Itivuttakapāḷi

4. 1. 6. Taṇhuppādasuttaṁ (105)

vuttaṁ hetaṁ bhagavatā, vuttam-arahatā ti me sutaṁ:

“cattārome bhikkhave taṇhuppādā yattha bhikkhuno taṇhā uppajjamānā uppajjati. katame cattāro?

cīvarahetu vā bhikkhave bhikkhuno taṇhā uppajjamānā uppajjati; piṇḍapātahetu vā bhikkhave bhikkhuno taṇhā uppajjamānā uppajjati; senāsanahetu vā bhikkhave bhikkhuno taṇhā uppajjamānā uppajjati; itibhavābhavahetu vā bhikkhave bhikkhuno taṇhā uppajjamānā uppajjati.

[BJT Page 468]

ime kho bhikkhave cattāro taṇhuppādā yattha bhikkhuno taṇhā uppajjamānā uppajjatī” ti.

etam-atthaṁ bhagavā avoca, tatthetaṁ iti vuccati:

−−⏑⏑¦−⏑⏑−¦¦−⏑−−¦⏑−⏑−    bhavipulā
“taṇhādutiyo puriso   dīgham-addhāna saṁsaraṁ,

−−−−¦⏑−−−¦¦−−−−¦⏑−⏑−
ittham-bhāvaññathābhāvaṁ   saṁsāraṁ nātivattati. [1]

−⏑−−¦⏑−−−¦¦−−−−¦⏑−⏑−
evam-ādīnavaṁ ñatvā   taṇhaṁ dukkhassa sambhavaṁ,

−⏑−−¦⏑−−−¦¦⏑−−⏑¦⏑−⏑−
vītataṇho anādāno BJT reads ānādāno, a printer's error.01   sato bhikkhu paribbaje” ti. [2]

ayam-pi attho vutto bhagavatā, iti me sutan-ti.