Cullavaggo sattamo.

7-10: Udenasuttaṁ (70)

1. evaṁ me sutaṁ:
ekaṁ samayaṁ bhagavā kosambiyaṁ viharati, ghositārāme. tena kho pana samayena rañño udenassa uyyānagatassa, antepuraṁ daḍḍhaṁ hoti, pañca ca itthisatāni kālaṅkatāni honti sāmāvatippamukhāni. atha kho sambahulā bhikkhū pubbanhasamayaṁ nivāsetvā, pattacīvaram-ādāya, kosambiṁ piṇḍāya pavisiṁsu. kosambiyaṁ piṇḍāya caritvā, pacchābhattaṁ piṇḍapātapaṭikkantā, yena bhagavā tenupasaṅkamiṁsu, upasaṅkamitvā bhagavantaṁ abhivādetvā, ekamantaṁ nisīdiṁsu. ekamantaṁ nisinnā kho te bhikkhū bhagavantaṁ etad-avocuṁ: “idha bhante rañño udenassa uyyānagatassa, antepuraṁ daḍḍhaṁ, pañca va itthisatāni kālaṅkatāni honti sāmāvatippamukhāni. tāsaṁ bhante upāsikānaṁ kā gati, ko abhisamparāyo?” ti

2. “santettha bhikkhave upāsikāyo sotāpannā, santi sakadāgāminiyo, santi anāgāminiyo, sabbā BJT note: saddhā - palm leaf book.01 tā bhikkhave upāsikāyo anipphalā kālaṅkatā” ti. BJT note: anipphalāni kālaṅkatā-ti - palm leaf book.02

3. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

−⏑−−¦⏑−−−¦¦−⏑−−¦⏑−⏑−
“mohasambandhano loko, ~ bhabbarūpo va dissati,

⏑⏑⏑−−¦⏑−−−¦¦⏑⏑−⏑¦⏑−⏑−
upadhisambandhano bālo, ~ tamasā parivārito.

−⏑⏑⏑¦⏑−⏑−¦¦−⏑−−¦⏑−⏑−   Anuṭṭhubha
sassati viya khāyati, ~ passato natthi kiñcanan”-ti. BJT note: mohasaṁvardhano loko
bhavyarūpa iva dśyate
upadhibandhanā bālās
tamasā parivāritāḥ
asat sad iti paśyanti
paśyatāṁ nāsti kiñcanam

(Divyāvadāna p. 534).
03

Cullavaggo sattamo

tassuddānaṁ:

Duve Bhaddiyā duve ca Sattā, ~ Lakuṇṭako Taṇhākkhayo,
Papañcakhayo ca Kaccāno, ~ Udapānañ-ca Udeno ti.