Meghiyavaggo catuttho

4-8: Sundarīsuttaṁ (38)

1. evaṁ me sutaṁ:
ekaṁ samayaṁ bhagavā sāvatthiyaṁ viharati, jetavane anāthapiṇḍikassa ārāme. tena kho pana samayena bhagavā sakkato hoti garukato mānito pūjito apacito, lābhī cīvarapiṇḍapātasenāsanagilānappaccayabhesajjaparikkhārānaṁ Editor's note: BJT wavers between writing -paccaya- & -ppaccaya-; here for the sake of consistency the latter reading has been preferred.01 bhikkhusaṅgho pi sakkato hoti garukato mānito pūjito apacito, lābhī cīvarapiṇḍapātasenāsanagilānappaccayabhesajjaparikkhārānaṁ. aññatitthiyā pana paribbājakā asakkatā honti agarukatā amānitā apūjitā anapacitā, na lābhino cīvarapiṇḍapātasenāsanagilānappaccayabhesajjaparikkhārānaṁ.

2. atha kho te aññatitthiyā paribbājakā bhagavato sakkāraṁ asahamānā bhikkhusaṅghassa ca, yena sundarī paribbājikā tenupasaṅkamiṁsu, upasaṅkamitvā, sundariṁ paribbājikaṁ etad-avocuṁ: “ussahasi bhagini ñātīnaṁ atthaṁ kātun?”-ti. “kyāhaṁ ayyā karomi, kiṁ mayā na sakkā kātuṁ? BJT note: kiṁ mayā sakkā kātuṁ - palm leaf book, Thai.02 jīvitam-pi me pariccattaṁ ñātīnaṁ atthāyā” ti.

[BJT Page 214]

3. “tena hi bhagini abhikkhaṇaṁ jetavanaṁ gacchāhī” ti. “evam-ayyā” ti kho sundarī paribbājikā tesaṁ aññatitthiyānaṁ paribbājakānaṁ paṭissutvā, abhikkhaṇaṁ jetavanaṁ agamāsi. yadā te aññiṁsu aññatitthiyā paribbājakā: “vodiṭṭhā BJT note: te diṭṭhā - palm leaf book. Editor's note: vo is usually enclitic, and therefore cannot stand at the beginning of a sentence.03 kho sundarī paribbājikā bahujanena abhikkhaṇaṁ jetavanaṁ gacchatī” ti. BJT note: āgacchatī-ti - palm leaf book.04 atha naṁ jīvitā voropetvā, tattheva jetavanassa parikhākūpe nikhaṇitvā, BJT note: parikhākūpe nikkhīpitvā - ChS.05 yena rājā pasenadi kosalo tenupasaṅkamiṁsu, upasaṅkamitvā, rājānaṁ pasenadiṁ kosalaṁ etad-avocuṁ: “yā sā mahārāja sundarī paribbājikā, sā no na dissatī” ti. “kattha pana tumhe āsaṅkathā?” ti. “jetavane mahārājā” ti. “tena hi jetavanaṁ vicinathā” ti.

4. atha kho te aññatitthiyā paribbājakā jetavanaṁ vicinitvā, yathā nikhaṇitaṁ parikhākūpā uddharitvā, mañcakaṁ āropetvā, sāvatthiṁ pavesetvā, rathiyā rathiyaṁ siṅghāṭakena siṅghāṭakaṁ upasaṅkamitvā, manusse ujjhāpesuṁ: “passathayyā samaṇānaṁ sakyaputtiyānaṁ kammaṁ, alajjino ime samaṇā sakyaputtiyā dussīlā, pāpadhammā musāvādino abrahmacārino. ime hi nāma dhammacārino samacārino brahmacārino, saccavādīno sīlavanto kalyāṇadhammā paṭijānissanti. natthi imesaṁ sāmaññaṁ, natthi imesaṁ brahmaññaṁ, naṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ. kuto imesaṁ sāmaññaṁ? kuto imesaṁ brahmaññaṁ? apagatā ime sāmaññā, apagatā ime brahmaññā. kathaṁ hi nāma puriso purisakiccaṁ karitvā, itthiṁ jīvitā voropessatī?” ti.

5. tena kho pana samayena sāvatthiyaṁ manussā bhikkhū disvā, asabbhāhi pharusāhi vācāhi akkosanti, paribhāsanti, rosenti, BJT note: rosanti - ChS.06 vihesenti: “alajjino ime samaṇā sakyaputtiyā, dussīlā pāpadhammā musāvādino abrahmacārino. ime hi nāma dhammacārino samacārino brahmacārino, saccavādino sīlavanto kalyāṇadhammā paṭijānissanti. natthi imesaṁ sāmaññaṁ, natthi imesaṁ brahmaññaṁ, naṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ. kuto imesaṁ sāmaññaṁ? kuto imesaṁ brahmaññaṁ? apagatā ime sāmaññā, apagatā ime brahmaññā. kathaṁ hi nāma puriso purisakiccaṁ karitvā, itthiṁ jīvitā voropessatī?” ti.

[BJT Page 216]

6. atha kho sambahulā bhikkhū pubbanhasamayaṁ nivāsetvā, pattacīvaram-ādāya, sāvatthiṁ piṇḍāya pavisiṁsu. sāvatthiyaṁ piṇḍāya caritvā, pacchābhattaṁ piṇḍapātapaṭikkantā, yena bhagavā tenupasaṅkamiṁsu, upasaṅkamitvā bhagavantaṁ abhivādetvā, ekamantaṁ nisīdiṁsu. ekamantaṁ nisinnā kho te bhikkhū bhagavantaṁ etad-avocuṁ: “etarahi bhante sāvatthiyaṁ manussā bhikkhū disvā asabbhāhi pharusāhi vācāhi akkosanti, paribhāsanti, rosenti, vihesenti. ‘alajjino ime samaṇā sakyaputtiyā, dussīlā pāpadhammā musāvādino abrahmacārino, ime hi nāma dhammacārino samacārino brahmacārino, saccavādino sīlavanto kalyāṇadhammā paṭijānissanti. natthi imesaṁ sāmaññaṁ, natthi imesaṁ brahmaññaṁ, naṭṭhaṁ imesaṁ sāmaññaṁ, naṭṭhaṁ imesaṁ brahmaññaṁ. kuto imesaṁ sāmaññaṁ? kuto imesaṁ brahmaññaṁ? apagatā ime sāmaññā, apagatā ime brahmaññā. kathaṁ hi nāma puriso purisakiccaṁ karitvā, itthiṁ jīvitā voropessatī?’ ” ti.

7. “neso bhikkhave saddo ciraṁ bhavissati, sattāham-eva BJT note: sattāham-eva so saddo - palm leaf book.07 bhavissati, sattāhassa accayena antaradhāyissati. tena hi bhikkhave ye manussā bhikkhū disvā, asabbhāhi pharusāhi vācāhi akkosanti, paribhāsanti, Editor's note: paribhāsanti is missing in BJT, by mistake.08 rosenti, vihesenti, te tumhe imāya gāthāya paṭicodetha:

⏑−⏑−¦−,⏑⏑¦−⏑−−   Tuṭṭḥubha x4
‘abhūtavādī nirayaṁ upeti,

−−⏑−¦−,⏑⏑¦−⏑−−
yo cāpi katvā ‘na karomi’ cāha, BJT note: na karomī-ti cāha - palm leaf book.09

⏑−⏑−,¦−⏑⏑¦−⏑−−
ubho pi te pecca samā bhavanti

⏑−⏑−¦−,⏑⏑¦−⏑−−
nihīnakammā manujā paratthā' ” ti.

 8. atha kho te bhikkhū bhagavato santike imaṁ gāthaṁ pariyāpuṇitvā, ye manussā bhikkhū disvā, asabbhāhi pharusāhi vācāhi akkosanti, paribhāsanti, rosenti, vihesenti, te manusse imāya gāthāya paṭicodenti:

⏑−⏑−¦−,⏑⏑¦−⏑−−   Tuṭṭhubha x4
“abhūtavādī nirayaṁ upeti,

−−⏑−¦−,⏑⏑¦−⏑−−
yo cāpi katvā ‘na karomi’ cāha, BJT note: na karomī-ti cāha - palm leaf book.10

⏑−⏑−,¦−⏑⏑¦−⏑−−
ubho pi te pecca samā bhavanti

⏑−⏑−¦−,⏑⏑¦−⏑−−
nihīnakammā manujā paratthā” ti.

 9. manussānaṁ etad-ahosi: “akārakā ime samaṇā sakyaputtiyā, nayimehi kataṁ, sapanti ime samaṇā sakyaputtiyā” ti. neva so saddo ciraṁ ahosi, sattāham-eva ahosi, sattāhassa accayena antaradhāyi. atha kho sambahulā bhikkhu yena bhagavā tenupasaṅkamiṁsu, upasaṅkamitvā bhagavantaṁ abhivādetvā, ekamantaṁ nisīdiṁsu, ekamantaṁ nisinnā kho te bhikkhū bhagavantaṁ etad-avocuṁ: “acchariyaṁ bhante, abbhutaṁ bhante, yāva subhāsitañ-cidaṁ bhante bhagavatā: ‘neso bhikkhave saddo ciraṁ bhavissati, sattāham-eva bhavissati, sattāhassa accayena antaradhāyissatī’ ti. antarahito so bhante saddo” ti.

[BJT Page 218]

10. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

⏑−⏑−¦−⏑,⏑¦−⏑−⏑−   Jagatī x3
“tudanti vācāya janā asaññatā,

⏑−⏑,−¦−⏑⏑¦−⏑−⏑−
sarehi BJT note: parehi - palm leaf book.11 saṅgāmagataṁ va kuñjaraṁ,

−−⏑−¦−,⏑⏑¦−⏑−⏑−
sutvāna vākyaṁ pharusaṁ udīritaṁ,

⏑⏑−⏑−,¦−⏑⏑¦−⏑−−   Tuṭṭhubha
adhivāsaye bhikkhu aduṭṭhacitto” ti.