Itivuttakapāḷi

1. 1. 6. Mānasuttaṁ Editor's note: From here on BJT places all titles in brackets (in the Sinhala translation the brackets started at the 3rd sutta).01 (6)

vuttaṁ hetaṁ bhagavatā, vuttam-arahatā ti me sutaṁ:

“ekadhammaṁ bhikkhave pajahatha ahaṁ vo pāṭibhogo anāgāmitāya. katamaṁ ekadhammaṁ? mānaṁ bhikkhave ekadhammaṁ pajahatha ahaṁ vo pāṭibhogo anāgāmitāyā” ti.

etam-atthaṁ bhagavā avoca, tatthetaṁ iti vuccati:

−⏑−−¦⏑−−−¦¦−−−−¦⏑−⏑−
“yena mānena mattāse   sattā gacchanti duggatiṁ,

−−−−¦⏑−−−¦¦⏑⏑−⏑¦⏑−⏑−
taṁ mānaṁ sammad-aññāya   pajahanti vipassino,

⏑−⏑⏑¦⏑−−−¦¦⏑−−−¦⏑−⏑−
pahāya na punāyanti   imaṁ lokaṁ kudācanan”-ti. [1]

ayam-pi attho vutto bhagavatā, iti me sutan-ti.