Meghiyavaggo catuttho

4-9: Upasenasuttaṁ (39)

1. evaṁ me sutaṁ:
ekaṁ samayaṁ bhagavā rājagahe viharati, veḷuvane kalandakanivāpe. atha kho āyasmato upasenassa vaṅgantaputtassa rahogatassa patisallīnassa evaṁ cetaso parivitakko udapādi: “lābhā vata me, suladdhaṁ vata me, satthā ca me bhagavā arahaṁ sammāsambuddho, svākkhāte camhi dhammavinaye agārasmā anagāriyaṁ pabbajito, sabrahmacārino BJT note: sabrahmacāriyo - printed edition of the text; sabrahmacārayo - printed edition of the commentary.01 ca me sīlavanto kalyāṇadhammā, sīlesu camhi paripūrakārī, samāhito camhi ekaggacitto, arahā camhi khīṇāsavo, mahiddhiko camhi mahānubhāvo. bhaddakaṁ me jīvitaṁ bhaddakaṁ maraṇan”-ti.

2. atha kho bhagavā āyasmato upasenassa vaṅgantaputtassa cetasā cetoparivitakkam-aññāya, tāyaṁ velāyaṁ imaṁ udānaṁ udānesi:

−−⏑−¦⏑⏑⏑−¦¦⏑⏑−−¦⏑−⏑−   navipula
“yaṁ jīvitaṁ na tapati, ~ maraṇante na socati,

⏑−−⏑¦⏑−−−¦¦−⏑−−¦⏑−⏑−
sa ce diṭṭhapado dhīro, ~ sokamajjhe na socati.

−⏑⏑¦⏑−−−¦¦−⏑−−¦⏑−⏑−
ucchinnabhavataṇhassa, ~ santacittassa bhikkhuno,

−−−−¦⏑−−−¦¦−⏑−⏑¦⏑−⏑−
vikkhīṇo jātisaṁsāro, ~ natthi tassa punabbhavo” ti.