Itivuttakapāḷi

2. 2. 7. Nibbānadhātusuttaṁ (44)

[BJT Page 368]

vuttaṁ hetaṁ bhagavatā, vuttam-arahatā ti me sutaṁ:

“dvemā bhikkhave nibbānadhātuyo. katamā dve? sa-upādisesā ca nibbānadhātu, anupādisesā ca nibbānadhātu.

katamā ca bhikkhave saupādisesā nibbānadhātu?

idha bhikkhave bhikkhu arahaṁ hoti khīṇāsavo vusitavā katakaraṇīyo ohitabhāro anuppattasadattho parikkhīṇabhavasaññojano sammad-aññā vimutto tassa tiṭṭhanteva pañcindriyāni yesaṁ avighātattā BJT Note: avigatattā - Palm leaf book, Commentary, ka??.01 manāpāmanāpaṁ paccanubhoti sukhadukkhaṁ paṭisaṁvedeti. tassa yo rāgakkhayo dosakkhayo mohakkhayo, ayaṁ vuccati bhikkhave sa-upādisesā nibbānadhātu.

katamā ca bhikkhave anupādisesā nibbānadhātu?

idha bhikkhave bhikkhu arahaṁ hoti khīṇāsavo vusitavā katakaraṇīyo ohitabhāro anuppattasadattho parikkhīṇabhavasaññojano sammad-aññā vimutto. tassa idheva bhikkhave sabbavedayitāni anabhinanditāni sītī bhavissanti. ayaṁ vuccati bhikkhave anupādisesā nibbānadhātu. imā kho, bhikkhave, dve nibbānadhātuyo” ti. Editor's note: It appears that there is a line missing in the BJT edition here (both in the Pāḷi and the translation) PTS and ChS have the line reading imā kho, bhikkhave, dve nibbānadhātuyo ti, which would seem to be necessary to complete the sutta.02

etam-atthaṁ bhagavā avoca, tatthetaṁ iti vuccati:

⏑−⏑−,¦−⏑⏑¦−⏑−⏑−   Jagatī x 10 Metre: These 2 verses are Jagatī; the 2nd line in the 1st verse is extended Jagatī, pausing at the 5th, and re-starting from the same syllable. In the last line of the same verse we should probably read yamhī to correct the metre. Note that in the 3rd line of the next verse there is no discernable caesura, which is very unusual.03
“duve imā cakkhumatā pakāsitā,

−−⏑−¦⏑,⏑−⏑¦−⏑−⏑−
nibbānadhātu anissitena tādinā,

−−⏑−¦⏑,⏑⏑¦−⏑−⏑−
ekā hi dhātu idha diṭṭhadhammikā,

⏑⏑−⏑−¦−,⏑⏑¦−⏑−⏑−
sa-upādisesā bhavanettisaṅkhayā

⏑⏑−⏑−¦−,⏑⏑¦−⏑−⏑−
anupādisesā pana samparāyikā,

−⏑⏑−¦−⏑,⏑¦−⏑−⏑−
yamhi nirujjhanti bhavāni sabbaso. [1]

−−⏑−¦−⏑,⏑¦−⏑−⏑−
ye etad-aññāya padaṁ asaṅkhataṁ,

⏑−⏑−¦−,⏑⏑¦−⏑−⏑−
vimuttacittā bhavanettisaṅkhayā,

−−⏑−¦−⏑⏑¦−⏑−⏑−
te dhammasārādhigamā khaye ratā,

⏑−⏑−,¦−⏑⏑¦−⏑−⏑−
pahaṁsu te sabbabhavāni tādino” ti. [2]

ayam-pi attho vutto bhagavatā, iti me sutan-ti.