Mahāparinibbānasuttaṁ (DN 16)

[Dutiyabhāṇavāraṁ]

[13: Cattāro Ariyasaccāni] cf. Paṭhamakoṭigāmasuttaṁ (SN 56:21), Bessajjakkhandhakaṁ: Koṭigāme saccakathā, Vin. Mhv. 1.230-231.01

Atha kho Bhagavā āyasmantaṁ Ānandaṁ āmantesi: [184]

“Āyām' Ānanda yena Koṭigāmo tenupasaṅkamissāmā.” ti [185]

“Evaṁ Bhante,” ti kho āyasmā Ānando Bhagavato paccassosi. Atha kho Bhagavā mahatā bhikkhusaṅghena saddhiṁ yena Koṭigāmo tad-avasari. Tatra sudaṁ Bhagavā Koṭigāme PTS: Koṭhigāme, printing error.02 viharati. Tatra kho Bhagavā bhikkhū āmantesi: [186]

“Catunnaṁ bhikkhave Ariyasaccānaṁ ananubodhā appaṭivedhā evam-idaṁ dīgham-addhānaṁ sandhāvitaṁ saṁsaritaṁ mamañ-ceva tumhākañ-ca. [187]

Katamesaṁ catunnaṁ? [188]

  1. Dukkhassa bhikkhave Ariyasaccassa ananubodhā appaṭivedhā evam-idaṁ dīgham-addhānaṁ sandhāvitaṁ saṁsaritaṁ mamañ-ceva tumhākañ-ca. [189]

  2. Dukkhasamudayassa bhikkhave Ariyasaccassa ananubodhā appaṭivedhā evam-idaṁ dīgham-addhānaṁ sandhāvitaṁ saṁsaritaṁ mamañ-ceva tumhākañ-ca. [190]

  3. Dukkhanirodhassa bhikkhave Ariyasaccassa ananubodhā appaṭivedhā evam-idaṁ dīgham-addhānaṁ sandhāvitaṁ saṁsaritaṁ mamañ-ceva tumhākañ-ca. [191]

  4. Dukkhanirodhagāminiyā paṭipadāya bhikkhave Ariyasaccassa ananubodhā appaṭivedhā evam-idaṁ dīgham-addhānaṁ sandhāvitaṁ saṁsaritaṁ mamañ-ceva tumhākañ-ca. [192]

Ta-y-idaṁ bhikkhave dukkhaṁ Ariyasaccaṁ anubuddhaṁ paṭividdhaṁ, dukkhasamudayo ChS, PTS: dukkhasamudayaṁ. The correct form here should be a nominative with the past pariciple, not an accusative. Same for the next.03 Ariyasaccaṁ anubuddhaṁ paṭividdhaṁ, dukkhanirodho ChS, PTS: dukkhanirodhaṁ.04 Ariyasaccaṁ anubuddhaṁ paṭividdhaṁ, dukkhanirodhagāminī paṭipadā Ariyasaccaṁ anubuddhaṁ paṭividdhaṁ. Ucchinnā bhavataṇhā, khīṇā bhavanetti, natthi dāni punabbhavo.” ti [193]

Idam-avoca Bhagavā idaṁ vatvā Thai, ChS: vatvāna, always in this phrase; it is an alternate form of the absolutive.05 Sugato athāparaṁ etad-avoca Satthā: [194]

⏑−−⏑⏑¦⏑−−−¦¦⏑−−−¦⏑−⏑−
“Catunnaṁ Ariyasaccānaṁ yathābhūtaṁ adassanā

−⏑−−¦⏑−−−¦¦−⏑−−¦⏑−⏑−
saṁsitaṁ Thai: saṁsaritaṁ, an alternate form of the verb, but one that ruins the metre.06 dīgham-addhānaṁ tāsu tāsveva PTS: tās' eva. The reading in the text is the sandhi form = tāsu eva.07 jātisu. [195]

−⏑−−¦⏑−−−¦¦⏑⏑−⏑¦⏑−⏑−
Tāni etāni diṭṭhāni bhavanetti samūhatā,

−−−−¦−,−−−¦¦−⏑−⏑¦⏑−⏑− mavipulā
ucchinnaṁ mūlaṁ dukkhassa natthi dāni punabbhavo ti.” [196]

* * *

Tatra pi sudaṁ Bhagavā Koṭigāme viharanto, etad-eva bahulaṁ bhikkhūnaṁ Dhammiṁ kathaṁ karoti: [197]

“Iti sīlaṁ, iti samādhi, iti paññā, sīlaparibhāvito samādhi mahapphalo hoti mahānisaṁso, samādhiparibhāvitā paññā mahapphalā hoti mahānisaṁsā, paññāparibhāvitaṁ cittaṁ sammad-eva āsavehi vimuccati, seyyathīdaṁ: kāmāsavā bhavāsavā avijjāsavā.” ti [198]