]

Tena kho pana samayena Rājā Māgadho Ajātasattu Vedehiputto, BJT: Vedehī-, here, Vedehi- below.02 Vajjī Thai: Vajjiṁ, in this position, except where noted, but uses the plural form elsewhere.03 abhiyātukāmo hoti. So evam-āha: [3]

“Ahaṁ hime BJT: hi ime, here and below.04 Vajjī evaṁmahiddhike evaṁmahānubhāve ucchecchāmi, Thai: ucchecchāmi; PTS: ucchejjāmi, here and below.05 vināsessāmi Thai, ChS: Vajjī vināsessāmi, here and below.06 Vajjī, anayabyasanaṁ āpādessāmi Vajjī” ti. [4]

Atha kho Rājā Māgadho Ajātasattu Vedehiputto, Vassakāraṁ brāhmaṇaṁ Magadhamahāmattaṁ āmantesi: [5]

“Ehi tvaṁ brāhmaṇa yena Bhagavā tenupasaṅkama, upasaṅkamitvā mama vacanena Bhagavato pāde sirasā vandāhi, appābādhaṁ appātaṅkaṁ lahuṭṭhānaṁ balaṁ phāsuvihāraṁ puccha: ‘Rājā Bhante Māgadho Ajātasattu Vedehiputto Bhagavato pāde sirasā vandati, appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchatī.’ ti Evañ-ca vadehi: ‘Rājā Bhante Māgadho Ajātasattu Vedehiputto Vajjī abhiyātukāmo. BJT adds hoti.07 So evam-āha: [6]

“Ahaṁ hime Vajjī Thai has vajjī here, vajjiṁ elsewhere.08 evaṁmahiddhike evaṁmahānubhāve ucchecchāmi, vināsessāmi Vajjī, anayabyasanaṁ āpādessāmī Vajjī” ti. Yathā ca te Bhagavā byākaroti, taṁ sādhukaṁ uggahetvā, mama PTS: mamaṁ, alternate form of the dative.09 āroceyyāsi, na hi Tathāgatā vitathaṁ bhaṇantī.” ti [7]

“Evaṁ bho” ti kho Vassakāro brāhmaṇo Magadhamahāmatto, Rañño Māgadhassa Ajātasattussa Vedehiputtassa paṭissutvā, bhaddāni bhaddāni yānāni yojāpetvā, Thai, ChS: yojetvā, which would mean that they prepared, rather than had them prepared.10 bhaddaṁ BJT, PTS omit first bhaddaṁ.11 bhaddaṁ yānaṁ abhiruhitvā, PTS: abhirūhitvā; PED favours short -u- in this word.12 bhaddehi bhaddehi yānehi Rājagahamhā niyyāsi, yena Gijjhakūṭo Pabbato tena pāyāsi yāvatikā yānassa bhūmi yānena gantvā, yānā paccorohitvā pattiko va yena Bhagavā tenupasaṅkami, upasaṅkamitvā Bhagavatā saddhiṁ sammodi, sammodanīyaṁ kathaṁ sārāṇīyaṁ vītisāretvā, ekam-antaṁ nisīdi. Ekam-antaṁ nisinno kho Vassakāro brāhmaṇo Magadhamahāmatto Bhagavantaṁ etad-avoca: [8]

“Rājā bho Gotama Māgadho Ajātasattu Vedehiputto bhoto Gotamassa pāde sirasā vandati, appābādhaṁ appātaṅkaṁ lahuṭṭhānaṁ balaṁ phāsuvihāraṁ pucchati. Rājā bho Gotama Māgadho Ajātasattu Vedehiputto Vajjī abhiyātukāmo. So evam-āha: ‘Ahaṁ hime Vajjī evaṁmahiddhike evaṁmahānubhāve ucchecchāmi, vināsessāmi Vajjī, anayabyasanaṁ āpādessāmī Vajjī.’ ” ti [9]