Itivuttakapāḷi

2. 1. 2. Dutiyabhikkhusuttaṁ (29)

[BJT Page 350]

vuttaṁ hetaṁ bhagavatā, vuttam-arahatā ti me sutaṁ:

“dvīhi Editor's note: BJT reads dvīhī, a printer's error.01 bhikkhave dhammehi samannāgato bhikkhu diṭṭheva dhamme sukhaṁ viharati avighātaṁ anupāyāsaṁ apariḷāhaṁ, kāyassa bhedā param-maraṇā sugati pāṭikaṅkhā. katamehi dvīhi? indriyesu guttadvāratāya ca bhojane mattaññutāya ca. imehi kho bhikkhave dvīhi dhammehi samannāgato bhikkhu diṭṭheva dhamme sukhaṁ viharati avighātaṁ anupāyāsaṁ apariḷāhaṁ, kāyassa bhedā param-maraṇā sugati pāṭikaṅkhā” ti.

etam-atthaṁ bhagavā avoca, tatthetaṁ iti vuccati:

−⏑−−¦⏑−−−¦¦−−−−¦⏑−⏑−
“cakkhu sotañ-ca ghāṇañ-ca   jivhā kāyo atho BJT Note: tathā - ChS.02 mano,

−−⏑−¦⏑−−−¦¦⏑−−−¦⏑−⏑−
etāni yassa dvārāni   suguttānīdha bhikkhuno, [1]

−⏑−⏑¦⏑−−−¦¦−⏑−⏑¦⏑−⏑−
bhojanamhi ca mattaññū   indriyesu ca saṁvuto,

−⏑⏑−¦−−⏑−¦¦⏑−−⏑¦⏑−⏑−   tavipulā Metre: The very exceptional tavipulā (we should probably understand cĕtosukhaṁ again here, which would then give the Anuṭṭhubha variation).03
kāyasukhaṁ cetosukhaṁ   sukhaṁ so adhigacchati. [2]

⏑−⏑−⏑¦−−−−¦¦⏑−⏑−−¦⏑−⏑−   9 syllables Metre: The pādayuga in this verse, being the negative of the last sutta, is incorrect metrically. For viharati in the last line see the note to the previous sutta above.04
aḍayhamānena kāyena   aḍayhamānena cetasā,

⏑−−⏑¦⏑−−−¦¦⏑−⏑⏑⏑¦⏑−⏑−
divā vā yadi vā rattiṁ   sukhaṁ viharati tādiso” ti. [3]

ayam-pi attho vutto bhagavatā, iti me sutan-ti.