Mahāparinibbānasuttaṁ Home Page   Next Section

Mahāparinibbānasuttaṁ (DN 16)

[Paṭhamabhāṇavāraṁ]

[7: Apare Satta Saṅgha-Aparihāniyā Dhammā (29-35)] cf. AN Bk. 7.27.⁰¹

Apare pi vo bhikkhave satta aparihāniye dhamme desessāmi, taṁ suṇātha sādhukaṁ manasikarotha bhāsissāmī ti.” [83]

“Evaṁ Bhante,” ti kho te bhikkhū Bhagavato paccassosuṁ, Bhagavā etad-avoca: [84]

1. “Yāvakīvañ-ca bhikkhave bhikkhū aniccasaññaṁ bhāvessanti, vuḍḍhi yeva bhikkhave bhikkhūnaṁ pāṭikaṅkhā no parihāni. PTS abbreviates without marking it as a repetition passage.⁰² [85]

2. Yāvakīvañ-ca bhikkhave bhikkhū anattasaññaṁ bhāvessanti, vuḍḍhi yeva bhikkhave bhikkhūnaṁ pāṭikaṅkhā no parihāni. [86]

3. Yāvakīvañ-ca bhikkhave bhikkhū asubhasaññaṁ bhāvessanti, vuḍḍhi yeva bhikkhave bhikkhūnaṁ pāṭikaṅkhā no parihāni. [87]

4. Yāvakīvañ-ca bhikkhave bhikkhū ādīnavasaññaṁ bhāvessanti, vuḍḍhi yeva bhikkhave bhikkhūnaṁ pāṭikaṅkhā no parihāni. [88]

5. Yāvakīvañ-ca bhikkhave bhikkhū pahānasaññaṁ bhāvessanti, vuḍḍhi yeva bhikkhave bhikkhūnaṁ pāṭikaṅkhā no parihāni. [89]

6. Yāvakīvañ-ca bhikkhave bhikkhū virāgasaññaṁ bhāvessanti, vuḍḍhi yeva bhikkhave bhikkhūnaṁ pāṭikaṅkhā no parihāni. [90]

7. Yāvakīvañ-ca bhikkhave bhikkhū nirodhasaññaṁ bhāvessanti, vuḍḍhi yeva bhikkhave bhikkhūnaṁ pāṭikaṅkhā no parihāni. [91]

Yāvakīvañ-ca bhikkhave ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti, vuḍḍhi yeva bhikkhave bhikkhūnaṁ pāṭikaṅkhā no parihāni. [92]

Mahāparinibbānasuttaṁ Home Page   Next Section