SN 5.5 Uppalavaṇṇāsuttaṁ

download

166. Evaṁ me sutaṁ:
ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.

Atha kho Uppalavaṇṇā bhikkhunī, pubbaṇhasamayaṁ nivāsetvā, pattacīvaram-ādāya, Sāvatthiṁ piṇḍāya pāvisi. Sāvatthiyaṁ piṇḍāya caritvā, pacchābhattaṁ piṇḍapātapaṭikkantā, yena Andhavanaṁ tenupasaṅkami divāvihārāya, Andhavanaṁ ajjhogahetvā, aññatarasmiṁ Supupphitasālarukkhamūle aṭṭhāsi.

Atha kho Māro Pāpimā Uppalavaṇṇāya bhikkhuniyā bhayaṁ chambhitattaṁ lomahaṁsaṁ uppādetukāmo, samādhimhā cāvetukāmo, yena Uppalavaṇṇā bhikkhunī tenupasaṅkami, upasaṅkamitvā Uppalavaṇṇaṁ bhikkhuniṁ gāthāya ajjhabhāsi:

⏑−⏑−¦−,⏑⏑¦−⏑−⏑−   Jagatī
“Supupphitaggaṁ upagamma, bhikkhuni, BJT: bhikkhunī; alternative form.01

−−⏑−,¦−⏑⏑¦−⏑−−   Tuṭṭhubha x 3
Ekā tuvaṁ BJT: tvaṁ, against the metre in the opening.02 tiṭṭhasi Sālamūle,

⏑−⏑−,¦⏑⏑−¦−⏑−−
Na catthi te dutiyā vaṇṇadhātu, Thai, PTS add: idhāgatā tādisikā bhaveyyuṁ, this line seems to be an intrusion here, it occurs in the reply in good context, but doesn't make sense in this place.03

−−⏑−,¦−⏑⏑¦−⏑−−
Bāle nă tvaṁ bhāyasi dhuttakānan?”-ti

Atha kho Uppalavaṇṇāya bhikkhuniyā etad-ahosi: “Ko nu khvāyaṁ manusso vā amanusso vā gāthaṁ bhāsatī?” ti Atha kho Uppalavaṇṇāya bhikkhuniyā etad-ahosi: “Māro kho ayaṁ Pāpimā mama bhayaṁ chambhitattaṁ lomahaṁsaṁ uppādetukāmo, samādhimhā cāvetukāmo, gāthaṁ bhāsatī.” ti

Atha kho Uppalavaṇṇā bhikkhunī: Māro ayaṁ Pāpimā iti viditvā, Māraṁ Pāpimantaṁ gāthāhi paccabhāsi:

⏑−⏑−¦−⏑,⏑¦−⏑−−
“Sataṁ sahassāni pi dhuttakānaṁ

⏑−⏑−,¦−⏑⏑¦−⏑−−
Idhāgatā tādisakā bhaveyyuṁ

−−⏑−¦−⏑,⏑¦−⏑−−
Lomaṁ na iñjāmi na santasāmi,

⏑−⏑−¦−⏑,⏑¦−⏑−−
Na Māra Thai: Māra na, against the metre.04 bhāyāmi tam-ekikā pi.

−−−⏑¦⏑−−−¦¦−−−⏑¦⏑−⏑−
Esā antaradhāyāmi kucchiṁ vā pavisāmi te,

⏑⏑−⏑¦⏑−−−¦¦−−−−¦⏑−⏑−
Pakhumantarikāyam-pi tiṭṭhantiṁ: maṁ na dakkhasi.

−−−⏑¦−,−−−¦¦−⏑−−¦⏑−⏑−   mavipulā
Cittasmiṁ vasībhūtāmhi, Thai, PTS: vasi-, which would give pathyā.05 iddhipādā subhāvitā,

−⏑−⏑¦⏑−−−¦¦⏑−−−¦⏑−⏑−
Sabbabandhanamuttāmhi, Thai: -muttomhi, taking the first word as singular.06 na taṁ bhāyāmi āvuso!” ti

Atha kho Māro Pāpimā: “Jānāti maṁ Uppalavaṇṇā bhikkhunī!” ti dukkhī dummano tatthevantaradhāyī ti.