Jaccandhavaggo chaṭṭho.

6-9: Upātisuttaṁ (59)

1. evaṁ me sutaṁ:
ekaṁ samayaṁ bhagavā sāvatthiyaṁ viharati, jetavane anāthapiṇḍikassa ārāme. tena kho pana samayena bhagavā rattandhakāratimisāyaṁ abbhokāse nisinno hoti, telappadīpesu jhāyamānesu. tena kho pana samayena sambahulā adhipātakā tesu telappadīpesu āpātaparipātaṁ anayaṁ āpajjanti vyasanaṁ āpajjanti. addasā kho bhagavā te sambahule adhipātake tesu telappadīpesu āpātaparipātaṁ anayaṁ āpajjante vyasanaṁ āpajjante. BJT note: anayavyasanaṁ āpajjante - everywhere else.01

2. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

⏑−⏑−¦−⏑,⏑¦−⏑−−    Tuṭṭḥubha lines abd
“upātidhāvanti na sāram-enti,

⏑−⏑−,¦−⏑−¦−⏑−−
navaṁ navaṁ bandhanaṁ brūhayanti,

⏑−⏑,−¦−⏑⏑¦−⏑−⏑−   Jagatī
patanti pajjotam-ivādhipātakā, BJT note: adhipātā - palm leaf book.02

−−⏑−,¦⏑⏑−¦−⏑−−
diṭṭhe sute iti heke niviṭṭhā” ti.

[BJT Page 276]