Itivuttakapāḷi

3. 3. 6. Vuṭṭhisuttaṁ Editor's note: BJT reads Vuṭṭhīsuttaṁ.01 (75)

vuttaṁ hetaṁ bhagavataṁ, vuttam-arahatā ti me sutaṁ:

“tayome bhikkhave puggalā santo saṁvijjamānā lokasmiṁ. katame tayo? avuṭṭhikasamo padesavassī sabbatthābhivassī.

kathañ-ca bhikkhave puggalo avuṭṭhikasamo hoti? idha bhikkhave ekacco puggalo sabbesañ-ñeva na dātā hoti samaṇabrāhmaṇakapaṇaddhikavaṇibbakayācakānaṁ annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ. evaṁ kho bhikkhave puggalo Editor's note: BJT reads pūggalo.02 avuṭṭhikasamo hoti.

kathañ-ca bhikkhave puggalo padesavassī hoti? idha bhikkhave ekacco puggalo ekaccānaṁ dātā hoti, ekaccānaṁ na dātā hoti samaṇabrāhmaṇakapaṇaddhikavaṇibbakayācakānaṁ annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ. evaṁ kho bhikkhave puggalo padesavassī hoti.

kathañ-ca bhikkhave puggalo sabbatthābhivassī hoti? idha bhikkhave ekacco puggalo sabbesañ-ca deti samaṇabrāhmaṇakapaṇaddhikavaṇibbakayācakānaṁ annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ. evaṁ kho bhikkhave puggalo sabbatthābhivassī hoti.

ime kho bhikkhave tayo puggalā santo saṁvijjamānā lokasmin”-ti.

[BJT Page 408]

etam-atthaṁ bhagavā avoca, tatthetaṁ iti vuccati:

⏑⏑⏑−¦⏑−⏑−¦¦⏑⏑⏑−⏑⏑¦⏑−⏑−   Anuṭṭhubha Metre: This line, even with counting resolution at the 1st, still doesn't scan properly. Another possible way of construing the pādayuga would be to take the 3rd na as part of the first half of the line, and count na samaṇe as giving resolution at the first (we would then have ravipulā in this line). We could then count kapaṇa- as also giving resolution at the 1st in the second half of the pādayuga - this would satisfy the metre, but the normal syntax of the verses is against it.03
“na samaṇe na brahmaṇe   na kapaṇaddhikavaṇibbake,

−−⏑−¦⏑⏑⏑−¦¦−−−−¦⏑−⏑−   navipulā
laddhāna saṁvibhajati   annaṁ pānañ-ca bhojanaṁ,

−−⏑−⏑¦⏑⏑−−¦¦−⏑−⏑¦⏑−⏑−   savipulā Metre: Again it is not possible to scan this line correctly.04
taṁ ve “avuṭṭhikasamo” ti   āhu naṁ purisādhamaṁ. [1]

−−−−¦⏑⏑−−¦¦−−−−¦⏑−⏑−   savipulā
ekaccānaṁ na dadāti   ekaccānaṁ pavecchati,

−−⏑−¦⏑−−−¦¦ −⏑−−¦⏑−⏑−
taṁ ve “padesavassī” ti   āhu medhāvino janā. [2]

⏑−⏑−¦−⏑⏑−¦¦−⏑−−¦⏑−⏑−   bhavipulā
subhikkavāco puriso   sabbabhūtānukampako,

−−⏑−¦−⏑⏑−−¦¦−⏑−−¦⏑−⏑−   mavipulā Metre: Notice the rather remarkable resolutions in this line and the next, which give the mavipulā in each case.05
āmodamāno pakireti   “detha dethā” ti bhāsati. [3]

⏑−⏑−¦−⏑⏑−−¦¦−⏑−−¦⏑−⏑−   mavipulā
yathā pi megho thanayitvā   gajjayitvā pavassati,

⏑−−−¦⏑−−−¦¦⏑⏑−−−¦⏑−⏑−
thalaṁ ninnañ-ca pūreti   abhisandanto va vārinā. [4]

−⏑−⏑¦⏑−−−¦¦−⏑−−¦⏑−⏑−
evam-eva idhekacco   puggalo hoti tādiso,

−−⏑−¦⏑−−−¦¦−−−⏑¦⏑−⏑−
dhammena saṁharitvāna   uṭṭhānādhigataṁ dhanaṁ,

−−⏑−¦⏑−−−¦¦−−−−¦⏑−⏑−
tappeti annapānena   sammā patte vaṇibbake” ti. [5]

ayam-pi attho vutto bhagavatā, iti me sutan-ti.