Nandavaggo tatiyo

3-7: Kassapasuttaṁ (27)

1. evaṁ me sutaṁ:
ekaṁ samayaṁ bhagavā rājagahe viharati, veḷuvane kalandakanivāpe. tena kho pana samayena āyasmā mahākassapo pipphaliguhāyaṁ BJT note: simbaliguhāyaṁ - ChS. pippaliguhāyaṁ - seen somewhere.01 viharati, sattāhaṁ ekapallaṅkena nisinno hoti, aññataraṁ samādhiṁ samāpajjitvā.

[BJT Page 186]

2. atha kho āyasmā mahākassapo tassa sattāhassa accayena tamhā samādhimhā vuṭṭhāsi. atha kho āyasmato mahākassapassa tamhā samādhimhā vuṭṭhitassa etad-ahosi: “yannūnāhaṁ rājagahaṁ piṇḍāya paviseyyan”-ti. tena kho pana samayena pañcamattāni devatāsatāni ussukkaṁ āpannāni honti āyasmato mahākassapassa piṇḍapātapaṭilābhāya. atha kho āyasmā mahākassapo tāni pañcamattāni devatāsatāni paṭikkhipitvā, pubbanhasamayaṁ nivāsetvā pattacīvaram-ādāya, rājagahaṁ piṇḍāya pāvisi.

3. tena kho pana samayena sakko devānam-indo, āyasmato mahākassapassa piṇḍapātaṁ dātukāmo hoti, pesakāravaṇṇaṁ abhinimminitvā, tantaṁ vināti sujā BJT note: sujātāti - in many places.02 asurakaññā tasaraṁ pūreti.

4. atha kho āyasmā mahākassapo rājagahe sapadānaṁ piṇḍāya caramāno, yena sakkassa devānam-indassa nivesanaṁ tenupasaṅkami. addasā kho sakko devānam-indo āyasmantaṁ mahākassapaṁ dūrato va āgacchantaṁ. disvāna, gharā nikkhamitvā paccuggantvā hatthato pattaṁ gahetvā, gharaṁ pavisitvā ghaṭiyā odanaṁ uddharitvā pattaṁ pūretvā, āyasmato mahākassapassa pādāsi. so ahosi piṇḍapāto anekasūpo Editor's note: BJT, anekasupo - printer's error.03 anekabyañjano anekasūparasabyañjano.

5. atha kho āyasmato mahākassapassa etad-ahosi: “ko nu kho ayaṁ satto, yassāyaṁ evarūpo iddhānubhāvo?” ti. atha kho āyasmato mahākassapassa etad-ahosi: “sakko kho ayaṁ devānam-indo” ti. iti viditvā sakkaṁ devānam-indaṁ etad-avoca: “kataṁ kho te idaṁ kosiya, māssu puna pi evarūpam-akāsī” ti.

6. “amhākam-pi bhante kassapa puññena attho, amhākam-pi puññena karaṇīyan”-ti. atha kho sakko devānam-indo āyasmantaṁ mahākassapaṁ abhivādetvā padakkhiṇaṁ katvā, vehāsaṁ abbhuggantvā ākāse antaḷikkhe tikkhattaṁ udānaṁ udānesi:

⏑−−−¦⏑⏑⏑−−¦¦−⏑−−¦⏑−⏑−   ravipula x2
“aho dānaṁ! paramadānaṁ ~ kassape suppatiṭṭhitaṁ, Metre: BJT lays this udāna out as prose (and the repetition below), but the lines scan as Siloka, with resolution at the 5th in the prior lines giving the ravipula.04

⏑−−−¦⏑⏑⏑−−¦¦−⏑−−¦⏑−⏑−
aho dānaṁ! paramadānaṁ ~ kassape suppatiṭṭhitan”-ti.

7. assosi kho bhagavā dibbāya sotadhātuyā, visuddhāya atikkantamānusikāya BJT note: mānusakāya - in many places.05 sakkassa devānam-indassa, vehāsaṁ abbhuggantvā ākāse antaḷikkhe tikkhattuṁ udānaṁ udānentassa:

⏑−−−¦⏑⏑⏑−−¦¦−⏑−−¦⏑−⏑−   ravipula x2
“aho dānaṁ! paramadānaṁ ~ kassape suppatiṭṭhitaṁ,

⏑−−−¦⏑⏑⏑−−¦¦−⏑−−¦⏑−⏑−
aho dānaṁ! paramadānaṁ ~ kassape suppatiṭṭhitan”-ti.

8. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

−⏑−⏑¦−⏑−⏑−   Vetālīya x 4
“piṇḍapātikassa bhikkhuno,

−⏑⏑−⏑⏑¦−⏑−⏑− 
attabharassa anaññaposino

−−⏑⏑¦−⏑−⏑−
- devā pihayanti tādino -

⏑⏑−−⏑⏑¦−⏑−⏑−
upasantassa sadā satīmato” ti.

[BJT Page 188]