BJT Itivuttakapāḷi Home Page Next Sutta
Itivuttakapāḷi
Tikanipāto
[BJT Page 378]
Paṭhamo vaggo
3. 1. 1. Akusalamūlasuttaṁ (50)
vuttaṁ hetaṁ bhagavatā, vuttam-arahatā ti me sutaṁ:
“tīṇimāni bhikkhave akusalamūlāni. katamāni tīṇi? lobho akusalamūlaṁ, doso akusalamūlaṁ, moho akusalamūlaṁ. imāni kho bhikkhave tīṇi akusalamūlānī” ti.
etam-atthaṁ bhagavā avoca, tatthetaṁ iti vuccati:
−−−−¦⏑−−−¦¦⏑⏑−−¦⏑−⏑−
“lobho doso ca moho ca purisaṁ pāpacetasaṁ,
−−⏑−¦⏑−−−¦¦⏑⏑−−¦⏑−⏑−
hiṁsanti attasambhūtā tacasāraṁ va samphalan"-ti. Editor's note: BJT has samphalaṁ and omits ti, presumable by mistake.01 [1]
ayam-pi attho vutto bhagavatā, iti me sutan-ti.
BJT Itivuttakapāḷi Home Page Next Sutta