Pāṭaligāmiyavaggo aṭṭhamo.

8-10: Dutiyadabbasuttaṁ (80)

1. evaṁ me sutaṁ:
ekaṁ samayaṁ bhagavā sāvatthiyaṁ viharati, jetavane anāthapiṇḍikassa ārāme. tatra kho bhagavā bhikkhū āmantesi: “bhikkhavo” ti. “bhadante” ti te bhikkhū bhagavato paccassosuṁ, bhagavā etad-avoca: “dabbassa bhikkhave mallaputtassa - vehāsaṁ abbhuggantvā ākāse antaḷikkhe, pallaṅkena nisīditvā, tejodhātuṁ samāpajjitvā, vuṭṭhahitvā - parinibbutassa sarīrassa jhāyamānassa ḍayhamānassa, neva chārikā paññāyittha na masi. seyyathā pi nāma sappissa vā telassa vā jhāyamānassa ḍayhamānassa, neva chārikā paññāyati na masi. evam-eva kho bhikkhave dabbassa mallaputtassa - vehāsaṁ abbhuggantvā ākāse antaḷikkhe, pallaṅkena nisīditvā, tejodhātuṁ samāpajjitvā, vuṭṭhahitvā - parinibbutassa sarīrassa jhāyamānassa, neva chārikā paññāyi na masī” ti.

2. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

⏑−⏑⏑¦⏑−−−¦¦⏑⏑−−¦⏑−⏑−   pathyā x3
“ayoghanahatasseva ~ jalato jātavedaso,

⏑⏑−−¦⏑−−−¦¦⏑−⏑−¦⏑−⏑−
anupubbūpasantassa ~ yathā na ñāyate gati.

−−−−¦⏑−−−¦¦−⏑−−¦⏑−⏑−
evaṁ sammā vimuttānaṁ, ~ kāmabandhoghatārinaṁ:

−−−−¦⏑⏑−−¦¦−−−⏑¦⏑−⏑−   savipula
paññāpetuṁ gati natthi ~ pattānaṁ acalaṁ sukhan”-ti.

Pāṭaligāmiyavaggo aṭṭhamo

 

tassuddānaṁ:

Nibbānā caturo vuttā ~ Cundo Pāṭaligāmiyo,
Dvidhā patho Visākhā ca ~ Dabbehi dvīhi BJT note: Dabbena saha - in many places.01 te dasā” ti.

−⏑⏑−⏑⏑¦−⏑⏑−−
vaggam-idaṁ paṭhamaṁ vara Bodhi Editor's note: I have not normally analysed the uddāna verses as they tend to be written in a doggerel form of Siloka. The final uddāna however is composed in a classical metre called Dodaka, which is perhaps worth drawing attention to.02

−⏑⏑−⏑⏑¦−⏑⏑−−
vaggam-idaṁ dutiyaṁ Mucalindo.

−⏑⏑−⏑⏑¦−⏑⏑−−
Nandakavaggavaro tatiyo tu

−⏑⏑−⏑⏑¦−⏑⏑−−
Meghiyavaggavaro Editor's note: BJT, Meghīyavaggavaro, BJT oscillates between Meghiyo & Meghīyo, but the former seems to be the correct spelling.03 ca catuttho.

−⏑⏑−⏑⏑¦−⏑⏑−−
pañcamavaggavarantidha Soṇo

−⏑⏑−⏑⏑¦−−−−
chaṭṭhamavaggavaraṁ Jaccandho, BJT note: dasitaṁ - palm leaf book; printed book.04

−⏑⏑−⏑⏑¦−⏑⏑−−
sattamavaggavaran-ti ca Cullo

−⏑⏑−⏑⏑¦−⏑⏑−−
Pāṭaligāmavaraṭṭhamavaggo.

⏑−⏑⏑−⏑⏑¦−⏑⏑−
asīti manūnaka suttavaraṁ

−⏑⏑−⏑¦−⏑⏑−−
vaggavidhaṭṭhakaṁ suvibhattaṁ,

−⏑⏑−⏑⏑¦−⏑⏑−−
dassita cakkhumatā vimalena

−−⏑⏑−¦⏑⏑−⏑−−
addhā tamudānam-itīdam-āhū.

Udānapāḷi samattā