SN 5.3 Kisāgotamīsuttaṁ BJT, Thai: Gotamīsuttaṁ.01

download

164. Evaṁ me sutaṁ:
ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.

Atha kho Kisāgotamī bhikkhunī, pubbaṇhasamayaṁ nivāsetvā, pattacīvaram-ādāya, Sāvatthiṁ piṇḍāya pāvisi. Sāvatthiyaṁ piṇḍāya caritvā, pacchābhattaṁ piṇḍapātapaṭikkantā, yena Andhavanaṁ tenupasaṅkami divāvihārāya, Andhavanaṁ ajjhogahetvā, aññatarasmiṁ rukkhamūle divāvihāraṁ nisīdi.

Atha kho Māro Pāpimā Kisāgotamiyā bhikkhuniyā bhayaṁ chambhitattaṁ lomahaṁsaṁ uppādetukāmo, samādhimhā cāvetukāmo, yena Kisāgotamī bhikkhunī tenupasaṅkami, upasaṅkamitvā Kisāgotamiṁ bhikkhuniṁ gāthāya ajjhabhāsi:

−−−⏑¦⏑−−−¦¦−⏑−⏑¦⏑−⏑−
“Kiṁ nu BJT, PTS: Kin-nu, alternative sandhi.02 tvaṁ mataputtāva, Thai, PTS: hataputtāva; like one with a killed son, same below.03 ekam-āsi rudam-mukhī,

⏑⏑−⏑¦⏑−−−¦¦⏑⏑−⏑¦⏑−⏑−
Vanam-ajjhagatā ekā, purisaṁ nu gavesasī?” ti

Atha kho Kisāgotamiyā bhikkhuniyā etad-ahosi: “Ko nu khvāyaṁ manusso vā amanusso vā gāthaṁ bhāsatī?” ti Atha kho Kisāgotamiyā bhikkhuniyā etad-ahosi: “Māro kho ayaṁ Pāpimā mama bhayaṁ chambhitattaṁ lomahaṁsaṁ uppādetukāmo, samādhimhā cāvetukāmo, gāthaṁ bhāsatī.” ti

Atha kho Kisāgotamī bhikkhunī: Māro ayaṁ Pāpimā iti viditvā, Māraṁ Pāpimantaṁ gāthāhi paccabhāsi:

−−−⏑¦⏑−−−¦¦⏑⏑−−¦⏑−⏑−
“Accantaṁ mataputtāmhi, purisā etad-antikā,

⏑−−⏑¦⏑−−−¦¦⏑−−−¦⏑−⏑−
Na socāmi na rodāmi, na taṁ bhāyāmi āvuso.

−−⏑⏑¦⏑−−−¦¦⏑−−−¦⏑−⏑−
Sabbattha vihatā nandi, ChS, PTS: nandī.04 tamokkhandho padālito,

−−⏑−¦⏑−−−¦¦⏑⏑−⏑¦⏑−⏑−
Jetvāna Maccuno senaṁ, viharāmi anāsavā.” ti

Atha kho Māro Pāpimā: “Jānāti maṁ Kisāgotamī bhikkhunī” ti dukkhī dummano tatthevantaradhāyī ti.