[III: Uruvelapāṭihāriyāni]

[37: Atirekayogupasampadā]

Addasā kho Nadīkassapo jaṭilo kesamissaṁ jaṭāmissaṁ, khārikājamissaṁ aggihuttamissaṁ udake vuyhamāne, disvānassa etad-ahosi: “Mā heva me bhātuno upasaggo BJT: upassaggo, altenate spelling.01 ahosī,” ti Jaṭile pāhesi: “Gacchatha me bhātaraṁ jānāthā,” ti sāmañ-ca tīhi jaṭilasatehi saddhiṁ BJT omits: saddhiṁ.02 yenāyasmā Uruvelakassapo tenupasaṅkami, upasaṅkamitvā āyasmantaṁ Uruvelakassapaṁ etad-avoca: “Idaṁ nu kho Kassapa seyyan?”-ti PTS, Thai, ChS: seyyo ti, also below.03

“Āmāvuso idaṁ seyyan”-ti

Atha kho te jaṭilā, kesamissaṁ jaṭāmissaṁ, khārikājamissaṁ aggihuttamissaṁ udake pavāhetvā, yena Bhagavā tenupasaṅkamiṁsu, upasaṅkamitvā Bhagavato pādesu sirasā nipatitvā, Bhagavantaṁ etad-avocuṁ: “Labheyyāma mayaṁ Bhante Bhagavato santike pabbajjaṁ, labheyyāma upasampadan.”-ti

“Etha bhikkhavo” ti Bhagavā avoca “svākkhāto Dhammo, caratha brahmacariyaṁ sammā dukkhassa antakiriyāyā.” ti Sā va tesaṁ āyasmantānaṁ upasampadā ahosi.

Addasā kho Gayākassapo jaṭilo kesamissaṁ jaṭāmissaṁ khārikājamissaṁ aggihuttamissaṁ udake vuyhamāne, disvānassa etad-ahosi: “Mā heva me bhātūnaṁ upasaggo ahosī,” ti Jaṭile pāhesi: “Gacchatha me bhātaro jānāthā,” ti sāmañ-ca dvīhi jaṭilasatehi saddhiṁ Thai omits: saddhiṁ.04 yenāyasmā Uruvelakassapo tenupasaṅkami, upasaṅkamitvā āyasmantaṁ Uruvelakassapaṁ etad-avoca: “Idaṁ nu kho Kassapa seyyan?”-ti

“Āmāvuso idaṁ seyyan”-ti

Atha kho te jaṭilā, kesamissaṁ jaṭāmissaṁ, khārikājamissaṁ aggihuttamissaṁ udake pavāhetvā, yena Bhagavā tenupasaṅkamiṁsu, upasaṅkamitvā Bhagavato pādesu sirasā nipatitvā, Bhagavantaṁ etad-avocuṁ: “Labheyyāma mayaṁ Bhante Bhagavato santike pabbajjaṁ, labheyyāma upasampadan.”-ti

“Etha bhikkhavo” ti Bhagavā avoca “svākkhāto Dhammo, caratha brahmacariyaṁ sammā dukkhassa antakiriyāyā.” ti Sā va tesaṁ āyasmantānaṁ upasampadā ahosi.

Bhagavato adhiṭṭhānena pañca kaṭṭhasatāni BJT lays out this and the following lines as verse, but I cannot see any metre.05 na phāliyiṁsu phāliyiṁsu, aggī na ujjaliṁsu ujjaliṁsu, ChS: ujjaliyiṁsu ujjaliyiṁsu.06 na vijjhāyiṁsu vijjhāyiṁsu, pañca mandāmukhisatāni abhinimmini. Etena nayena aḍḍhuḍḍhapāṭihāriyasahassāni honti.