Jaccandhavaggo chaṭṭho.

6-2: Jaṭilasuttaṁ (52)

1. evaṁ me sutaṁ: ekaṁ samayaṁ bhagavā sāvatthiyaṁ viharati, pubbārāme migāramātupāsāde. tena kho pana samayena bhagavā sāyanhasamayaṁ patisallāṇā vuṭṭhito bahidvārakoṭṭhake nisinno hoti. atha kho rājā pasenadi kosalo yena bhagavā tenupasaṅkami, upasaṅkamitvā bhagavantaṁ abhivādetvā, ekamantaṁ nisīdi. tena kho pana samayena satta ca jaṭilā, satta ca nigaṇṭhā, satta ca acelakā, satta ca ekasāṭakā, satta ca paribbājakā, parūḷhakacchanakhalomā khārivividham-ādāya bhagavato avidūre atikkamanti.

[BJT Page 256]

2. addasā kho rājā pasenadi kosalo te satta ca jaṭile, satta ca nigaṇṭhe, satta ca acelake, satta ca ekasāṭake, satta ca paribbājake, parūḷhakacchanakhalome khārivividham-ādāya, bhagavato avidūre atikkamante. disvāna, uṭṭhāyāsanā ekaṁsaṁ uttarāsaṅgaṁ karitvā, dakkhiṇaṁ jāṇumaṇḍaṁ paṭhaviyaṁ nihantvā, yena te satta ca jaṭilā, satta ca nigaṇṭhā, satta ca acelakā, satta ca ekasāṭakā, satta ca paribbājakā tenañjaliṁ paṇāmetvā, tikkhattuṁ nāmaṁ sāvesi: “rājāhaṁ bhante pasenadi Editor's note: BJT pasenadī, printer's error.01 kosalo” ti.

3. atha kho rājā pasenadi kosalo acirapakkantesu tesu sattasu ca jaṭilesu, sattasu ca nigaṇṭhesu, sattasu ca acalekesu, sattasu ca ekasāṭakesu, sattasu ca paribbājakesu, yena bhagavā tenupasaṅkami, upasaṅkamitvā bhagavantaṁ abhivādetvā, ekamantaṁ nisīdi. ekamantaṁ nisinno kho rājā pasenadi kosalo bhagavantaṁ etad-avoca: “ye ca kho bhante loke arahanto vā arahattamaggaṁ vā samāpannā, ete tesaṁ BJT note: etesaṁ - ChS.02 aññatarā” ti.

“dujjānaṁ kho panetaṁ mahārāja tayā gihinā kāmabhoginā puttasambādhasayanaṁ ajjhāvasantena, kāsikacandanaṁ paccanubhontena, mālāgandhavilepanaṁ dhārayantena, jātarūparajataṁ sādiyantena: ‘ime vā arahanto ime vā arahattamaggaṁ samāpannā’ ti. saṁvāsena kho mahārāja sīlaṁ veditabbaṁ, tañ-ca kho dīghena addhunā, na ittarena manasikarotā no amanasikarotā, paññavatā no duppaññena. saṁvohārena BJT note: sabyohārena - ChS.03 kho mahārāja soceyyaṁ veditabbaṁ, tañ-ca kho dīghena addhunā, na ittarena, manasikarotā no amanasikarotā, paññavatā no duppaññena. āpadāsu kho mahārāja thāmo veditabbo, so ca kho dīghena addhunā, na ittarena, manasikarotā no amanasikarotā, paññavatā no duppaññena. sākacchāya kho mahārāja paññā veditabbā, sā ca kho dīghena addhunā, na ittarena, manasikarotā no amanasikarotā, paññavatā no duppaññenā” ti.

4. “acchariyaṁ bhante, abbhutaṁ bhante, yāva subhāsitañ-cidaṁ bhante bhagavatā: ‘dujjānaṁ kho panetaṁ mahārāja, tayā gihinā kāmabhoginā puttasambādhasayanaṁ ajjhāvasantena, kāsikacandanaṁ paccanubhontena, mālāgandhavilepanaṁ dhārayantena, jātarūparajataṁ sādiyantena: “ime vā arahanto ime vā arahattamaggaṁ samāpannā” ti. saṁvāsena kho mahārāja, sīlaṁ veditabbaṁ, tañ-ca kho dīghena addhunā, na ittarena, manasikarotā no amanasikarotā, paññavatā no duppaññena. saṁvohārena kho mahārāja, soceyyaṁ veditabbaṁ, tañ-ca kho dīghena addhunā na ittarena, manasikarotā no amanasikarotā, paññavatā no duppaññena. āpadāsu kho mahārāja, thāmo veditabbo, so ca kho dīghena addhunā na ittarena, manasikarotā no amanasikarotā, paññavatā no duppaññena. sākacchāya kho mahārāja paññā veditabbā, sā ca kho dīghena addhunā, na ittarena, manasikarotā no amanasikarotā, paññavatā no duppaññenā’ ti. ete bhante mama purisā corā ocarakā janapadaṁ ocaritvā āgacchanti. BJT note: gacchanti - ChS.04 te hi paṭhamaṁ otiṇṇaṁ, ahaṁ pacchā otarissāmi. BJT note: osarissāmi - ChS. osādissāmi, osādhissāmi - in some books.05 idāni te bhante taṁ rajojallaṁ pavāhetvā, nhātā suvilittā kappitakesamassū odātavatthavasanā, pañcahi kāmaguṇehi samappitā samaṅgībhūtā paricāressantī” ti.

5. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

⏑−⏑−¦⏑−−−¦¦−−⏑⏑¦⏑−⏑−
“na vāyameyya sabbattha,   nāññassa puriso siyā,

−−−−¦⏑−−−¦¦−−⏑⏑¦⏑−⏑−
nāññaṁ nissāya jīveyya,   dhammena na vaṇiṁ care” ti. BJT note: na vāṇijjaṁ care - in some books.06

[BJT Page 258]