Itivuttakapāḷi

3. 3. 3. Nissaraṇīyasuttaṁ (72)

[BJT Page 402]

vuttaṁ hetaṁ bhagavatā, vuttam-arahatā ti me sutaṁ:

“tisso imā bhikkhave nissaraṇīyā dhātuyo. katamā tisso? kāmānam-etaṁ nissaraṇaṁ yadidaṁ nekkhammaṁ, rūpānam-etaṁ nissaraṇaṁ yadidaṁ āruppaṁ, yaṁ kho pana kiñci bhūtaṁ saṅkhataṁ paṭiccasamuppannaṁ, nirodho tassa nissaraṇaṁ. imā kho bhikkhave tisso nissaraṇīyā dhātuyo” ti.

etam-atthaṁ bhagavā avoca, tatthetaṁ iti vuccati:

−⏑−⏑¦⏑−−−¦¦−−−⏑¦⏑−⏑−
“kāmanissaraṇaṁ ñatvā,   rūpānañ-ca atikkamaṁ,

−⏑−−¦⏑⏑⏑−¦¦⏑−−−¦⏑−⏑−   navipulā Metre: Notice that i in ātāpi is m.c.01
sabbasaṅkhārasamathaṁ,   phusaṁ ātāpi sabbadā. [1]

⏑−−−¦⏑−−−¦¦⏑−−⏑¦⏑−⏑−
sa ve sammaddaso bhikkhu   yato tattha vimuccati,

⏑−−−¦⏑−−−¦¦⏑−−−¦⏑−⏑−
abhiññā vosito santo   sa ve yogātigo munī” ti. [2]

ayam-pi attho vutto bhagavatā, iti me sutan-ti.