Bodhivaggo paṭhamo

1-9: Jaṭilasuttaṁ (9)

1. evaṁ me sutaṁ:
ekaṁ samayaṁ bhagavā gayāyaṁ viharati gayāsīse. tena kho pana samayena sambahulā jaṭilā, sītāsu hemantikāsu rattīsu antaraṭṭhake himapātasamaye, gayāyaṁ ummujjanti pi, nimujjanti pi, ummujjanimujjam-pi karonti, osiñcanti pi, aggim-pi juhanti: “iminā suddhī” ti.

addasā kho bhagavā te sambahule jaṭile, sītāsu hemantikāsu rattīsu antaraṭṭhake himapātasamaye, gayāyaṁ ummujjante pi, nimujjante pi, ummujjanimujjaṁ karonte pi, osiñcante pi, aggim-pi juhante: “iminā suddhī” ti.

2. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

⏑⏑⏑−⏑¦⏑⏑−−¦¦−−⏑−¦⏑−⏑−   savipula
“na udakena suci hoti ~ - bahvettha nahāyatī Editor's note: BJT, nahāyati, which must be a printer's error.01 jano!

−⏑−−¦⏑−−−¦¦−⏑−−¦⏑−⏑−
yamhi saccañ-ca dhammo ca, ~ so sucī so ca brāhmaṇo” ti.

[BJT Page 142]