vuttaṁ hetaṁ bhagavatā, vuttam-arahatā ti me sutaṁ:

etam-atthaṁ bhagavā avoca, tatthetaṁ iti vuccati:

−−⏑⏑¦⏑⏑−−¦¦−−−−¦⏑−⏑−   savipulā
“rāgaggi dahati macce,   ratte kāmesu mucchite,

−−⏑⏑¦⏑−−−¦¦⏑−−−¦⏑−⏑−
dosaggi pana byāpanne,   nare pāṇānipātino. [1]

−−⏑⏑¦⏑−−−¦¦−⏑−−¦⏑−⏑−
mohaggi pana sammūḷhe,   arⁱyadhamme akovide,

−−−−¦⏑−−−¦¦−−−⏑¦⏑−⏑−
ete aggī ajānanti,   sakkāyābhiratā pajā. [2]

−−⏑−¦⏑⏑⏑−¦¦⏑−−−¦⏑−⏑−   navipulā
te vaḍḍhayanti nirayaṁ   tiracchānañ-ca yoniyo,

⏑⏑−−¦⏑⏑⏑−¦¦⏑−−−¦⏑−⏑−   navipulā
asuraṁ pettivisayaṁ   amuttā mārabandhanā. [3]

−⏑−−¦⏑−−−¦¦−−−−¦⏑−⏑−
ye ca rattindivā yuttā   sammāsambuddhasāsane,

−−−−¦⏑−−−¦¦−−⏑⏑¦⏑−⏑−
te nibbāpenti rāgaggiṁ   niccaṁ asubhasaññino. [4]

[BJT Page 446]

−−−⏑¦⏑−−−¦¦−−−⏑¦⏑−⏑−
dosaggiṁ pana mettāya   nibbāpenti naruttamā,

−−−⏑¦⏑−−−¦¦−−−−¦⏑−⏑−
mohaggiṁ pana paññāya   yāyaṁ nibbedhagāminī. [5]

−−−−¦−⏑⏑−¦¦−−⏑⏑¦⏑−⏑−   bhavipulā
te nibbāpetvā nipakā   rattindivam-atanditā,

⏑−−⏑¦⏑−−−¦¦⏑−−−¦⏑−⏑−
asesaṁ parinibbanti   asesaṁ dukkham-accaguṁ. [6]

−−⏑−¦−⏑⏑−¦¦−⏑−−¦⏑−⏑−   bhavipulā
arⁱyaddasā vedaguno   sammad-aññāya paṇḍitā,

−−⏑⏑¦⏑−−−¦¦−−−⏑¦⏑−⏑−
jātikkhayam-abhiññāya   nāgacchanti punabbhavan”-ti. [7]

ayam-pi attho vutto bhagavatā, iti me sutan-ti.