[II. Sāsanavaḍḍhanaṁ]

18: Tīhi Saraṇagamanehi Upasampadākathā ChS has this title at the end of the section, but here for some unknown reason prints: Pabbajjūpasampadākathā.01

Tena kho pana samayena bhikkhū nānādisā nānājānapadā, pabbajjāpekkhe ca upasampadāpekkhe ca BJT omits ca twice, and reads: pabbajjāpekhe upasampadāpekhe (same below). BJT spells in this way throughout.02 ānenti: “Bhagavā ne pabbājessati upasampādessatī,” ti tattha bhikkhū ceva kilamanti pabbajjāpekkhā ca upasampadāpekkhā ca.

Atha kho Bhagavato rahogatassa paṭisallīnassa, evaṁ cetaso parivitakko udapādi: “Etarahi kho bhikkhū nānādisā nānājanapadā, pabbajjāpekkhe ca upasampadāpekkhe ca ānenti: ‘Bhagavā ne pabbājessati upasampādessatī,’ ti tattha bhikkhū ceva kilamanti pabbajjāpekkhā ca upasampadāpekkhā ca.

Yan-nūnāhaṁ bhikkhūnaṁ anujāneyyaṁ ‘Tumhe va dāni bhikkhave tāsu tāsu disāsu tesu tesu janapadesu, pabbājetha upasampādethā’?” ti

Atha kho Bhagavā sāyaṇhasamayaṁ paṭisallānā vuṭṭhito, etasmiṁ nidāne etasmiṁ pakaraṇe Bhikkhusaṅghaṁ sannipātāpetvā, ChS omits: Bhikkhusaṅghaṁ sannipātāpetvā.03 Dhammiṁ kathaṁ PTS abbreviates: ...nidāne - pe - dhammikathaṁ... which shows the compound form of the words in the text.04 katvā, bhikkhū āmantesi: “Idha mayhaṁ bhikkhave rahogatassa paṭisallīnassa evaṁ cetaso parivitakko udapādi: ‘Etarahi kho bhikkhū nānādisā nānājanapadā, pabbajjāpekkhe ca upasampadāpekkhe ca ānenti: “Bhagavā ne pabbājessati upasampādessatī,” ti tattha bhikkhū ceva kilamanti pabbajjāpekkhā ca upasampadāpekkhā ca. Yan-nūnāhaṁ bhikkhūnaṁ anujāneyyaṁ “Tumhe va dāni bhikkhave tāsu tāsu disāsu tesu tesu janapadesu, pabbājetha upasampādethā”?’ ti

Anujānāmi bhikkhave tumhe va dāni tāsu tāsu disāsu tesu tesu janapadesu, pabbājetha upasampādetha. BJT: upasampādethāti, but this doesn't end the quote, and it appears to be simply carried through from the reflection above where it is indeed suitable.05 Evañ-ca pana bhikkhave pabbājetabbo upasampādetabbo: paṭhamaṁ kesamassuṁ ohārāpetvā, kāsāyāni vatthāni acchādāpetvā, BJT gives the simple verbs here: ohāretvā ... acchādetvā, but the causative forms of the following verbs.06 ekaṁsaṁ uttarāsaṅgaṁ kārāpetvā, bhikkhūnaṁ pāde vandāpetvā, ukkuṭikaṁ nisīdāpetvā, añjaliṁ paggaṇhāpetvā, evaṁ vadehī ti vattabbo:

‘Buddhaṁ saraṇaṁ gacchāmi
Dhammaṁ saraṇaṁ gacchāmi
Saṅghaṁ saraṇaṁ gacchāmi

Dutiyam-pi Buddhaṁ saraṇaṁ gacchāmi
Dutiyam-pi Dhammaṁ saraṇaṁ gacchāmi
Dutiyam-pi Saṅghaṁ saraṇaṁ gacchāmi

Tatiyam-pi Buddhaṁ saraṇaṁ gacchāmi
Tatiyam-pi dhammaṁ saraṇaṁ gacchāmi
Tatiyam-pi saṅghaṁ saraṇaṁ gacchāmī.’ ti

Anujānāmi bhikkhave imehi tīhi saraṇagamanehi pabbajjaṁ upasampadan.”-ti

Tīhi Saraṇagamanehi Upasampadākathā Niṭṭhitā BJT: Tīhi Saraṇagamanehi Pabbajjā-Upasampadākathā Dvadasami Niṭṭhitā.07