Mahāparinibbānasuttaṁ (DN 16)

[Tatiyabhāṇavāraṁ]

[22: Aṭṭha Vimokkhā] cf. Mahānidānasuttaṁ (DN 15); Saṅgītisuttaṁ (DN 33); Dasuttarasuttaṁ (DN 34); Vimokkhasuttaṁ (AN Bk. 8:66); Mahāsakuludāyisuttaṁ (MN 77).01

Aṭṭha kho ime Ānanda vimokkhā. BJT: vimokkho, printing error; PTS: vimokhā, and similarly throughout.02 [387]

Katame aṭṭha? [388]

  1. Rūpī rūpāni PTS: rupāni, printing error.03 passati. Ayaṁ paṭhamo vimokkho. [389]

  2. Ajjhattaṁ arūpasaññī bahiddhā rūpāni passati. Ayaṁ dutiyo vimokkho. [390]

  3. Subhanteva adhimutto hoti. Ayaṁ tatiyo vimokkho. [391]

  4. Sabbaso rūpasaññānaṁ samatikkamā, paṭighasaññānaṁ atthaṅgamā, nānattasaññānaṁ amanasikārā: ‘Ananto ākāso’ ti, ākāsānañcāyatanaṁ upasampajja viharati. Ayaṁ catuttho vimokkho. [392]

  5. Sabbaso ākāsānañcāyatanaṁ samatikkamma: ‘Anantaṁ viññāṇan’-ti viññāṇañcāyatanaṁ upasampajja viharati. Ayaṁ pañcamo vimokkho. [393]

  6. Sabbaso viññāṇañcāyatanaṁ samatikkamma: ‘Natthi kiñcī’ ti ākiñcaññāyatanaṁ upasampajja viharati. Ayaṁ chaṭṭho vimokkho. [394]

  7. Sabbaso ākiñcaññāyatanaṁ samatikkamma, nevasaññānāsaññāyatanaṁ upasampajja viharati. Ayaṁ sattamo vimokkho. [395]

  8. Sabbaso nevasaññānāsaññāyatanaṁ samatikkamma, saññāvedayitanirodhaṁ upasampajja viharati. Ayaṁ aṭṭhamo vimokkho. [396]

Ime kho Ānanda aṭṭha vimokkhā. [397]