Itivuttakapāḷi

2. 2. 10. Jāgariyasuttaṁ (47)

[BJT Page 372]

vuttaṁ hetaṁ bhagavatā, vuttam-arahatā ti me sutaṁ:

“jāgaro cassa bhikkhave bhikkhu vihareyya sato sampajāno samāhito pamudito vippasanno ca tattha kālavipassī ca kusalesu dhammesu. jāgarassa bhikkhave bhikkhuno viharato satassa sampajānassa pamuditassa vippasannassa tattha kālavipassino kusalesu dhammesu dvinnaṁ phalānaṁ aññataraṁ phalaṁ pāṭikaṅkhaṁ: diṭṭheva dhamme aññā, sati vā upādisese anāgāmitā” ti.

etam-atthaṁ bhagavā avoca, tatthetaṁ iti vuccati:

⏑⏑−−¦⏑−−−¦¦−−−−¦⏑−⏑−
“jagarantā suṇāthetaṁ   ye suttā te pabujjhatha,

−−−⏑¦⏑−−−¦¦−⏑−⏑¦⏑−⏑−
suttā jāgariyaṁ BJT Note: jāgaritaṁ - Palm leaf book, Printed book, aka??.01 seyyo   natthi jāgarato bhayaṁ. [1]

−−⏑−¦⏑,⏑⏑−¦−⏑−−   Tuṭṭhubha x 2
yo jāgaro ca satimā sampajāno,

⏑−⏑−,¦⏑⏑⏑−¦−⏑−−
samāhito pamudito BJT Note: mudito - Palm leaf book, Printed book.02 vippasanno,

−−⏑−¦−−−−⏑⏑−¦−⏑−− Metre: This line is irregular as it stands, we should probably exclude kālena so m.c. which would leave a regular Tuṭṭhubha pāda.03
kālena so sammā dhammaṁ parivīmaṁsamāno,

−−⏑−¦−,⏑⏑¦−⏑−−   Tuṭṭhubha
ekodibhūto vihane tamaṁ so. [2]

−−⏑−,¦−⏑⏑¦−⏑−−   Tuṭṭhubha x 3
tasmā have jāgariyaṁ bhajetha,

−−−−¦⏑,⏑⏑−¦−⏑−−
ātāpī bhikkhu nipako jhānalābhī,

−−⏑−,¦−⏑⏑¦−⏑−−
saṁyojanaṁ jātijarāya chetvā,

⏑−⏑−¦−,⏑⏑¦−⏑−⏑−   Jagatī
idheva sambodhim-anuttaraṁ phuse” ti. [3]

ayam-pi attho vutto bhagavatā, iti me sutan-ti.