Bodhivaggo paṭhamo

1-3: Tatiyabodhisuttaṁ (3)

evaṁ me sutaṁ:
ekaṁ samayaṁ bhagavā uruvelāyaṁ viharati, najjā nerañjarāya tīre bodhirukkhamūle paṭhamābhisambuddho. tena kho pana samayena BJT note: tena samayena - Vinayapāḷi Mahāvaggo.01 bhagavā sattāhaṁ ekapallaṅkena nisinno hoti vimuttisukhapaṭisaṁvedī.

atha kho bhagavā tassa sattāhassa accayena, tamhā samādhimhā vuṭṭhahitvā, rattiyā pacchimaṁ yāmaṁ, paṭiccasamuppādaṁ anulomapaṭilomaṁ sādhukaṁ manasākāsi:

“iti imasmiṁ sati idaṁ hoti, imassuppādā idaṁ uppajjati,
imasmiṁ asati idaṁ na hoti, imassa nirodhā idaṁ nirujjhati,
yadidaṁ: avijjāpaccayā saṅkhārā,
saṅkhārapaccayā viññāṇaṁ,
viññāṇapaccayā nāmarūpaṁ,
nāmarūpapaccayā saḷāyatanaṁ,
saḷāyatanapaccayā phasso,
phassapaccayā vedanā,
vedanāpaccayā taṇhā,
taṇhāpaccayā upādānaṁ,
upādānapaccayā bhavo,
bhavapaccayā jāti,
jātipaccayā jarāmaraṇaṁ sokaparidevadukkhadomanassupāyāsā sambhavanti.
evam-etassa kevalassa dukkhakkhandhassa samudayo hoti.

[BJT Page 134]

avijjāya tveva asesavirāganirodhā saṅkhāranirodho,
saṅkhāranirodhā viññāṇanirodho,
viññāṇanirodhā nāmarūpanirodho,
nāmarūpanirodhā saḷāyatananirodho,
saḷāyatananirodhā phassanirodho,
phassanirodhā vedanānirodho,
vedanānirodhā taṇhānirodho,
taṇhānirodhā upādānanirodho,
upādānanirodhā bhavanirodho,
bhavanirodhā jātinirodho,
jātinirodhā jarāmaraṇaṁ sokaparidevadukkhadomanassupāyāsā nirujjhanti.
evam-etassa kevalassa dukkhakkhandhassa nirodho hotī” ti.

atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

⏑−⏑−,¦−⏑⏑¦−⏑−−   Tuṭṭhubha x4
“yadā have pātubhavanti dhammā

−−⏑−,¦−⏑−¦−⏑−−
ātāpino jhāyato brāhmaṇassa,

⏑−⏑−,¦−⏑⏑¦−⏑−−
vidhūpayaṁ tiṭṭhati mārasenaṁ,

⏑⏑−⏑,−¦−⏑⏑¦−⏑−−
suriyo va obhāsayam-antaḷikkhan”-ti. Metre: 1st resolved (or we could understand suriyo as containing a sarabhatti vowel).02