Itivuttakapāḷi

1. 3. 7. Mettācetovimuttisuttaṁ (27)

[BJT Page 346]

vuttaṁ hetaṁ bhagavatā, vuttam-arahatā ti me sutaṁ:

“yāni kānici bhikkhave opadhikāni puññakiriyavatthūni, sabbāni tāni mettāya cetovimuttiyā kālaṁ nāgghanti soḷasiṁ, mettā yeva tāni cetovimutti adhiggahetvā bhāsate ca, tapate ca, virocati ca. seyyathā pi bhikkhave yā kāci tārakarūpānaṁ pabhā, sabbā tā candimapabhāya kalaṁ nāgghanti soḷasiṁ, candappabhā yeva tā adhiggahetvā bhāsate ca, tapate ca virocati ca, evaṁ kho bhikkhave yāni kānici opadhikāni puññakiriyavatthūni, sabbāni tāni mettāya cetovimuttiyā kalaṁ nāgghanti soḷasiṁ, mettā yeva tāni cetovimutti adhiggahetvā bhāsate ca, tapate ca, virocati ca.

seyyathā pi bhikkhave vassānaṁ pacchime māse saradasamaye viddhe vigatavalāhake nabhe ādicco nabhaṁ abbhussakkamāno BJT Note: abbhussaggamāno - Palm leaf book, Printed Commentary; abbhussakkamāno - Palm leaf edition of the Commentary. (It is not clear how we should understand the references given by BJT in this note, the interpretation given above is tentative).01 sabbaṁ ākāsagataṁ tamagataṁ abhivibhacca bhāsate ca, tapate ca, virocati ca, evam-eva kho bhikkhave yāni kānici opadhikāni puññakiriyavatthūni, sabbāni tāni mettāya cetovimuttiyā kalaṁ nāgghanti soḷasiṁ, mettā yeva tāni cetovimutti adhiggahetvā bhāsate ca, tapate ca, virocati ca.

seyyathā pi bhikkhave rattiyā paccūsasamayaṁ osadhi tārakā bhāsate ca, tapate ca, virocati ca, evam-eva kho bhikkhave yāni kānici opadhikāni puññakiriyavatthūni, sabbāni tāni mettāya cetovimuttiyā kalaṁ nāgghanti soḷasiṁ, mettā yeva tāni cetovimutti adhiggahetvā bhāsate ca, tapate ca, virocati cā” ti. Editor's note: the usual quotation marker iti is missing from BJT here.02

etam-atthaṁ bhagavā avoca, tatthetaṁ iti vuccati:

−⏑−−¦−⏑⏑−¦¦−⏑−−¦⏑−⏑−   bhavipulā
“yo ca mettaṁ bhāvayati   appamāṇaṁ patissato,

⏑−−−¦⏑−−−¦¦−⏑−⏑¦⏑−⏑−
tanū saṁyojanā honti   passato upadhikkhayaṁ. [1]

−−⏑−,¦−⏑⏑¦−⏑−−   Tuṭṭhubha x 4
ekam-pi ce pāṇam-aduṭṭhacitto

−−⏑⏑,¦⏑⏑−¦−⏑−⏑ Metre: We should no doubt read mettāyatī m. c.03
mettāyati kusalo tena hoti,

−−⏑−¦−,⏑⏑¦−⏑−−
sabbe ca pāṇe manasānukampaṁ

⏑−⏑−¦−,⏑⏑¦−⏑−−
pahūtam-ariyo pakaroti puññaṁ. [2]

−−⏑−¦−,⏑⏑¦−⏑−−   Tuṭṭhubha
ye sattasaṇḍaṁ paṭhaviṁ vijetvā

−−⏑−,¦⏑⏑−¦−⏑−⏑−   Jagatī
rājīsayo yajamānānupariyagā,

−⏑−−⏑⏑⏑−− Metre: This line appears to be corrupt metrically.04
assamedhā purisamedhaṁ

−−−−,¦−⏑−¦−⏑−⏑−   Jagatī
sammāpāsaṁ vājapeyyaṁ niraggalaṁ. [3]

−−⏑,−¦−⏑⏑¦−⏑−−   Tuṭṭhubha
mettassa cittassa subhāvitassa,

⏑−⏑−,¦−⏑⏑¦−⏑−⏑−   Jagatī
kalam-pi te nānubhavanti soḷasiṁ,

−−⏑−,¦−⏑⏑¦−⏑−−   Tuṭṭhubha Metre: Line d appears to be missing, which is no doubt another sign of corruption here.05
candappabhā tāragaṇā va sabbe. [4]

[BJT Page 348]

−⏑−⏑¦⏑−−−¦¦⏑⏑−⏑¦⏑−⏑−
yo na hanti na ghāteti   na jināti na jāpaye,

−−−−¦⏑−−−¦¦−−−⏑¦⏑−⏑−
mettaṁ so sabbabhūtesu   veraṁ tassa na kenacī” ti . [5]

ayam-pi attho vutto bhagavatā, iti me sutan-ti.

Vaggo tatiyo

tassuddānaṁ:

Cittaṁ Bhāyī ubho Atthe   Puñjaṁ Vepullapabbataṁ,
Sampajānamusāvādo   Dānañ-ca Mettabhāvanā,

Sattamānīdha suttāni   purimāni ca vīsati,
Ekadhammesu suttantā   sattavīsatisaṅgahā ti.

Ekakanipāto niṭṭhito