Itivuttakapāḷi

3. 5. 7. Kāmayogasuttaṁ (96)

vuttaṁ hetaṁ bhagavatā, vuttam-arahatā ti me sutaṁ:

“kāmayogayutto bhikkhave bhavayogayutto āgāmī hoti āgantā itthattaṁ. kāmayogavisaññutto bhikkhave bhavayogayutto anāgāmī hoti anāgantā itthattaṁ. kāmayogavisaññutto bhikkhave bhavayogavisaññutto arahaṁ hoti khīṇāsavo” ti.

etam-atthaṁ bhagavā avoca, tatthetaṁ iti vuccati:

−⏑−−¦⏑−−−¦¦⏑⏑−−¦⏑−⏑−
“kāmayogena saṁyuttā   bhavayogena cūbhayaṁ,

−−−−¦⏑−−−¦¦−⏑⏑⏑¦⏑−⏑− Metre: The second half of this pādayuga has 2 successive light syllables in 2nd & 3rd positions going against the normal prosody of the texts.01
sattā gacchanti saṁsāraṁ   jātimaraṇagāmino. [1]

−⏑−−¦⏑−−−¦¦−−−−¦⏑−⏑−
ye ca kāme pahatvāna,   appattā āsavakkhayaṁ,

⏑⏑−−¦⏑−−−¦¦⏑−−−¦⏑−⏑−
bhavayogena saṁyuttā   anāgāmī ti vuccare. [2]

−⏑−−¦⏑−⏑−¦¦−⏑−⏑¦⏑−⏑−   Anuṭṭhubha
ye ca kho chinnasaṁsayā, BJT Note: jinnasaṁsārā - Palm leaf book, Printed book.02   khīṇamānapunabbhavā,

−−−−¦⏑−−−¦¦−−−−¦⏑−⏑−
te ve pāraṁ gatā loke   ye pattā āsavakkhayan”-ti. [3]

ayam-pi attho vutto bhagavatā, iti me sutan-ti.

Tatiyabhāṇavāraṁ Editor's note: The 1st recital ends after Sutta No 40 above, and the 3rd one here, but I have been unable to trace where the 2nd recital ends, for some reason it is not printed in BJT, PTS, or ChS. Nor is the end of the 4th recital recorded at the end of the book.03