[III: Uruvelapāṭihāriyāni]

38: Ādittapariyāyaṁ

Atha kho Bhagavā Uruvelāyaṁ yathābhirantaṁ viharitvā, yena Gayāsīsaṁ tena cārikaṁ BJT, ChS omit: cārikaṁ.01 pakkāmi, mahatā Bhikkhusaṅghena saddhiṁ, bhikkhusahassena sabbeheva purāṇajaṭilehi.

Tatra sudaṁ Bhagavā Gayāyaṁ viharati, Gayāsīse saddhiṁ bhikkhusahassena. Tatra kho Bhagavā bhikkhū āmantesi: The following discourse is also found at SN 4.28.02 “Sabbaṁ bhikkhave ādittaṁ. Kiñ-ca bhikkhave sabbaṁ ādittaṁ?

Cakkhuṁ bhikkhave ādittaṁ, ChS: Cakkhu ādittaṁ; cakkhu is an alternate form of the nominative.03 rūpā ādittā, cakkhuviññāṇaṁ ādittaṁ, cakkhusamphasso āditto, yam-pidaṁ PTS: yad idaṁ; ChS: yamidaṁ, and so throughout.04 cakkhusamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tam-pi ādittaṁ.

Kena ādittaṁ? Thai adds a second: ādittaṁ here, which would require parsing the following sentences differently, and would not give a good meaning. Similarly in the repetition below.05 Rāgagginā dosagginā mohagginā ādittaṁ. Jātiyā jarāya maraṇena, Thai: jarāmaraṇena, but all the other compounds are parsed and listed seperately.06 sokehi paridevehi dukkhehi domanassehi upāyāsehi ādittan-ti vadāmi.

Sotaṁ ādittaṁ, saddā ādittā, BJT, PTS, Thai abbreviate: saddā ādittā ...pe... ghānaṁ [BJT: ghāṇaṁ] ādittaṁ, gandhā ādittā ...pe... jivhā ādittā, rasā ādittā ...pe... kāyo āditto, phoṭṭhabbā ādittā ...pe... mano āditto...07 sotaviññāṇaṁ ādittaṁ, sotasamphasso āditto, yam-pidaṁ sotasamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tam-pi ādittaṁ.

Kena ādittaṁ? Rāgagginā dosagginā mohagginā ādittaṁ. Jātiyā jarāya maraṇena, sokehi paridevehi dukkhehi domanassehi upāyāsehi ādittan-ti vadāmi.

Ghānaṁ ādittaṁ, gandhā ādittā, ghānaviññāṇaṁ ādittaṁ, ghānasamphasso āditto, yam-pidaṁ ghānasamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tam-pi ādittaṁ.

Kena ādittaṁ? Rāgagginā dosagginā mohagginā ādittaṁ. Jātiyā jarāya maraṇena, sokehi paridevehi dukkhehi domanassehi upāyāsehi ādittan-ti vadāmi.

Jivhā ādittā, rasā ādittā, jivhāviññāṇaṁ ādittaṁ, jivhāsamphasso āditto, yam-pidaṁ jivhāsamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tam-pi ādittaṁ.

Kena ādittaṁ? Rāgagginā dosagginā mohagginā ādittaṁ. Jātiyā jarāya maraṇena, sokehi paridevehi dukkhehi domanassehi upāyāsehi ādittan-ti vadāmi.

Kāyo āditto, phoṭṭhabbā ādittā, kāyaviññāṇaṁ ādittaṁ, kāyasamphasso āditto, yam-pidaṁ kāyasamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tam-pi ādittaṁ.

Kena ādittaṁ? Rāgagginā dosagginā mohagginā ādittaṁ. Jātiyā jarāya maraṇena, sokehi paridevehi dukkhehi domanassehi upāyāsehi ādittan-ti vadāmi.

Mano āditto, dhammā ādittā, manoviññāṇaṁ ādittaṁ, manosamphasso āditto, yam-pidaṁ manosamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tam-pi ādittaṁ.

Kena ādittaṁ? Rāgagginā dosagginā mohagginā ādittaṁ. Jātiyā jarāya maraṇena, sokehi paridevehi dukkhehi domanassehi upāyāsehi ādittan-ti vadāmi.

Evaṁ passaṁ bhikkhave sutavā Ariyasāvako cakkhusmiṁ pi nibbindati, rūpesu pi nibbindati, cakkhuviññāṇe pi nibbindati, cakkhusamphasse pi nibbindati, yam-pidaṁ cakkhusamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tasmiṁ pi nibbindati.

Sotasmiṁ pi nibbindati, saddesu pi nibbindati, All editions abbreviate: saddesu pi nibbindati ...pe... ghānasmiṁ [BJT ghāṇasmiṁ] pi nibbindati, gandhesu pi nibbindati ...pe... jivhāya pi nibbindati, rasesu pi nibbindati ...pe... kāyasmiṁ pi nibbindati, phoṭṭhabbesu pi nibbindati ...pe... manasmiṁ pi nibbindati...08 sotaviññāṇe pi nibbindati, sotasamphasse pi nibbindati, yam-pidaṁ sotasamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tasmiṁ pi nibbindati.

Ghānasmiṁ pi nibbindati, gandhesu pi nibbindati, ghanaviññāṇe pi nibbindati, ghanasamphasse pi nibbindati, yam-pidaṁ ghanasamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tasmiṁ pi nibbindati.

Jivhāya pi nibbindati, rasesu pi nibbindati, jivhāviññāṇe pi nibbindati, jivhāsamphasse pi ibbindati, yam-pidaṁ jivhāsamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tasmiṁ pi nibbindati.

Kāyasmiṁ pi nibbindati, phoṭṭhabbesu pi nibbindati, kāyaviññāṇe pi nibbindati, kāyasamphasse pi nibbindati, yam-pidaṁ kāyasamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tasmiṁ pi nibbindati.

Manasmiṁ pi nibbindati, dhammesu pi nibbindati, manoviññāṇe pi nibbindati, manosamphasse pi nibbindati, yam-pidaṁ manosamphassapaccayā uppajjati vedayitaṁ, sukhaṁ vā dukkhaṁ vā adukkhamasukhaṁ vā, tasmiṁ pi nibbindati, nibbindaṁ virajjati, virāgā vimuccati, vimuttasmiṁ vimuttam-iti PTS: vimutt' amhīti, as before.09 ñāṇaṁ hoti:

‘Khīṇā jāti
vusitaṁ brahmacariyaṁ
kataṁ karaṇīyaṁ
nāparaṁ itthattāyā ti pajānātī’ ti.

Imasmiñ-ca pana veyyākaraṇasmiṁ bhaññamāne, tassa bhikkhusahassassa anupādāya āsavehi cittāni vimucciṁsu.

Ādittapariyāyaṁ ChS: ādittapariyāyasuttaṁ, which is suitable for the Saṁyutta version, but not here.10 Niṭṭhitaṁ

Uruvelapāṭihāriyaṁ

Tatiyabhāṇavāraṁ Niṭṭhitaṁ PTS: tatiyakabhāṇavāraṁ niṭṭhitaṁ; ChS: tatiyakabhāṇavāro niṭṭhito.11