Itivuttakapāḷi

3. 4. 3. Devasaddasuttaṁ (82)

vuttaṁ hetaṁ bhagavatā, vuttam-arahatā ti me sutaṁ:

“tayome bhikkhave devesu devasaddā niccharanti samayā samayaṁ upādāya. katame tayo?

yasmiṁ bhikkhave samaye ariyasāvako kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajjāya ceteti. tasmiṁ samaye devesu devasaddo niccharati: “eso ariyasāvako mārena saddhiṁ saṅgāmāya cetetī” ti. ayaṁ bhikkhave paṭhamo devesu devasaddo niccharati samayā samayaṁ upādāya.

[BJT Page 420]

puna caparaṁ bhikkhave yasmiṁ samaye ariyasāvako sattannaṁ bodhipakkhiyānaṁ dhammānaṁ bhavanānuyogam-anuyutto viharati. tasmiṁ bhikkhave samaye devesu devasaddo niccharati: “eso ariyasāvako mārena saddhiṁ saṅgāmetī” ti. ayaṁ bhikkhave dutiyo devesu devasaddo niccharati samayā samayaṁ upādāya.

puna caparaṁ bhikkhave yasmiṁ samaye ariyasāvako āsavānaṁkhayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññāya Editor's note: BJT prints abhiāya, PTS & ChS abhiā.01 sacchikatvā apasampajja viharati. tasmiṁ bhikkhave samaye devesu devasaddo niccharati: “eso ariyasāvako vijitasaṅgāmo tam-eva saṅgāmasīsaṁ abhivijiya ajjhāvasatī” ti. ayaṁ bhikkhave tatiyo devesu devasaddo niccharati samayā samayaṁ upādāya.

ime kho bhikkhave tayo devesu devasaddā niccharanti samayā samayaṁ upādāyā” ti.

etam-atthaṁ bhagavā avoca, tatthetaṁ iti vuccati:

−−⏑⏑¦⏑−−−¦¦−−−−¦⏑−⏑−   pathyā throughout
“disvā vijitasaṅgāmaṁ   sammāsambuddhasāvakaṁ,

−⏑−⏑¦⏑−−−¦¦⏑−−−¦⏑−⏑−
devatā pi namassanti   mahantaṁ vītasāradaṁ. [1]

⏑−−⏑¦⏑−−−¦¦−−−⏑¦⏑−⏑−
namo te purisājañña,   yo tvaṁ dujjayam-ajjhagā, BJT Note: ajjagū (incorrectly written as Majjagū in BJT) - Palm leaf book; ajjagu - Palm leaf book, Printed book, Commentary - there is a confusion in the notes in BJT here: 2 notes are given at the bottom of the page, but only one reference in the text.02
−−⏑−¦⏑−−−¦¦⏑−−⏑¦⏑−⏑−
jetvāna maccuno senaṁ   vimokkhena anāvaraṁ. [2]

⏑⏑−−¦⏑−−−¦¦−⏑−−¦⏑−⏑−
iti hetaṁ namassanti   devatā pattamānasaṁ,

−⏑−⏑¦⏑−−−¦¦−⏑−⏑¦⏑−⏑−
tañ-hi tassa na passanti   yena maccuvasaṁ vaje” ti. [3]

ayam-pi attho vutto bhagavatā, iti me sutan-ti.