Itivuttakapāḷi

3. 4. 10. Devadattasuttaṁ (89)

vuttaṁ hetaṁ bhagavatā, vuttam-arahatā ti me sutaṁ:

“tīhi bhikkhave asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho. katamehi tīhi?

[BJT Page 436]

pāpicchāya bhikkhave abhibhūto pariyādinnacitto devadatto āpāyiko nerayiko kappaṭṭho atekiccho; pāpamittatāya bhikkhave abhibhūto pariyādinnacitto devadatto āpāyiko nerayiko kappaṭṭho atekiccho; sati ko pana uttarikaraṇīye oramattakena visesādhigamena antarā vosānaṁ āpādī ti.

imehi kho bhikkhave tīhi asaddhammehi ahibhūto pariyādinnacitto devadatto āpāyiko nerayiko kappaṭṭho atekiccho” ti.

etam-atthaṁ bhagavā avoca, tatthetaṁ iti vuccati:

−−⏑−¦⏑−−−¦¦−−−⏑¦⏑−⏑−
“mā jātu koci lokasmiṁ   pāpiccho upapajjatu,

⏑⏑⏑−¦⏑−−−¦¦−−−−¦⏑−⏑−
tadaminā pi jānātha   pāpicchānaṁ yathā gati. [1]

−⏑−⏑¦⏑−−−¦¦−⏑−−¦⏑−⏑−
paṇḍito ti samaññāto   bhāvitatto ti sammato,

⏑−⏑⏑¦⏑−−−¦¦−⏑−−¦⏑−⏑−
jalaṁ va yasasā aṭṭhā   devadatto ti vissuto. [2]

−⏑−−¦¦⏑⏑−−¦¦−−⏑−¦⏑−⏑−   savipulā
so pamāṇam-anuciṇṇo BJT Note: pamādamanuviṇṇo - Palm leaf book, Printed book.01   āsajja naṁ tathāgataṁ,

⏑−⏑⏑¦⏑−−−¦¦⏑−−−¦⏑−⏑−
avīcinirayaṁ patto   catudvāraṁ bhayānakaṁ. [3]

⏑−−⏑¦⏑−−−¦¦−⏑−−¦⏑−⏑−
aduṭṭhassa hi yo dubbhe   pāpakammaṁ akubbato,

⏑−⏑−¦−⏑⏑−¦¦−⏑−−¦⏑−⏑−   bhavipulā
tam-eva pāpaṁ phusati   duṭṭhacittaṁ anādaraṁ, [4]

⏑−−⏑¦⏑−−−¦¦−−−⏑¦⏑−⏑−
samuddaṁ visakumbhena   yo maññeyya padūsituṁ,

⏑−−⏑¦⏑−−−¦¦−−⏑−⏑−⏑−
na so tena padūseyya   yasmā BJT Note: tasmā - Palm leaf book, Printed book.02 hi udadhī Editor's note: BJT prints addhī by mistake.03 mahā. [5]

−⏑−⏑¦⏑−⏑−¦¦−−−⏑¦⏑−⏑−   Anuṭṭḥubha
evam-eva tathāgataṁ   yo vādena vihiṁsati,

⏑−⏑−¦−⏑−−¦¦−−−⏑¦⏑−⏑−   ravipulā
samaggataṁ santacittaṁ   vādo tamhi na rūhati. [6]

−⏑−−¦−−−−¦¦−⏑−−¦⏑−⏑− Metre: This is not a recognised variation, but it resembles the mavipulā, with a light syllable in 2nd rather than 3rd position.04
tādisaṁ mittaṁ kubbetha   tañ-ca seveyya paṇḍito,

−⏑−−¦⏑−−−¦¦⏑−−−¦⏑−⏑−
yassa maggānugo bhikkhu   khayaṁ dukkhassa pāpuṇe” ti. [7]

ayam-pi attho vutto bhagavatā, iti me sutan-ti.

Catuttho vaggo

tassuddānaṁ:

Vitakkā Sakkāra Sadda   Cavamāna Loke Asubhaṁ, Editor's note: BJT reads Asubha and prints the word incorrectly at the beginning of the next line (we should probably read Cavamāna Lokesubhaṁ m.c.)05
Dhamma-andhakāra Malaṁ   Devadatto ti te dasā ti.