Mucalindavaggo dutiyo

2-7: Ekaputtasuttaṁ (17)

evaṁ me sutaṁ:
ekaṁ samayaṁ bhagavā sāvatthiyaṁ viharati, jetavane anāthapiṇḍikassa ārāme. tena kho pana samayena aññatarassa upāsakassa ekaputtako piyo manāpo kālaṅkato hoti. atha kho sambahulā upāsakā allavatthā allakesā, divādivassa yena bhagavā tenupasaṅkamiṁsu, upasaṅkamitvā bhagavantaṁ abhivādetvā, ekamantaṁ nisīdiṁsu. ekamantaṁ nisinne kho te upāsake bhagavā etad-avoca: “kinnu kho tumhe upāsakā, allavatthā allakesā, idhūpasaṅkantā divā divassā?” ti

evaṁ vutte, so upāsako bhagavantaṁ etad-avoca: “mayhaṁ kho bhante ekaputtakosi piyo manāpo kālaṅkato. tena mayaṁ allavatthā allakesā idhūpasaṅkantā divā divassā” ti.

[BJT Page 158]

atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

⏑⏑−¦−−⏑¦⏑⏑−¦−,−⏑¦−−¦⏑⏑⏑¦−−¦−   Old Gīti
“piyarūpassādagathitāse BJT note: piyarūpāsātagathitāse - palm leaf book.01 ~ devakāyā puthumanussā ca, Metre: Old Gīti; we need to read piyarūpasāda-; puthū; & parijjunnā to correct the metre.02

⏑−¦⏑−⏑¦⏑−¦−,−⏑¦−−¦⏑⏑−¦−−¦−
aghāvino parijunnā, ~ maccurājassa vasaṁ gacchanti.

−−¦⏑−⏑¦−−¦−,−⏑¦−−¦⏑−⏑¦⏑⏑−¦−
ye ve divā ca ratto ca ~ appamattā jahanti piyarūpaṁ

−−¦⏑−⏑¦⏑⏑−¦−,−⏑¦−−¦⏑−⏑¦⏑⏑−¦−
te ve khananti aghamūlaṁ ~ maccuno āmisaṁ durativattan”-ti.