Mahāparinibbānasuttaṁ (DN 16)

[Chaṭṭhabhāṇavāraṁ]

[40: Tathāgatassa Pacchimā Anusāsanā]

Atha kho Bhagavā āyasmantaṁ Ānandaṁ āmantesi: [735]

“Siyā kho pan' Ānanda tumhākaṁ evam-assa: ‘Atītasatthukaṁ pāvacanaṁ natthi no Satthā.’ ti Na kho panetaṁ Ānanda evaṁ daṭṭhabbaṁ, yo vo BJT: kho.01 Ānanda mayā Dhammo ca Vinayo ca desito paññatto so vo mamaccayena Satthā. BJT adds ti, but the quotation is not finished.02 [736]

Yathā kho pan' Ānanda etarahi bhikkhū aññamaññaṁ āvusovādena samudācaranti: na kho Thai: te; PTS: vo.03 mamaccayena evaṁ samudācaritabbaṁ. Theratarena Ānanda bhikkhunā navakataro bhikkhu nāmena vā gottena vā āvusovādena vā samudācaritabbo. [737]

Navakatarena bhikkhunā therataro bhikkhu Bhante ti vā āyasmā ti vā samudācaritabbo. Ākaṅkhamāno Ānanda Saṅgho mamaccayena, khuddānukhuddakāni sikkhāpadāni samūhanatu. PTS: samūhantu.04 [738]

Channassa Ānanda bhikkhuno mamaccayena brahmadaṇḍo dātabbo.” ti PTS: kātabbo ti.05 [739]

“Katamo pana Bhante brahmadaṇḍo?” ti [740]

“Channo Ānanda bhikkhu yaṁ iccheyya taṁ vadeyya so bhikkhūhi neva vattabbo na ovaditabbo na anusāsitabbo.” ti [741]

Atha kho PTS omits kho.06 Bhagavā bhikkhū āmantesi: [742]

“Siyā kho pana bhikkhave ekabhikkhussa pi BJT, ChS: ekabhikkhussāpi.07 kaṅkhā vā vimati vā Buddhe vā Dhamme vā Saṅghe vā Magge vā paṭipadāya vā. Pucchatha bhikkhave mā pacchā vippaṭisārino ahuvattha: ‘Sammukhībhūto no Satthā ahosi na mayaṁ sikkhimhā BJT, PTS: sikkhimha, here and below.08 Bhagavantaṁ sammukhā paṭipucchitun.’ ”-ti [743]

Evaṁ vutte te bhikkhū tuṇhī ahesuṁ. [744]

Dutiyam-pi kho Bhagavā bhikkhū āmantesi: [745]

“Siyā kho pana bhikkhave ekabhikkhussa pi kaṅkhā vā vimati vā Buddhe vā Dhamme vā Saṅghe vā Magge vā paṭipadāya vā. Pucchatha bhikkhave mā pacchā vippaṭisārino ahuvattha: ‘Sammukhībhūto no Satthā ahosi na mayaṁ sikkhimhā Bhagavantaṁ sammukhā paṭipucchitun.’ ”-ti [746]

Dutiyam-pi kho te bhikkhū tuṇhī ahesuṁ. [747]

Tatiyam-pi kho Bhagavā bhikkhū āmantesi: [748]

“Siyā kho pana bhikkhave ekabhikkhussa pi kaṅkhā vā vimati vā Buddhe vā Dhamme vā Saṅghe vā Magge vā paṭipadāya vā. Pucchatha bhikkhave mā pacchā vippaṭisārino ahuvattha: ‘Sammukhībhūto no Satthā ahosi na mayaṁ sikkhimhā Bhagavantaṁ sammukhā paṭipucchitun.’ ”-ti [749]

Tatiyam-pi kho te bhikkhū tuṇhī ahesuṁ. [750]

Atha kho Bhagavā bhikkhū āmantesi: [751]

“Siyā kho pana bhikkhave Satthu gāravena pi BJT: gāravenāpi.09 na puccheyyātha, sahāyako pi bhikkhave sahāyakassa ārocetū.” ti [752]

Evaṁ vutte te bhikkhū tuṇhī ahesuṁ. Atha kho āyasmā Ānando Bhagavantaṁ etad-avoca: [753]

“Acchariyaṁ Bhante abbhutaṁ Bhante, evaṁ pasanno ahaṁ Bhante imasmiṁ bhikkhusaṅghe natthi Thai adds imasmiṁ Bhikkhusaṅghe.10 ekabhikkhussa pi kaṅkhā vā vimati vā Buddhe vā Dhamme vā Saṅghe vā Magge vā paṭipadāya vā.” ti [754]

“Pasādā kho tvaṁ Ānanda vadesi, ñāṇam-eva hettha Ānanda Tathāgatassa natthi imasmiṁ Bhikkhusaṅghe PTS adds n'atthi here, which is not needed.11 ekabhikkhussa pi kaṅkhā vā vimati vā Buddhe vā Dhamme vā Saṅghe vā Magge vā paṭipadāya vā. Imesaṁ hi Ānanda pañcannaṁ bhikkhusatānaṁ, yo pacchimako bhikkhu so sotāpanno avinipātadhammo, niyato sambodhiparāyano.” BJT, ChS: -parāyaṇo.12 ti [755]

Atha kho Bhagavā bhikkhū āmantesi: [756]

“Handa dāni bhikkhave āmantayāmi vo vayadhammā saṅkhārā, appamādena sampādethā!” ti [757]

Ayaṁ Tathāgatassa pacchimā vācā. [758]