Itivuttakapāḷi

2. 2. 3. Vijjāsuttaṁ (40)

vuttaṁ hetaṁ bhagavatā, vuttam-arahatā ti me sutaṁ:

“avijjā bhikkhave pubbaṅgamā akusalānaṁ dhammānaṁ samāpattiyā, anvad-eva ahirakaṁ anottappaṁ. vijjā ca kho bhikkhave pubbaṅgamā kusalānaṁ dhammānaṁ samāpattiyā, anvad-eva hirottappan”-ti.

etam-atthaṁ bhagavā avoca, tatthetaṁ iti vuccati:

−−⏑−¦−⏑⏑−¦¦−−−−¦⏑−⏑−   bhavipulā
“yā kācimā duggatiyo   asmiṁ loke paramhi ca,

⏑−−−¦⏑−−−¦¦−−−⏑¦⏑−⏑−
avijjāmūlakā sabbā   icchālobhasamussayā. [1]

⏑−⏑−¦⏑−−−¦¦⏑⏑−−¦⏑−⏑−
yato ca hoti pāpiccho   ahirīko anādaro,

⏑−−−¦⏑⏑⏑−¦¦⏑−−−¦⏑−⏑−   navipulā
tato pāpaṁ pasavati   apāyaṁ tena gacchati. [2]

−−−−¦⏑−−−¦¦⏑−−⏑¦⏑−⏑−
tasmā chandañ-ca lobhañ-ca   avijjañ-ca virājayaṁ,

−−−−¦⏑−−−¦¦−−−⏑¦⏑−⏑−
vijjaṁ uppādayaṁ bhikkhu   sabbā duggatiyo jahe” ti. [3]

ayam-pi attho vutto bhagavatā iti me sutan-ti.

Paṭhamabhāṇavāraṁ