Pāṭaligāmiyavaggo aṭṭhamo.

8-9: Paṭhamadabbasuttaṁ (79)

1. evaṁ me sutaṁ:
ekaṁ samayaṁ bhagavā rājagahe viharati, veḷuvane kalandakanivāpe. atha kho āyasmā dabbo mallaputto yena bhagavā tenupasaṅkami, upasaṅkamitvā bhagavantaṁ abhivādetvā, ekamantaṁ nisīdi. ekamantaṁ nisinno kho āyasmā dabbo mallaputto bhagavantaṁ etad-avoca: “parinibbānakālo me dāni sugatā” ti. “yassa dāni tvaṁ dabba kālaṁ maññasī” ti.

2. atha kho āyasmā dabbo mallaputto uṭṭhāyāsanā, bhagavantaṁ abhivādetvā padakkhiṇaṁ katvā, vehāsaṁ abbhuggantvā Editor's note: BJT, abbhūggantvā, here and again below, but third time abbhuggantvā, which seems to be the correct form.01 ākāse antaḷikkhe, pallaṅkena nisīditvā, tejodhātuṁ samāpajjitvā, vuṭṭhahitvā, parinibbāyi. atha kho āyasmato dabbassa mallaputtassa - vehāsaṁ abbhuggantvā ākāse antaḷikkhe, pallaṅkena nisīditvā, tejodhātuṁ samāpajjitvā, vuṭṭhahitvā - parinibbutassa sarīrassa jhāyamānassa ḍayhamānassa, neva chārikā paññāyittha na masi. seyyathā pi nāma sappissa vā telassa vā jhāyamānassa ḍayhamānassa neva chārikā paññāyati na masi, evam-eva kho āyasmato dabbassa mallaputtassa -vehāsaṁ abbhuggantvā ākāse antaḷikkhe, pallaṅkena nisīditvā, tejodhātuṁ samāpajjitvā, vuṭṭhahitvā - parinibbutassa sarīrassa jhāyamānassa ḍayhamānassa, neva chārikā paññāyittha na masī ti.

[BJT Page 316]

3. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

⏑−⏑−¦−⏑−⏑−−   Opacchandasaka
“abhedi kāyo nirodhi saññā, Metre: The opening of line b is one mattā short (we might think of reading vedanā ca to correct the metre).02

−⏑−−¦−⏑−⏑−−
vedanā sītībhaviṁsu BJT note: sītibhaviṁsu - printed edition of the commentary, vītirahiṁsu - printed edition of the text.03 sabbā,

−⏑⏑−¦⏑−−−¦¦−−−−¦⏑−⏑−   Siloka
vūpasamiṁsu saṅkhārā, ~ viññāṇaṁ attham-āgamā” Editor's note: BJT, attham-agamā, printer's error.04 ti.