Itivuttakapāḷi

4. 1. 7. Sabrahmakasuttaṁ (106)

vuttaṁ hetaṁ bhagavatā, vuttam-arahatā ti me sutaṁ:

“sabrahmakāni bhikkhave tāni kulāni yesaṁ puttānaṁ mātāpitaro ajjhāgāre pūjitā honti, sapubbadevakāni BJT Note: sapubbadevatāni - Palm leaf book, Printed book.01 bhikkhave, tāni kulāni yesaṁ puttānaṁ mātāpitaro ajjhāgāre pūjitā honti, sapubbācariyakāni bhikkhave, tāni kulāni yesaṁ puttānaṁ mātāpitaro ajjhāgāre pūjitā honti, sāhuneyyakāni bhikkhave, tāni kulāni yesaṁ puttānaṁ mātāpitaro ajjhāgāre pūjitā honti.

“brahmā” ti bhikkhave mātāpitunnaṁ Editor's note: BJT reads mātāpitunna, a printer's error.02 etaṁ adhivacanaṁ; “pubbadevā” ti bhikkhave mātāpitunnaṁ etaṁ adhivacanaṁ; “pubbācariyā” ti bhikkhave mātāpitunnaṁ etaṁ adhivacanaṁ; “āhuneyyā” ti bhikkhave mātāpitunnaṁ etaṁ adhivacanaṁ. taṁ kissa hetu? bahūpakārā bhikkhave mātāpitaro puttānaṁ āpādakā posakā imissa lokassa dassetāro” ti.

etam-atthaṁ bhagavā avoca, tatthetaṁ iti vuccati:

−−⏑−¦−⏑⏑−¦¦−−−−¦⏑−⏑−   bhavipulā
“ “brahmā” ti mātāpitaro   “pubbācariyā” ti vuccare,

−⏑−−¦⏑−−−¦¦⏑−⏑⏑¦⏑−⏑−
“āhuneyyā” ca puttānaṁ   pajāya anukampakā. [1]

[BJT Page 470]

−−⏑−¦⏑−−−¦¦−⏑−−¦⏑−⏑−
tasmā hi ne namasseyya   sakkareyyātha paṇḍito,

−−⏑⏑¦⏑−−−¦¦−−⏑⏑¦⏑−⏑−
annena atha BJT Note: atho - ChS, PTS.03 pānena   vatthena sayanena ca,

−−⏑−−¦−⏑−−¦¦−−−−¦⏑−⏑−   ravipulā
ucchādanena nahāpanena   pādānaṁ dhovanena ca, [2]

−⏑−−¦⏑−−−¦¦−−⏑⏑¦⏑−⏑−
tāya naṁ pāricariyāya   mātāpitusu paṇḍitā,

⏑−⏑−¦⏑−−−¦¦−⏑−−¦⏑−⏑−
idheva BJT Note: idha ceva - Seen somewhere.04 naṁ pasaṁsanti   pecca sagge ca medatī” ti. [3]

ayam-pi attho vutto bhagavatā, iti me sutan-ti.