Itivuttakapāḷi

2. 2. 6. Ajātasuttaṁ (43)

vuttaṁ hetaṁ bhagavatā, vuttam-arahatā ti me sutaṁ:

“atthi bhikkhave ajātaṁ abhūtaṁ akataṁ asaṅkhataṁ. no ce taṁ bhikkhave abhavissa ajātaṁ abhūtaṁ akataṁ asaṅkhataṁ, na-y-idha jātassa bhūtassa katassa saṅkhatassa nissaraṇaṁ paññāyetha. yasmā ca kho bhikkhave atthi ajātaṁ abhūtaṁ akataṁ asaṅkhataṁ, tasmā jātassa bhūtassa katassa saṅkhatassa nissaraṇaṁ paññāyatī” ti.

etam-atthaṁ bhagavā avoca, tatthetaṁ iti vuccati:

−−−−¦⏑−−−¦¦⏑−−⏑¦⏑−⏑−
“jātaṁ bhūtaṁ samuppannaṁ   kataṁ saṅkhatam-addhuvaṁ,

⏑−⏑⏑¦⏑−−−¦¦−⏑−−¦⏑−⏑−
jarāmaraṇasaṅghātaṁ   roganiḍḍaṁ BJT Note: roganīḷhaṁ - In some books - roganīḷaṁ - Palm leaf book, Printed book.01 pabhaṅguraṁ, BJT Note: pabhaṅgunaṁ - Palm leaf book, Printed book; roganiḍaṁ- ChS.02
−−⏑−¦−⏑⏑−¦¦−−⏑⏑¦⏑−⏑−   bhavipulā
āhāranettippabhavaṁ BJT Note: āhāranettipabhavaṁ - Palm leaf book, Printed book.03   nālaṁ tad-abhinandituṁ. [1]

−⏑−⏑¦⏑−−−¦¦⏑−−⏑¦⏑−⏑−
tassa nissaraṇaṁ santaṁ   atakkāvacaraṁ dhuvaṁ,

⏑−−⏑¦⏑−−−¦¦⏑−−⏑¦⏑−⏑−
ajātaṁ asamuppannaṁ   asokaṁ virajaṁ padaṁ.

⏑−−−¦⏑−−−¦¦−−−⏑¦⏑−⏑−
nirodho dukkhadhammānaṁ   saṅkhārūpasamo sukho” ti. [2]

ayam-pi attho vutto bhagavatā, iti me sutan-ti.