Itivuttakapāḷi

4. 1. 2. Caturanavajjasuttaṁ (101)

[BJT Page 460]

vuttaṁ hetaṁ bhagavatā, vuttam-arahatā ti me sutaṁ:

“cattārimāni bhikkhave appāni ceva sulabhāni ca tāni ca anavajjāni. katamāni cattāri? paṁsukūlaṁ bhikkhave cīvarānaṁ appaṁ ca sulabhaṁ ca tañ-ca anavajjaṁ; piṇḍiyālopo bhikkhave bhojanānaṁ appaṁ ca sulabhaṁ ca tañ-ca anavajjaṁ; rukkhamūlaṁ bhikkhave senāsanānaṁ appaṁ ca sulabhaṁ ca tañ-ca anavajjaṁ; pūtimuttaṁ bhikkhave bhesajjānaṁ appaṁ ca sulabhaṁ ca tañ-ca anavajjaṁ. imāni kho bhikkhave cattāri appāni ceva sulabhāni ca tāni ca anavajjāni. yato kho bhikkhave bhikkhu appena ca tuṭṭho hoti sulabhena ca imassāhaṁ aññataraṁ sāmaññaṅgan-ti vadāmī” ti.

etam-atthaṁ bhagavā avoca, tatthetaṁ iti vuccati:

⏑⏑−−¦⏑−−−¦¦−−⏑⏑¦⏑−⏑−
“anavajjena tuṭṭhassa   appena sulabhena ca,

⏑−−⏑¦⏑−−−¦¦−⏑−−¦⏑−⏑−
na senāsanam-ārabbha   cīvaraṁ pānabhojanaṁ,

⏑−−−¦⏑−−−¦¦⏑−−⏑¦⏑−⏑−
vighāto hoti cittassa   disā nappaṭihaññati. [1]

−−⏑−¦−−−−¦¦−−−−¦⏑−⏑−   mavipulā
ye cassa dhammā akkhātā   sāmaññassānulomikā,

⏑−⏑−¦−−−−¦¦−⏑−−¦⏑−⏑−
adhiggahītā tuṭṭhassa   appamattassa bhikkhuno” ti. BJT Note: sikkhato - Palm leaf book, ka?? Palm leaf book, Commentary, Printed book. BJT omits ti here, presumably a printer's error.01 [2]

ayam-pi attho vutto bhagavatā, iti me sutan-ti.