Itivuttakapāḷi

3. 2. 9. Paṭhamarāgasuttaṁ (68)

vuttaṁ hetaṁ bhagavatā, vuttam-arahatā ti me sutaṁ:

“yassa kassaci bhikkhave rāgo appahīno, doso appahīno, moho appahīno, ayaṁ vuccati bhikkhave baddho BJT Note: bandho - Palm leaf book, Printed book.01 mārassa, pamukkassa mārapāso, yathākāmakaraṇīyo ca pāpimato.

[BJT Page 396]

yassa kassaci bhikkhave rāgo pahīno, doso pahīno, moho pahīno, ayaṁ vuccati bhikkhave abaddho BJT Note: abandho - Palm leaf book, Printed book.02 mārassa, omukkassa mārapāso, na yathākāmakaraṇīyo pāpimato” ti.

etam-atthaṁ bhagavā avoca, tatthetaṁ iti vuccati.

−⏑−−¦⏑−−−¦¦⏑−−⏑¦⏑−⏑−
“yassa rāgo ca doso ca   avijjā ca virājitā,

−−⏑−¦−⏑⏑−¦¦−⏑−−¦⏑−⏑−   bhavipulā
taṁ bhāvitattaññataraṁ   brahmabhūtaṁ tathāgataṁ,

−−−⏑¦⏑−−−¦¦−⏑−−¦⏑−⏑−
buddhaṁ verabhayātītaṁ   āhu sabbappahāyinan”-ti. [1]

ayam-pi attho vutto bhagavatā, iti me sutan-ti.