Dhammānupassanā

Nīvaraṇapabbaṁ

Kathañ-ca, BJT, ChS add pana, also in the partial repetition just below.01 bhikkhave, bhikkhu dhammesu dhammānupassī viharati? Idha, bhikkhave, bhikkhu dhammesu dhammānupassī viharati, pañcasu nīvaraṇesu.

Kathañ-ca, bhikkhave, bhikkhu dhammesu dhammānupassī viharati, pañcasu nīvaraṇesu?

Idha, bhikkhave, bhikkhu santaṁ vā ajjhattaṁ kāmacchandaṁ “atthi me ajjhattaṁ kāmacchando” ti pajānāti; asantaṁ vā ajjhattaṁ kāmacchandaṁ “natthi me ajjhattaṁ kāmacchando” ti pajānāti. Yathā ca anuppannassa kāmacchandassa uppādo hoti tañ-ca pajānāti; yathā ca uppannassa kāmacchandassa pahānaṁ hoti tañ-ca pajānāti; yathā ca pahīnassa kāmacchandassa āyatiṁ anuppādo hoti tañ-ca pajānāti.

Santaṁ vā ajjhattaṁ byāpādaṁ PTS, ONLY: vyāpādaṁ, and so throughout.02 “atthi me ajjhattaṁ byāpādo” ti pajānāti; asantaṁ vā ajjhattaṁ byāpādaṁ “natthi me ajjhattaṁ byāpādo” ti pajānāti. Yathā ca anuppannassa byāpādassa uppādo hoti tañ-ca pajānāti, yathā ca uppannassa byāpādassa pahānaṁ hoti tañ-ca pajānāti, yathā ca pahīnassa byāpādassa āyatiṁ anuppādo hoti tañ-ca pajānāti.

Santaṁ vā ajjhattaṁ thīnamiddhaṁ ChS: thina-, and so throughout.03 “atthi me ajjhattaṁ thīnamiddhan”-ti pajānāti; asantaṁ vā ajjhattaṁ thīnamiddhaṁ “natthi me ajjhattaṁ thīnamiddhan”-ti pajānāti. Yathā ca anuppannassa thīnamiddhassa uppādo hoti tañ-ca pajānāti; yathā ca uppannassa thīnamiddhassa pahānaṁ hoti tañ-ca pajānāti; yathā ca pahīnassa thīnamiddhassa āyatiṁ anuppādo hoti tañ-ca pajānāti.

Santaṁ vā ajjhattaṁ uddhaccakukkuccaṁ “atthi me ajjhattaṁ uddhaccakukkuccan”-ti pajānāti; asantaṁ vā ajjhattaṁ uddhaccakukkuccaṁ “natthi me ajjhattaṁ uddhaccakukkuccan” BJT: uddhakukkuccan, omitting -cca- through haplography, a printer's error.04-ti pajānāti. Yathā ca anuppannassa uddhaccakukkuccassa uppādo hoti tañ-ca pajānāti; yathā ca uppannassa uddhaccakukkuccassa pahānaṁ hoti tañ-ca pajānāti; yathā ca pahīnassa uddhaccakukkuccassa āyatiṁ anuppādo hoti tañ-ca pajānāti.

Santaṁ vā ajjhattaṁ vicikicchaṁ “atthi me ajjhattaṁ vicikicchā” ti pajānāti; asantaṁ vā ajjhattaṁ vicikicchaṁ “natthi me ajjhattaṁ vicikicchā” ti pajānāti. Yathā ca anuppannāya vicikicchāya uppādo hoti tañ-ca pajānāti; yathā PTS: yatha, printer's error.05 ca uppannāya vicikicchāya pahānaṁ hoti tañ-ca pajānāti; yathā ca pahīnāya vicikicchāya āyatiṁ anuppādo hoti tañ-ca pajānāti.

* * *

Iti ajjhattaṁ vā dhammesu dhammānupassī viharati, bahiddhā vā dhammesu dhammānupassī viharati, ajjhattabahiddhā vā dhammesu dhammānupassī viharati, samudayadhammānupassī vā dhammesu viharati, vayadhammānupassī vā dhammesu viharati, samudayavayadhammānupassī vā dhammesu viharati, “atthi dhammā” ti vā panassa sati paccupaṭṭhitā hoti yāvad-eva ñāṇamattāya patissatimattāya, anissito ca viharati, na ca kiñci loke upādiyati.

Evam-pi kho, ONLY: evaṁpi kho (sic).06 bhikkhave, bhikkhu dhammesu dhammānupassī viharati, pañcasu nīvaraṇesu.

Nīvaraṇapabbaṁ Niṭṭhitaṁ BJT: niṭṭhitā; BJT also places this end-title in brackets, but not so with the other end-titles in this section.07