Itivuttakapāḷi

3. 1. 6. Dutiya-esanāsuttaṁ (55)

vuttaṁ hetaṁ bhagavatā, vuttam-arahatā ti me sutaṁ:

“tisso imā bhikkhave esanā. katamā tisso? kāmesanā, bhavesanā, brahmacariyesanā. imā kho bhikkhave tisso esanā” ti.

etam-atthaṁ bhagavā avoca, tatthetaṁ iti vuccati:

−−⏑−¦⏑−⏑−¦¦−⏑−−¦⏑−⏑−   Anuṭṭhubha
“kāmesanā bhavesanā   brahmacariyesanā saha,

⏑⏑−⏑¦⏑⏑−−¦¦−−−−¦⏑−⏑−   savipulā
iti saccaparamāso   diṭṭhiṭṭhānā samussayā, [1]

−⏑−⏑¦⏑−−−¦¦−−⏑⏑¦⏑−⏑−
sabbarāgavirattassa   taṇhakkhayavimuttino, BJT Note: vimuttiyā - Palm leaf book, Printed book.01
−⏑−⏑¦⏑−−−¦¦−−−−¦⏑−⏑−
esanā paṭinissaṭṭhā,   diṭṭhiṭṭhānā samūhatā,

−⏑−−¦⏑−−−¦¦⏑−−⏑¦⏑−⏑−
esanānaṁ khayā bhikkhu   nirāso akathaṁkathī” ti. [2]

ayam-pi attho vutto bhagavatā, iti me sutan-ti.