Mahāparinibbānasuttaṁ (DN 16)

[Paṭhamabhāṇavāraṁ]

[2: Satta Vajjī-Aparihāniyā Dhammā] cf. AN Bk. 7.22-23.01

Tena kho pana samayena āyasmā Ānando Bhagavato piṭṭhito ṭhito hoti Bhagavantaṁ vījamāno. ChS: bījayamāno, BJT, Thai: vījiyamāno, but below BJT and Thai write vījamāno.02 Atha kho Bhagavā āyasmantaṁ Ānandaṁ āmantesi: [10]

  1. “Kin-ti te Ānanda sutaṁ: ‘Vajjī abhiṇhasannipātā ChS, PTS: abhiṇhaṁ sannipātā, here and below.3 sannipātabahulā?’ ” ti [11]

    “Sutaṁ metaṁ Bhante: ‘Vajjī abhiṇhasannipātā sannipātabahulā.’ ” ti [12]

    “Yāvakīvañ-ca Ānanda Vajjī abhiṇhasannipātā sannipātabahulā bhavissanti vuḍḍhi ChS, PTS: vuddhi, throughout. PED also favours the retroflex.4 yeva Ānanda Vajjīnaṁ pāṭikaṅkhā no parihāni. [13]

  2. Kin-ti te Ānanda sutaṁ: ‘Vajjī samaggā sannipatanti, BJT: sannipātanti, here by mistake.5 samaggā vuṭṭhahanti, samaggā Vajjīkaraṇīyāni ChS, PTS: Vajjī-, here, and PTS below, but not 3rd time.6 karontī?’ ” ti [14]

    “Sutaṁ metaṁ Bhante Vajjī samaggā sannipatanti samaggā vuṭṭhahanti, samaggā Vajjīkaraṇīyāni karontī.” ti [15]

    “Yāvakīvañ-ca Ānanda Vajjī samaggā sannipatissanti samaggā vuṭṭhahissanti, samaggā Vajjīkaraṇīyāni karissanti, vuḍḍhi yeva Ānanda Vajjīnaṁ pāṭikaṅkhā no parihāni. [16]

  3. Kin-ti te Ānanda sutaṁ: ‘Vajjī apaññattaṁ na paññāpenti, BJT, ChS, Thai: paññapenti, and similarly throughout.7 paññattaṁ na samucchindanti, yathāpaññatte porāṇe Vajjidhamme samādāya vattantī.’ ” ti [17]

    “Sutaṁ metaṁ Bhante: ‘Vajjī apaññattaṁ na paññāpenti, paññattaṁ na samucchindanti, yathāpaññatte porāṇe Vajjidhamme samādāya vattantī.’ ” ti [18]

    “Yāvakīvañ-ca Ānanda Vajjī apaññattaṁ na paññāpessanti, paññattaṁ na samucchindissanti, yathāpaññatte porāṇe Vajjidhamme samādāya vattissanti vuḍḍhi yeva Ānanda Vajjīnaṁ pāṭikaṅkhā no parihāni. [19]

  4. Kin-ti te Ānanda sutaṁ: ‘Vajjī ye te Vajjīnaṁ Vajjimahallakā te sakkaronti garukaronti ChS: garuṁ karonti, and similarly throughout, parsed form of the compound.8 mānenti pūjenti tesañ-ca sotabbaṁ maññantī.’ ” ti [20]

    “Sutaṁ metaṁ Bhante: ‘Vajjī ye te Vajjīnaṁ Vajjimahallakā te sakkaronti garukaronti mānenti pūjenti tesañ-ca sotabbaṁ maññantī.’ ” ti [21]

    “Yāvakīvañ-ca Ānanda Vajjī ye te Vajjīnaṁ Vajjimahallakā te sakkarissanti, garukarissanti mānessanti pūjessanti tesañ-ca sotabbaṁ maññissanti, vuḍḍhi yeva Ānanda Vajjīnaṁ pāṭikaṅkhā no parihāni. [22]

  5. Kin-ti te Ānanda sutaṁ: ‘Vajjī yā tā kulitthiyo kulakumāriyo tā na okkassa pasayha vāsentī?’ ” ti [23]

    “Sutaṁ metaṁ Bhante: ‘Vajjī yā tā kulitthiyo kulakumāriyo tā na okkassa pasayha vāsentī.’ ” ti [24]

    “Yāvakīvañ-ca Ānanda, Vajjī yā tā kulitthiyo kulakumāriyo tā na okkassa pasayha vāsessanti, vuḍḍhi yeva Ānanda Vajjīnaṁ pāṭikaṅkhā no parihāni. [25]

  6. Kin-ti te Ānanda sutaṁ: ‘Vajjī yāni tāni Vajjīnaṁ Vajjicetiyāni, abbhantarāni ceva bāhirāni ca tāni sakkaronti, garukaronti mānenti pūjenti, tesañ-ca dinnapubbaṁ katapubbaṁ dhammikaṁ baliṁ no parihāpentī?’ ” ti [26]

    “Sutaṁ metaṁ Bhante: ‘Vajjī yāni tāni Vajjīnaṁ Vajjicetiyāni, abbhantarāni ceva bāhirāni ca tāni sakkaronti, garukaronti mānenti pūjenti, tesañ-ca dinnapubbaṁ katapubbaṁ dhammikaṁ baliṁ no parihāpentī.” ti BJT: parihāpenti ti, printing error.9 [27]

    “Yāvakīvañ-ca Ānanda, Vajjī yāni tāni Vajjīnaṁ Vajjicetiyāni, abbhantarāni ceva bāhirāni ca tāni sakkarissanti, garukarissanti mānessanti pūjessanti, tesañ-ca dinnapubbaṁ katapubbaṁ dhammikaṁ baliṁ no parihāpessanti vuḍḍhi yeva Ānanda Vajjīnaṁ pāṭikaṅkhā no parihāni. [28]

  7. Kin-ti te Ānanda sutaṁ: ‘Vajjīnaṁ Arahantesu dhammikā rakkhāvaraṇagutti susaṁvihitā, kin-ti anāgatā ca Arahanto vijitaṁ āgaccheyyuṁ, āgatā ca Arahanto vijite phāsuṁ ChS: phāsu, here and below, but we need an accusative.10 vihareyyun?’ ”-ti [29]

    “Sutaṁ metaṁ Bhante: ‘Vajjīnaṁ Arahantesu dhammikā rakkhāvaraṇagutti susaṁvihitā, kin-ti anāgatā ca Arahanto vijitaṁ āgaccheyyuṁ, āgatā ca Arahanto vijite phāsuṁ vihareyyun.’ ”-ti [30]

    “Yāvakīvañ-ca Ānanda, Vajjīnaṁ Arahantesu dhammikā rakkhāvaraṇagutti susaṁvihitā bhavissati, kin-ti anāgatā ca Arahanto vijitaṁ āgaccheyyuṁ, āgatā ca Arahanto vijite phāsuṁ vihareyyuṁ, All editions add ti here, which is unwanted.11 vuḍḍhi yeva Ānanda Vajjīnaṁ pāṭikaṅkhā no parihānī.” ti [31]

Atha kho Bhagavā Vassakāraṁ brāhmaṇaṁ Magadhamahāmattaṁ āmantesi: [32]

“Ekam-idāhaṁ brāhmaṇa samayaṁ Vesāliyaṁ viharāmi Sārandade Cetiye tatrāhaṁ Vajjīnaṁ ime satta aparihāniye dhamme desesiṁ. Yāvakīvañ-ca brāhmaṇa ime satta aparihāniyā dhammā Vajjīsu ṭhassanti, imesu ca sattasu aparihāniyesu dhammesu Vajjī sandississanti, vuḍḍhi yeva brāhmaṇa Vajjīnaṁ pāṭikaṅkhā no parihānī.” ti [33]

Evaṁ vutte Vassakāro brāhmaṇo Magadhamahāmatto Bhagavantaṁ etad-avoca: [34]

“Ekam-ekena BJT: ekenā, printing error.12 pi bho Gotama aparihāniyena dhammena samannāgatānaṁ Vajjīnaṁ, vuḍḍhi yeva pāṭikaṅkhā no parihāni, ko pana vādo sattahi aparihāniyehi dhammehi? Akaraṇīyā va BJT, Thai: ca.13 bho Gotama Vajjī Raññā Māgadhena Ajātasattunā Vedehiputtena, yad-idaṁ yuddhassa aññatra upalāpanāya aññatra mithubhedāya. BJT, ChS: mithubhedā, instrumental, but the form upalāpanāya (which has no variants) probably ensures that in both cases we have the genitive used with intrumental sense.14 Handa ca dāni Thai: cadāhi.15 mayaṁ bho Gotama gacchāma bahukiccā mayaṁ bahukaraṇīyā.” ti [35]

“Yassa dāni tvaṁ brāhmaṇa kālaṁ maññasī.” ti [36]

Atha kho Vassakāro brāhmaṇo Magadhamahāmatto, Bhagavato bhāsitaṁ abhinanditvā anumoditvā uṭṭhāyāsanā pakkāmi. [37]