Cullavaggo sattamo.

7-4: Dutiyasattasuttaṁ (64)

1. evaṁ me sutaṁ:
ekaṁ samayaṁ bhagavā sāvatthiyaṁ viharati, jetavane anāthapiṇḍikassa ārāme. tena kho pana samayena sāvatthiyā manussā yebhuyyena, kāmesu sattā rattā giddhā gathitā mucchitā ajjhopannā andhīkatā, sammattakajātā kāmesu viharanti. atha kho bhagavā pubbanhasamayaṁ nivāsetvā, pattacīvaram-ādāya, sāvatthiṁ piṇḍāya pāvisi. addasā kho bhagavā sāvatthiyā te manusse yebhuyyena, kāmesu satte giddhe gathite mucchite ajjhopanne andhīkate, sammattakajāte kāmesu viharante.

2. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

−−−−¦⏑−−−¦¦−−⏑⏑¦⏑−⏑−
“kāmandhā jālasañchannā, ~ tanhāchadanachāditā,

⏑−⏑−¦⏑−−−¦¦−−⏑⏑¦⏑−⏑−
pamattabandhunā baddhā, ~ macchā va kumināmukhe,

⏑−⏑⏑¦−−−−¦¦−−−−⏑−¦⏑−⏑−   mavipula
jarāmaraṇaṁ gacchanti, ~ vaccho khīrūpako va mātaran”-ti. Metre: In the last pāda vaccho is hypermetric.01

[BJT Page 282]