Itivuttakapāḷi

Catukkanipato

[BJT Page 458]

4. 1. 1. Brāhmaṇasuttaṁ (100)

vuttaṁ hetaṁ bhagavatā, vuttam-arahatā ti me sutaṁ:

“aham-asmi bhikkhave brāhmaṇo yācayogo sadā payatapāṇī antimadehadharo anuttaro bhisakko sallakatto. At the bottom of the page in BJT sallakatto is listed as a variant - but that is the same as in the text; further no cross-reference to the text is provided.01 tassa me tumhe puttā orasā mukhato jātā dhammajā dhammanimmitā dhammadāyādā no āmisadāyādā.

dvemāni bhikkhave dānāni āmisadānañ-ca dhammadānañ-ca, etad-aggaṁ bhikkhave imesaṁ dvinnaṁ dānānaṁ yadidaṁ dhammadānaṁ. dveme bhikkhave saṁvibhāgā āmisasaṁvibhāgo ca dhammasaṁvibhāgo ca, etad-aggaṁ bhikkhave imesaṁ dvinnaṁ saṁvibhāgānaṁ yadidaṁ dhammasaṁvibhāgo. dveme bhikkhave anuggahā āmisānuggaho ca dhammānuggaho ca, etad-aggaṁ bhikkhave imesaṁ dvinnaṁ anuggahānaṁ yadidaṁ dhammānuggaho. dveme bhikkhave yāgā āmisayāgo ca dhammayāgo ca, etad-aggaṁ bhikkhave imesaṁ dvinnaṁ yāgānaṁ yadidaṁ dhammayāgo” ti.

etam-atthaṁ bhagavā avoca, tatthetaṁ iti vuccati:

−−⏑−¦−,⏑⏑¦−⏑−⏑−   Jagatī
“yo dhammayāgaṁ ayajī amaccharī

⏑−⏑−,¦−⏑−¦−⏑−−   Tuṭṭhubha
tathāgato sabbabhūtānukampī,

−−⏑−,¦−⏑⏑¦−⏑−−   Tuṭṭhubha
taṁ tādisaṁ devamanussaseṭṭhaṁ,

−−⏑−¦−⏑,⏑¦−⏑−⏑−   Jagatī
sattā namassanti bhavassa pāragun”-ti. [1]

ayam-pi attho vutto bhagavatā, iti me sutan-ti.