Dathavamsa 2

⏑−−−¦⏑−−−¦¦⏑−−−¦⏑−⏑− pathyā
Tato paṭṭhāya so satthā vinento devamānuse

−⏑−−¦⏑−−−¦¦⏑⏑−−¦⏑−⏑− pathyā
bodhito Phussamāsamhi navame puṇṇamāsiyaṁ. [63] [2-1]

−⏑−−¦⏑−−−¦¦−−−⏑¦⏑−⏑− pathyā
Laṅkam-āgamma Gaṅgāya tīre yojanavitthate

⏑−−⏑¦⏑−−−¦¦−−−⏑¦⏑−⏑− pathyā
Mahānāgavanuyyāne āyāmena tiyojane. [64] [2-2]

−−−⏑¦⏑−−−¦¦−−⏑⏑¦⏑−⏑− pathyā
Yakkhānaṁ samitiṁ gantvā ṭhatvāna gagane tahiṁ

−−⏑−¦⏑−−−¦¦−−−−¦⏑−⏑− pathyā
vātandhakāravuṭṭhīhi katvā yakkhe bhayaddite. [65] [2-3]

−−⏑−¦⏑−−−¦¦−⏑−−¦⏑−⏑− pathyā
Laddhā bhayehi yakkhehi tehi dinnāya bhūmiyā

−⏑−−¦⏑−−−¦¦⏑−−−¦⏑−⏑− pathyā
cammakhaṇḍaṁ pasāretvā nisīditvāna taṅkhaṇe. [66] [2-4]

−⏑−−¦⏑−−−¦¦−⏑−−¦⏑−⏑− pathyā
Cammakhaṇḍaṁ padittaggijālamālāsamākulaṁ

−⏑−−¦⏑−−−¦¦−⏑−−¦⏑−⏑− pathyā
iddhiyā vaḍḍhayitvāna yāva sindhuṁ samantato. [67] [2-5]

⏑−⏑−¦⏑−−−¦¦−⏑−−¦⏑−⏑− pathyā
Javena sindhuvelāya rāsibhūte nisācare

⏑⏑−⏑¦⏑−−−¦¦⏑−−−¦⏑−⏑− pathyā
Giridīpam-idhānetvā patiṭṭhāpesi te tahiṁ. [68] [2-6]

−⏑−−¦⏑−−−¦¦⏑−−⏑¦⏑−⏑− pathyā
Desayitvā jino dhammaṁ tadā devasamāgame

⏑−−−¦⏑−−−¦¦−−⏑⏑¦⏑−⏑− pathyā
bahunnaṁ pāṇakoṭīnaṁ dhammābhisamayaṁ akā. [69] [2-7]

⏑−⏑⏑¦⏑−−−¦¦−−⏑⏑¦⏑−⏑− pathyā
Mahāsumanadevassa sele Sumanakūṭake

−−⏑−¦⏑−−−¦¦⏑−−⏑¦⏑−⏑− pathyā
datvā namassituṁ kese agā Jetavanaṁ jino. [70] [2-8]

⏑−⏑−¦−−−−¦¦⏑−−⏑¦⏑−⏑− mavipulā
Patiṭṭhapetvā te satthunisinnāsanabhūmiyā

−⏑−⏑¦⏑−−−¦¦⏑−−−¦⏑−⏑− pathyā
indanīlamayaṁ thūpaṁ karitvā so apūjayi. [71] [2-9]

−−⏑⏑¦⏑−−−¦¦−⏑−⏑¦⏑−⏑− pathyā
Nissāya maṇipallaṅkaṁ pabbataṇṇavavāsino

−−−−¦⏑−−−¦¦−−⏑⏑¦⏑−⏑− pathyā
disvā yuddhatthike nāge Cūḷodara-Mahodare. [72] [2-10]

−⏑−−¦⏑−−−¦¦−⏑−−¦⏑−⏑− pathyā
Bodhito pañcame vasse cittamāse mahāmuni

⏑−⏑−¦−⏑−−¦¦−⏑−⏑¦⏑−⏑− ravipulā
uposathe kāḷapakkhe nāgadīpam-upāgami. [73] [2-11]

⏑−⏑−¦⏑⏑⏑−¦¦−−−⏑¦⏑−⏑− navipulā
Tadā Samiddhi Sumano devo Jetavane ṭhitaṁ

−⏑−⏑¦⏑−−−¦¦−−⏑⏑¦⏑−⏑− pathyā
attano bhavanaṁ yeva Rājāyatanapādapaṁ. [74] [2-12]

−⏑−−¦⏑−−−¦¦⏑−−−¦⏑−⏑− pathyā
Indanīladdikūṭaṁ va gahetvā tuṭṭhamānaso

−⏑−−¦⏑−−−¦¦−−−−¦⏑−⏑− pathyā
dhārayitvā sahāgañchi chattaṁ katvāna satthuno. [75] [2-13]

⏑−−−¦⏑−−−¦¦−⏑−−¦⏑−⏑− pathyā
Ubhinnaṁ nāgarājūnaṁ vattamāne mahāhave

⏑−−⏑¦⏑−−−¦¦−⏑−⏑¦⏑−⏑− pathyā
nisinno gagane nātho māpayittha mahātamaṁ. [76] [2-14]

−−−−¦⏑−−−¦¦−−−−¦⏑−⏑− pathyā
Ālokaṁ dassayitvātha assāsetvāna bhogino

−−⏑⏑¦⏑−−−¦¦⏑−⏑⏑¦⏑−⏑− pathyā
sāmaggikaraṇaṁ dhammaṁ abhāsi purisāsabho. [77] [2-15]

⏑−⏑−¦⏑−−−¦¦⏑⏑−⏑¦⏑−⏑− pathyā
Asītikoṭiyo nāgā acalambudhivāsino

⏑−⏑−¦⏑⏑⏑−¦¦−−⏑⏑¦⏑−⏑− navipulā
patiṭṭhahiṁsu muditā sīlesu saraṇesu ca. [78] [2-16]

−−⏑⏑¦⏑−−−¦¦−⏑−⏑¦⏑−⏑− pathyā
Datvāna maṇipallaṅkaṁ Text: maṇipallaṇkaṁ.⁰¹ satthuno bhujagādhipā

−−−−¦⏑−−−¦¦−⏑−−¦⏑−⏑− pathyā
tatthāsīnaṁ mahāvīraṁ annapānehi tappayuṁ. [79] [2-17]

⏑−⏑−¦−−−−¦¦−−⏑⏑¦⏑−⏑− mavipulā
Patiṭṭhapetvā so tattha Rājāyatanapādapaṁ

−−−−¦⏑−−−¦¦⏑−⏑⏑¦⏑−⏑− pathyā
pallaṅkaṁ tañ-ca nāgānaṁ adāsi abhipūjituṁ. [80] [2-18]

−⏑−−¦⏑−−−¦¦−−−−¦⏑−⏑− pathyā
Bodhito aṭṭhame vasse vesākhe puṇṇamāsiyaṁ

⏑⏑−⏑¦⏑−−−¦¦−−−⏑¦⏑−⏑− pathyā
Maṇi-akkhika-nāmena nāgindena nimantito. [81] [2-19]

−⏑−−¦⏑−−−¦¦⏑⏑−−¦⏑−−− pathyā
Nāgarājassa tasseva bhavanaṁ sādhusajjītaṁ

−−⏑−¦−⏑−−¦¦⏑−⏑⏑¦⏑−⏑− ravipulā
Kalyāṇiyaṁ pañca bhikkhusatehi saha āgami. [82] [2-20]

−−⏑−¦⏑−−−¦¦⏑−⏑⏑¦⏑−⏑− pathyā
Kalyāṇi-cetiyaṭṭhāne kate ratanamaṇḍape

⏑−⏑−¦⏑−−−¦¦⏑−⏑⏑¦⏑−⏑− pathyā
mahārahamhi pallaṅke upāvisi narāsabho. [83] [2-21]

−−⏑−¦⏑−−−¦¦⏑−−−¦⏑−⏑− pathyā
Dibbehi khajjabhojjehi sasaṅghaṁ lokanāyakaṁ

−−−⏑¦⏑−−−¦¦⏑⏑−⏑¦⏑−⏑− pathyā
santappesi phaṇindo so bhujagehi B: bhujaṅgehi.⁰² purakkhato. [84] [2-22]

−⏑−−¦⏑−−−¦¦−⏑−⏑¦⏑−⏑− pathyā
Desayitvāna saddhammaṁ saggamokkhasukhāvahaṁ

−−−⏑¦⏑−−−¦¦−−⏑⏑¦⏑−⏑− pathyā
so satthā Sumane kūṭe dassesi padalañchanaṁ. [85] [2-23]

⏑−−⏑¦⏑−−−¦¦⏑−−−¦⏑−⏑− pathyā
Tato pabbatapādamhi sasaṅgho so vināyako

⏑−⏑−¦−−−−¦¦−⏑−⏑¦⏑−⏑− mavipulā
divā vihāraṁ katvāna Dīghavāpim M. Dīghavāpiṁ.⁰³-upāgami. [86] [2-24]

−−−−¦⏑−−−¦¦⏑−−⏑¦⏑−⏑− pathyā
Thūpaṭṭhāne tahiṁ buddho sasaṅghobhinisīdiya

⏑−−⏑¦⏑−−−¦¦⏑−⏑⏑¦⏑−⏑− pathyā
samāpattisamubbhūtaṁ avindi asamaṁ sukhaṁ. [87] [2-25]

⏑−−⏑¦⏑−−−¦¦⏑−−−¦⏑−⏑− pathyā
Mahābodhitaruṭṭhāne samādhiṁ appayī jino

⏑−−−¦⏑−−−¦¦⏑⏑−⏑¦⏑−⏑− pathyā
Mahāthūpappadese ca viharittha samādhinā. [88] [2-26]

−−−−¦⏑−−−¦¦−−−⏑¦⏑−⏑− pathyā
Thūpārāmamhi thūpassa ṭhāne jhānasukhena so

⏑−⏑−¦−−−−¦¦⏑−−−¦⏑−⏑− mavipulā
sabhikkhusaṅgho sambuddho muhuttaṁ vītināmayi. [89] [2-27]

⏑−⏑−¦⏑−−−¦¦−−−⏑¦⏑−⏑− pathyā
Silāthupappadesamhi ṭhatvā kālavidū muni

−−⏑⏑¦⏑−−−¦¦⏑−−⏑¦⏑−⏑− pathyā
deve samanusāsetvā tato Jetavanaṁ agā. [90] [2-28]

⏑−−−¦⏑−−−¦¦⏑−⏑⏑¦⏑−⏑− pathyā
Agiddho lābhasakkāre asayham-avamānanaṁ

⏑−−−¦⏑−−⏑¦¦−⏑−⏑¦⏑−⏑− pathyā
sahanto kevalaṁ sabbalokanittharaṇatthiko. [91] [2-29]

−−⏑−¦⏑−−−¦¦−−−−¦⏑−⏑− pathyā
Saṁvaccharāni Text: Samvaccharāni.⁰⁴ ṭhatvāna cattāḷīsaṁ ca pañca ca

−⏑−−¦⏑−−−¦¦⏑−−−¦⏑−⏑− pathyā
desayitvāna suttādiṁ navaṅgaṁ satthusāsanaṁ. [92] [2-30]

−−−⏑¦⏑−−−¦¦⏑−−−¦⏑−⏑− pathyā
Tāretvā bhavakantārā jane saṅkhyātivattino

−⏑−−¦⏑−−−¦¦−−−−¦⏑−⏑− pathyā
buddhakiccāni sabbāni niṭṭhāpetvāna cakkhumā. [93] [2-31]

⏑⏑−−¦⏑−−−¦¦−−−⏑¦⏑−⏑− pathyā
Kusinārāpure raññaṁ Mallānaṁ Upavattane

−⏑⏑−¦⏑⏑⏑⏑¦¦−⏑−−¦⏑−⏑− navipulā
sālavanamhi yamaka-sālarukkhānam-antare. [94] [2-32]

⏑−⏑−¦⏑−−−¦¦−−−⏑¦⏑−⏑− pathyā
Mahārahe supaññatte mañce uttarasīsakaṁ

⏑−−−¦⏑−−−¦¦−−−−¦⏑−⏑− pathyā
nipanno sīhaseyyāya vesākhe puṇṇamāsiyaṁ. [95] [2-33]

−−−⏑¦⏑−−−¦¦−−−−¦⏑−⏑− pathyā
Desetvā paṭhame yāme Mallānaṁ dhammam-uttamaṁ

⏑−−−¦⏑−−−¦¦−−−⏑¦⏑−⏑− pathyā
Subhaddaṁ majjhime yāme pāpetvā amataṁ padaṁ. [96] [2-34]

−−−⏑¦⏑−−−¦¦−−−−¦⏑−⏑− pathyā
Bhikkhū pacchimayāmamhi dhammakkhandhe asesake

−−⏑−¦⏑−−−¦¦−⏑−⏑¦⏑−⏑− pathyā
saṅgayha ovaditvāna appamādapadena ca. [97] [2-35]

−−⏑⏑¦⏑−−−¦¦⏑−−⏑¦⏑−⏑− pathyā
Paccūsasamaye jhānasamāpattivihārato

−−⏑⏑¦⏑−−−¦¦−−−⏑¦⏑−⏑− pathyā
uṭṭhāya parinibbāyi sesopādivivajjito. [98] [2-36]

⏑−−−¦⏑−−−¦¦⏑−−⏑¦⏑−⏑− pathyā
Mahīkampādayo āsuṁ tadā acchariyāvahā

−−⏑−¦−−−−¦¦−⏑−⏑¦⏑−⏑− mavipulā
pūjā visesā vattiṁsu devamānusakā bahū. [99] [2-37]

⏑⏑−−¦⏑−−−¦¦−−−⏑¦⏑−⏑− pathyā
Parinibbānasuttante Text: Parinibbāṇa-.⁰⁵ vuttānukkamato pana

−−⏑−¦−−−−¦¦−−−⏑¦⏑−⏑− mavipulā
pūjā viseso Text: pujāviseso.⁰⁶ viññeyyo icchantehi asesato. [100] [2-38]

⏑⏑−⏑¦⏑−−−¦¦−−−⏑¦⏑−⏑− pathyā
Ahatehi ca vatthehi veṭhetvā paṭhamaṁ jinaṁ

−⏑−−¦⏑⏑−⏑¦¦⏑⏑−⏑¦⏑−⏑− savipulā
veṭhayitvāna kapāsapicunā vihatena ca. [101] [2-39]

−−−⏑¦⏑−−−¦¦−⏑−−¦⏑−⏑− pathyā
Evaṁ pañcasatakkhattuṁ veṭhayitvāna sādhukaṁ

−⏑−−¦⏑−−−¦¦−⏑−−¦⏑−⏑− pathyā
pakkhipitvā suvaṇṇāya telapuṇṇāya Doṇiyaṁ. M. Doṇiyā; Text: doṇiyaṁ.⁰⁷ [102] [2-40]

−−−⏑¦⏑−−−¦¦−⏑−⏑¦⏑−⏑− pathyā
Vīsaṁ hatthasatubbedhaṁ gandhadāruhi saṅkhataṁ

−−⏑−¦⏑⏑⏑−¦¦−−−⏑¦⏑−⏑− navipulā
āropayiṁsu citakaṁ Mallānaṁ pamukhā tadā. [103] [2-41]

⏑−−⏑¦⏑−−−¦¦−⏑−−¦⏑−⏑− pathyā
Mahākassapatherena dhammarāje avandite

⏑⏑−−¦⏑−−−¦¦−⏑−−¦⏑−⏑− pathyā
citakaṁ mā jalitthā ti devadhiṭṭhānato pana. [104] [2-42]

−−−−¦⏑−−−¦¦−⏑−−¦⏑−⏑− pathyā
Pāmokkhā Mallarājūnaṁ vāyamantā panekadhā

⏑⏑−−¦⏑−−−¦¦−−−−¦⏑−⏑− pathyā
citakaṁ taṁ na sakkhiṁsu gāhāpetuṁ hutāsanaṁ. [105] [2-43]

⏑−−⏑¦⏑−−−¦¦⏑−−−¦⏑−⏑− pathyā
Mahākassapatherena adhiṭṭhānena attano

−−−⏑¦⏑−−−¦¦⏑⏑−⏑¦⏑−⏑− pathyā
vaṭṭhādīni mahādoṇiṁ citakaṁ ca mahārahaṁ. [106] [2-44]

⏑−−−¦⏑−−−¦¦⏑⏑−−¦⏑−⏑− pathyā
Dvidhā katvāna nikkhamma sakasīse patiṭṭhitā

−⏑−−¦⏑−−−¦¦⏑−−−¦⏑−⏑− pathyā
vanditā satthuno pādā yathāṭhāne patiṭṭhitā. [107] [2-45]

⏑−−−¦⏑−−−¦¦−⏑−⏑¦⏑−⏑− pathyā
Tato devānubhāvena pajjalittha citānalo

⏑⏑−−¦⏑−−−¦¦−−−⏑¦⏑−⏑− pathyā
na masī Text: masi.⁰⁸ satthudehassa daḍḍhassāsi na chārikā. [108] [2-46]

−⏑−⏑¦⏑−−−¦¦−−−−¦⏑−⏑− pathyā
Dhātuyo avasissiṁsu muttābhā kañcanappabhā

⏑−−−¦⏑−−−¦¦−⏑−−¦⏑−⏑− pathyā
adiṭṭhānena buddhassa vippakinṇā anekadhā. [109] [2-47]

−−−−¦⏑−−−¦¦⏑−−−¦⏑−⏑− pathyā
Uṇhīsaṁ akkhakā dve ca catasso dantadhātuyo

−−−−¦⏑−−−¦¦−⏑−−¦⏑−⏑− pathyā
icc-etā dhātuyo satta vippakiṇṇā na satthuno. [110] [2-48]

−−⏑−¦⏑−−−¦¦−−−⏑¦⏑−⏑− pathyā
Ākāsato patitvā pi uggantvā pi mahītalā

⏑−−⏑¦⏑−−−¦¦−−−−¦⏑−⏑− pathyā
samantā jaladhārāyo nibbāpesuṁ citānalaṁ. [111] [2-49]

−−⏑−¦⏑−−−¦¦−−−−¦⏑−⏑− pathyā
Therassa Sāriputtassa antevāsī mahiddhiko

⏑⏑−−¦⏑−−−¦¦⏑−⏑⏑¦⏑−⏑− pathyā
Sarabhūnāmako Text: Sarabhu-.⁰⁹ thero pabhinnapaṭisambhido. [112] [2-50]

−−−−¦⏑−−−¦¦⏑⏑−⏑¦⏑−⏑− pathyā
Gīvādhātuṁ gahetvāna citato Mahiyaṅgaṇe

⏑−⏑−¦−−−−¦¦⏑−−⏑¦⏑−⏑− mavipulā
patiṭṭhapetvā thūpamhi akā kañcukacetiyaṁ. [113] [2-51]

−−⏑−¦−⏑⏑−¦¦−⏑−−¦⏑−⏑− bhavipulā
Khemavhayo kāruṇiko khīṇasaṁyojano muni

⏑⏑−−¦⏑−−⏑¦¦−−−−¦⏑−⏑− pathyā
citakāto tato vāmadāṭhādhātuṁ samaggahi. [114] [2-52]

−−−⏑¦⏑−−−¦¦−⏑−−¦⏑−⏑− pathyā
Aṭṭhannaṁ atha rājūnaṁ dhātu-atthāya satthuno

−−−−¦⏑−−−¦¦⏑−−−¦⏑−⏑− pathyā
uppannaṁ viggahaṁ Doṇo sametvāna dvijuttamo. [115] [2-53]

−−⏑−¦⏑−−−¦¦−−−−¦⏑−⏑− pathyā
Katvāna aṭṭha koṭṭhāse bhājetvā sesadhātuyo

⏑−⏑−¦⏑−−−¦¦−−⏑⏑¦⏑−⏑− pathyā
adāsi aṭṭha rājūnaṁ taṁ-taṁ-nagaravāsinaṁ. [116] [2-54]

−⏑−−¦⏑−−−¦¦−⏑−−¦⏑−⏑− pathyā
Haṭṭhatuṭṭhā gahetvāna dhātuyo tā narādhipā

−−⏑−¦⏑−−−¦¦−⏑−⏑¦⏑−⏑− pathyā
gantvā sake sake raṭṭhe cetiyāni akārayuṁ. [117] [2-55]

−−−−¦⏑−−−¦¦−−−−¦⏑−⏑− pathyā
Ekā dāṭhā Surindena ekā Gandhāravāsihi

−−⏑−¦⏑−−−¦¦−⏑−⏑¦⏑−⏑− pathyā
ekā bhujaṅgarājūhi āsi sakkatapūjitā. [118] [2-56]

−⏑−−¦⏑−−−¦¦−⏑−⏑¦⏑−⏑− pathyā
Dantadhātuṁ tato Khemo attanā gahitaṁ adā

−⏑⏑−¦⏑−−−¦¦−⏑−−¦⏑−⏑− pathyā
Dantapure Kaliṅgassa Brahmadattassa rājino. [119] [2-57]

−⏑−−¦⏑−−−¦¦−−−⏑¦⏑−⏑− pathyā
Desayitvāna so dhammaṁ bhetvā sabbakudiṭṭhiyo

−−−−¦⏑−−−¦¦−−⏑⏑¦⏑−⏑− pathyā
rājānaṁ taṁ pasādesi aggambhi ratanattaye. [120] [2-58]

−−−−¦⏑−−−¦¦−−⏑⏑¦⏑−⏑− pathyā
Ajjhogāḷho munindassa dhammāmatamahaṇṇavaṁ

−⏑−−¦⏑−−−¦¦⏑−−⏑¦⏑−⏑− pathyā
so narindo pavāhesi malaṁ macchariyādikaṁ. [121] [2-59]

−−⏑−¦⏑−−−¦¦−−⏑⏑¦⏑−⏑− pathyā
Pāvussako yathā megho nānāratanavassato

−−⏑⏑¦⏑−−−¦¦−−−⏑¦⏑−⏑− pathyā
dāḷiddiyanidāghaṁ so nibbāpesi naruttamo. [122] [2-60]

⏑−⏑⏑¦⏑−−⏑¦¦−−−−¦⏑−⏑− pathyā
Suvaṇṇakhacitālambamuttājālehi B: -khacitaṁ.¹⁰ sobhitaṁ

−−−⏑¦⏑−−−¦¦⏑⏑−−¦⏑−⏑− pathyā
kūṭāgārasatākiṇṇaṁ taruṇādiccasannibhaṁ. [123] [2-61]

−−⏑⏑¦⏑−−−¦¦⏑−−−¦⏑−⏑− pathyā
Nānāratanasobhāya duddikkhaṁ cakkhumūsanaṁ

−−−−¦⏑−−−¦¦⏑−−⏑¦⏑−⏑− pathyā
yānaṁ saggāpavaggassa pasādātisayāvahaṁ. [124] [2-62]

−⏑−−¦⏑−−−¦¦−−−⏑¦⏑−⏑− pathyā
Kārayitvāna so rājā dāṭhādhātunivesanaṁ Text: dāṭhāḍhātu-.¹¹

−⏑−−¦⏑−−−¦¦−−−⏑¦⏑−⏑− pathyā
dhātupīṭhaṁ ca tattheva kāretvā ratanujjalaṁ. [125] [2-63]

⏑−⏑−¦⏑−−−¦¦−−−−¦⏑−⏑− pathyā
Tahiṁ samappayitvāna dāṭhādhātuṁ mahesino

−−−−¦⏑−−−¦¦−−⏑⏑¦⏑−⏑− pathyā
pūjāvatthūhi pūjesi rattindivam-atandito. [126] [2-64]

⏑⏑−−¦⏑−−−¦¦−⏑−−¦⏑−⏑− pathyā
Iti so sañcinitvāna puññasambhārasampadaṁ

⏑−−−¦⏑−−−¦¦−⏑−⏑¦⏑−⏑− pathyā
cajitvā mānusaṁ dehaṁ saggakāyam-alaṅkari. [127] [2-65]

⏑⏑−−¦⏑−−−¦¦−⏑−−¦⏑−⏑− pathyā
Anujāto tato tassa Kāsirājavhayo suto

−−−−¦⏑−−−¦¦−⏑−⏑¦⏑−⏑− pathyā
rajjaṁ laddhā amaccānaṁ sokasallam-apānudi. [128] [2-66]

−⏑−−¦⏑−−⏑¦¦−−⏑⏑¦⏑−⏑− pathyā
Pupphagandhādinā dantadhātuṁ tam-abhipūjiya

−−⏑−¦⏑−−−¦¦−⏑−−¦⏑−⏑− pathyā
niccaṁ maṇippadīpehi jotayī dhātumandiraṁ. [129] [2-67]

−−⏑−¦−−−−¦¦−−⏑⏑¦⏑−⏑− mavipulā
Iccevam-ādiṁ so rājā katvā kusalasañcayaṁ

⏑−−⏑¦⏑−−−¦¦−−⏑⏑¦⏑−⏑− pathyā
jahitvāna nijaṁ dehaṁ devindapuram-ajjhagā. [130] [2-68]

⏑−−−¦⏑−−−¦¦−−⏑⏑¦⏑−⏑− pathyā
Sunando nāma rājindo ānandajanano sataṁ

−−⏑−¦⏑−−−¦¦−⏑−⏑¦⏑−⏑− pathyā
tassatrajo tato āsi buddhasāsanamāmako. [131] [2-69]

−−−−¦⏑−−⏑¦¦−−−−¦⏑−⏑− pathyā
Sammānetvāna so dantadhātuṁ ñeyyantadassino

⏑⏑−−¦⏑−−−¦¦⏑−−⏑¦⏑−⏑− pathyā
mahatā bhattiyogena agā devasahavyataṁ. [132] [2-70]

⏑−⏑−¦⏑−−−¦¦⏑⏑−⏑¦⏑−⏑− pathyā
Tato paraṁ ca aññe pi bahavo vasudhādhipā

−⏑−−¦⏑−−−¦¦⏑−⏑⏑¦⏑−⏑− pathyā
dantadhātuṁ munindassa kamena abhipūjayuṁ. [133] [2-71]

⏑⏑−−¦⏑−−−¦¦⏑⏑−⏑¦⏑−⏑− pathyā
Guhasīvavhayo rājā duratikkamasāsano

⏑−−⏑¦⏑−−−¦¦⏑⏑−⏑¦⏑−⏑− pathyā
tato rajjasiriṁ patvā anugaṇhi mahājanaṁ. [134] [2-72]

⏑⏑−−¦⏑−−−¦¦−−−−¦⏑−⏑− pathyā
Saparatthānabhiññe B: -nabhiñño.¹² so lābhāsakkāralolupe

−−⏑−¦⏑−−−¦¦⏑−−⏑¦⏑−⏑− pathyā
māyāvino avijjandhe Niganṭhe samupaṭṭhahi. [135] [2-73]

−−−−¦⏑−−−¦¦−−−−¦⏑−⏑− pathyā
Vassāratte yathā cando mohakkhandhena āvaṭo

−−⏑⏑¦⏑−−−¦¦⏑⏑−−¦⏑−⏑− pathyā
nāsakkhi guṇaraṁsīhi jalituṁ so narāsabho. [136] [2-74]

−⏑−−¦⏑−−−¦¦⏑−−−¦⏑−⏑− pathyā
Dhammamaggā apete pi paviṭṭhe diṭṭhikānanaṁ

−−−⏑¦⏑−−−¦¦−⏑−−¦⏑−⏑− pathyā
tasmiṁ sādhupathaṁ aññe nātivattiṁsu pāṇino. [137] [2-75]

−⏑⏑⏑¦⏑−−−¦¦⏑−⏑⏑¦⏑−⏑− pathyā
Hemataraṇamālāhi dhajehi kadalīhi ca

−−⏑−¦⏑−−−¦¦−−−−¦⏑−⏑− pathyā
pupphagghiyehinekehi sajjetvā nāgarā puraṁ. [138] [2-76]

−⏑−⏑¦⏑−−−¦¦−⏑−−¦⏑−⏑− pathyā
Maṅgalatthutighosehi naccagītādikehi ca

−⏑−⏑¦⏑−−−¦¦−⏑−−¦⏑−⏑− pathyā
hemarūpiyapupphehi gandhacuṇṇādikehi ca. [139] [2-77]

−−−⏑¦⏑−−−¦¦−−−−¦⏑−⏑− pathyā
Pūjentā B: Pūjento.¹³ munirājassa dāṭhādhātuṁ kudācanaṁ

⏑−⏑−¦⏑−−−¦¦−−−⏑¦⏑−⏑− pathyā
akaṁsu ekanigghosaṁ saṁvaṭṭambudhisannibhaṁ. [140] [2-78]

−−−−¦⏑−−−¦¦−−−⏑¦⏑−⏑− pathyā
Ugghāṭetvā narindo so pāsāde sihapañjaraṁ

−−−⏑¦⏑−−−¦¦−−⏑⏑¦⏑−⏑− pathyā
passanto janam-addakkhi pūjāvidhiparāyanaṁ. [141] [2-79]

⏑−−⏑¦⏑−−−¦¦−−−⏑¦⏑−⏑− pathyā
Athāmaccasabhāmajjhe rājā vimhitamānaso

−−⏑−¦⏑−−−¦¦⏑−⏑⏑¦⏑−⏑− pathyā
kotūhalākulo hutvā idaṁ vacanam-abravi. [142] [2-80]

−−⏑−¦⏑−−−¦¦−⏑−−¦⏑−⏑− pathyā
Accherakaṁ kim-etan-nu kīdisaṁ pāṭihāriyaṁ

⏑−−⏑¦⏑−−−¦¦⏑⏑−⏑¦⏑−⏑− pathyā
mam-etaṁ nagaraṁ kasmā chaṇanissitakaṁ iti. [143] [2-81]

⏑−⏑−¦−−−−¦¦−−−−¦⏑−⏑− mavipulā
Tato amacco ācikkhi medhāvī buddhamāmako

−⏑−−¦⏑−−−¦¦⏑−⏑⏑¦⏑−⏑− pathyā
rājino tassa sambuddhānubhāvam-avijānato. [144] [2-82]

−−⏑−¦⏑−−−¦¦−−−⏑¦⏑−⏑− pathyā
Sabbābhibhussa buddhassa taṇhāsaṅkayadassino

−−−⏑¦⏑−−−¦¦−−−−¦⏑−⏑− pathyā
esā dhātu mahārāja Khemattherena āhaṭā. [145] [2-83]

−−−−¦⏑−−−¦¦−−−−¦⏑−⏑− pathyā
Taṁ dhātuṁ pūjayitvāna rājāno pubbakā idha

−−⏑−¦−−−−¦¦−⏑−⏑¦⏑−⏑− mavipulā
kalyāṇamitte nissāya devakāyam-upāgamuṁ. [146] [2-84]

−⏑−⏑¦⏑−−−¦¦−⏑−⏑¦⏑−⏑− pathyā
Nāgarā pi ime sabbe samparāyasukatthikā

−⏑−⏑¦⏑−−−¦¦−−−−¦⏑−⏑− pathyā
pūjayanti samāgamma dhātuṁ taṁ satthuno iti. [147] [2-85]

−−−−¦⏑−−−¦¦−−−⏑¦⏑−⏑− pathyā
Tassāmaccassa so rājā sutvā dhammasubhāsitaṁ M. dhammaṁ.¹⁴

−−⏑⏑¦⏑−−−¦¦⏑−⏑⏑¦⏑−⏑− pathyā
dulladdhimalam-ujjhitvā pasīdi ratanattaye. [148] [2-86]

−⏑−−¦⏑−−−¦¦−−−⏑¦⏑−⏑− pathyā
Dhātupūjaṁ karonto so rājā acchariyāvahaṁ

−⏑−−¦⏑−−−¦¦⏑⏑−−¦⏑−⏑− pathyā
titthiye dummanekāsi sumane cetare jane. [149] [2-87]

⏑−⏑⏑¦⏑−−−¦¦−−⏑⏑¦⏑−⏑− pathyā
Ime ahirikā sabbe saddhādiguṇavajjitā

−−⏑−¦⏑−−−¦¦−⏑−⏑¦⏑−⏑− pathyā
thaddhā saṭhā ca duppaññā saggamokkhavibādhakā. M. -vibandhakā.¹⁵ [150] [2-88]

⏑⏑−−¦⏑−−−¦¦⏑⏑−−¦⏑−⏑− pathyā
Iti so cintayitvāna Guhasīvo narādhipo

−−−⏑¦⏑−−−¦¦⏑−−−¦⏑−⏑− pathyā
pabbājesi sakā raṭṭhā Nigaṇṭhe te asesake. [151] [2-89]

⏑−⏑−¦−−−⏑¦¦⏑⏑−−¦⏑−⏑− pathyā
Tato Nigaṇṭhā sabbe pi ghatasittānalā yathā

−−⏑⏑¦⏑−−−¦¦⏑−−⏑¦⏑−⏑− pathyā
kodhaggijalitāgañchuṁ puraṁ Pāṭaliputtakaṁ. [152] [2-90]

−⏑−−¦⏑−−−¦¦−⏑−−¦⏑−⏑− pathyā
Tattha rājā mahātejo Jambudīpassa issaro

−⏑−−¦⏑−−−¦¦⏑−⏑⏑¦⏑−⏑− pathyā
Paṇḍunāmo tadā āsi anantabalavāhaṇo. [153] [2-91]

−−−⏑¦⏑−−−¦¦−−−−¦⏑−⏑− pathyā
Kodhandhātha Nigaṇṭhā te sabbe pesuññakārakā

⏑⏑−−¦⏑−−−¦¦⏑−⏑⏑¦⏑−⏑− pathyā
upasaṅkamma rājānaṁ idaṁ vacanam-abravuṁ. [154] [2-92]

−⏑−⏑¦⏑−−−¦¦−⏑−−¦⏑−⏑− pathyā
Sabbadevamanussehi vandanīye mahiddhike

⏑−−−¦⏑−−−¦¦−−−−¦⏑−⏑− pathyā
Sivabrahmādayo deve niccaṁ tumhe namassatha. [155] [2-93]

−−−−¦⏑−−−¦¦⏑⏑−−¦⏑−⏑− savipulā
Tuyhaṁ sāmantabhūpālo Guhasīvo panādhunā

−−−−¦⏑−−−¦¦⏑−−−¦⏑−⏑− pathyā
nindanto tādise deve chavaṭṭhiṁ vandate iti. [156] [2-94]

−−⏑⏑¦⏑−−−¦¦−−−⏑¦⏑−⏑− pathyā
Sutvāna vacanaṁ tesaṁ rājā kodhavasānugo

−−−−¦⏑−−−¦¦−⏑−⏑¦⏑−⏑− pathyā
Sūraṁ sāmantabhūpālaṁ Cittayānam-athabravī. [157] [2-95]

−−⏑−¦−−−−¦¦⏑⏑−⏑¦⏑−⏑− mavipulā
Kāliṅgaraṭṭhaṁ gantvāna Guhasīvam-idhānaya

−⏑−−¦⏑−−−¦¦−⏑−−¦⏑−⏑− pathyā
pūjitaṁ taṁ chavaṭṭhiṁ ca tena rattindivaṁ iti. [158] [2-96]

−⏑−−¦⏑−−−¦¦⏑⏑−⏑¦⏑−⏑− pathyā
Cittayāno tato rājā mahatiṁ caturaṅginiṁ

−−−−¦⏑−−−¦¦⏑−−−¦⏑−⏑− pathyā
sannayhitvā sakaṁ senaṁ purā tamhābhinikkhami. [159] [2-97]

−−⏑−¦⏑−−−¦¦−−−⏑¦⏑−⏑− pathyā
Gantvāna B: gatvana.¹⁶ so mahīpālo senaṅgehi purakkhato

−⏑⏑−¦−⏑−−¦¦−−−−¦⏑−⏑− ravipulā
Dantapurassāvidūre khandhāvāraṁ nivesayi. [160] [2-98]

−−−⏑¦⏑−−−¦¦−−−−¦⏑−⏑− pathyā
Sutvā āgamanaṁ tassa Kāliṅgo M. Kaliṅgo; Text for this footnote reads Kalingo.¹⁷ so mahīpati

⏑−⏑−¦⏑−−−¦¦−−−⏑¦⏑−⏑− pathyā
gajindapābhatādīhi taṁ tosesi narādhipaṁ. [161] [2-99]

⏑−−⏑¦⏑−−−¦¦⏑⏑−−¦⏑−⏑− pathyā
Hitajjhāsayataṁ ñatvā Guhasīvassa rājino

−⏑⏑−¦−⏑−−¦¦−−−−¦⏑−⏑− ravipulā
Dantapuraṁ Cittayāno saddhiṁ senāya pāvisi. [162] [2-100]

−−⏑−¦⏑−−⏑¦¦−−−⏑¦⏑−⏑− pathyā
Pākāragopuraṭṭālapāsādagghikacittitaṁ

−⏑−−¦⏑−−−¦¦⏑−−⏑¦⏑−⏑− pathyā
dānasālāhi so rājā samiddhaṁ puram-addasa. [163] [2-101]

⏑−−⏑¦⏑−−−¦¦⏑−−−¦⏑−⏑− pathyā
Tato so sumano gantvā paviṭṭho rājamandiraṁ

⏑⏑−−¦⏑−−−¦¦−⏑−−¦⏑−⏑− pathyā
Guhasīvassa ācikkhi Paṇḍurājassa sāsanaṁ. [164] [2-102]

−−⏑−¦⏑−−−¦¦−⏑−⏑¦⏑−⏑− pathyā
Sutvāna sāsanaṁ tassa dāruṇaṁ duratikkamaṁ

⏑−⏑⏑¦⏑−−−¦¦−⏑−−¦⏑−⏑− pathyā
pasannamukhavaṇṇo va Cittayānaṁ samabravi. [165] [2-103]

−⏑−⏑¦⏑−−−¦¦−⏑−−¦⏑−⏑− pathyā
Sabbalokahitatthāya maṁsanettādidānato

⏑−⏑−¦−−−−¦¦−⏑−−¦⏑−⏑− mavipulā
anappakappe sambhāre sambharitvā atandito. [166] [2-104]

−−⏑⏑¦⏑−−−¦¦−−−−¦⏑−⏑− pathyā
Jetvā namucino senaṁ patvā sabbāsavakkhayaṁ

⏑−⏑⏑¦⏑−−−¦¦−⏑−−¦⏑−⏑− pathyā
anāvaraṇañāṇena sabbadhammesu pāragu. [167] [2-105]

−⏑−⏑¦⏑−−−¦¦⏑⏑−−¦⏑−⏑− pathyā
Diṭṭhadhammasukassādaṁ agaṇetvāna attano

−⏑−−¦⏑−−−¦¦⏑⏑−−¦⏑−⏑− pathyā
dhammanāvāya tāresi janataṁ yo bhavaṇṇavā. [168] [2-106]

−−⏑−¦−−−−¦¦⏑⏑−−¦⏑−⏑− mavipulā
Devātidevaṁ taṁ buddhaṁ saraṇaṁ sabbapāṇinaṁ

⏑−⏑⏑¦⏑−−−¦¦−−−−¦⏑−⏑− pathyā
jano hi avajānanto addhā so vañcito iti. [169] [2-107]

−−⏑−¦−−−−¦¦−−−−¦⏑−⏑− mavipulā
Iccevam-ādiṁ sutvāna so rājā satthu vaṇṇanaṁ

−−−−¦⏑−−−¦¦⏑−−⏑¦⏑−⏑− pathyā
ānandassuppabandhehi pavedesi pasannataṁ. [170] [2-108]

⏑⏑−−¦⏑−−−¦¦−⏑−−¦⏑−⏑− pathyā
Guhasīvo pasannaṁ taṁ Cittayānaṁ udikkhiya

−⏑−−¦⏑−−−¦¦⏑⏑−−¦⏑−⏑− pathyā
tena saddhiṁ mahagghaṁ taṁ agamā dhātumandiraṁ. [171] [2-109]

⏑⏑−⏑¦⏑−−−¦¦−⏑−−¦⏑−⏑− pathyā
Haricandanasambhūtadvārabāhādikehi M. -sambhūtaṁ.¹⁸ ca

⏑−⏑−¦⏑−−−¦¦−⏑−−¦⏑−⏑− pathyā
pavāḷavāḷamālāhi lambamuttālatāhi ca. [172] [2-110]

−⏑−⏑¦⏑−−−¦¦⏑⏑−⏑¦⏑−⏑− pathyā
Indanīlakavāṭehi maṇikiṅkiṇikāhi ca

−−⏑−¦⏑−−−¦¦−⏑−⏑¦⏑−⏑− pathyā
sovaṇṇakaṇṇamālāhi sobhitaṁ maṇithūpikaṁ. [173] [2-111]

−−−⏑¦⏑−−−¦¦⏑⏑−⏑¦⏑−⏑− pathyā
Uccaṁ veluriyubbhāsichadanaṁ makarākulaṁ

−⏑−⏑¦⏑−−−¦¦⏑⏑−⏑¦⏑−⏑− pathyā
dhātumandiram-addakkhi ratanujjalapīṭhakaṁ. [174] [2-112]

⏑−−−¦⏑−−−¦¦−−⏑⏑¦⏑−⏑− pathyā
Tato setātapattassa heṭṭhā ratanacittitaṁ

−−−⏑¦⏑−−−¦¦−−−⏑¦⏑−⏑− pathyā
disvā dhātukaraṇḍaṁ ca tuṭṭho vimbhayam-ajjhagā. [175] [2-113]

⏑−⏑−¦⏑−−−¦¦⏑⏑−−¦⏑−⏑− pathyā
Tato Kaliṅganātho B. Kāliṅga; comp. III. 7. (vs. 193).¹⁹ so vivaritvā karaṇḍakaṁ

⏑−⏑−¦⏑−−−¦¦−⏑−−¦⏑−⏑− pathyā
mahītale nihantvāna dakkhiṇaṁ jānumaṇḍalaṁ. [176] [2-114]

−⏑−−¦⏑−−−¦¦⏑−⏑⏑¦⏑−⏑− pathyā
Añjaliṁ paggahetvāna guṇe dasabalādike

⏑−−−¦⏑−−−¦¦⏑−⏑⏑¦⏑−⏑− pathyā
saritvā buddhaseṭṭhassa akāsi abhiyācanaṁ. [177] [2-115]

−−⏑−¦⏑−−−¦¦⏑−−−¦⏑−⏑− pathyā
Gaṇḍambarukkhamūlamhi tayā titthīyamaddane

⏑⏑−−¦⏑−−−¦¦−⏑−⏑¦⏑−⏑− pathyā
yamakaṁ dassayantena pāṭihāriyam-abbhutaṁ. [178] [2-116]

−⏑−−¦⏑−−−¦¦⏑−⏑⏑¦⏑−⏑− pathyā
Pubbakāyādinikkhantajalānalasamākulaṁ

−⏑−−¦⏑−−−¦¦⏑−−−¦⏑−⏑− pathyā
cakkavāḷaṅgaṇaṁ katvā janā sabbe pasāditā. [179] [2-117]

−−−⏑¦⏑−−−¦¦⏑⏑−−¦⏑−⏑− pathyā
Desetvāna tayo māse Abhidhammaṁ sudhāsinaṁ

⏑⏑−−¦⏑−−−¦¦−−−−¦⏑−⏑− pathyā
nagaraṁ otarantena Saṅkassaṁ Tāvatiṁsato. [180] [2-118]

−⏑−⏑¦⏑−−⏑¦¦−⏑−⏑¦⏑−⏑− pathyā
Chattavāmarasaṅkhādigāhakehi anekadhā

−⏑−−¦⏑−−−¦¦−⏑−⏑¦⏑−⏑− pathyā
brahmadevāsurādīhi pūjitena tayā pana. [181] [2-119]

−−⏑⏑¦⏑−−−¦¦−⏑−−¦⏑−⏑− pathyā
Ṭhatvāna maṇisopāṇe Vissakammābhinimmite

−⏑⏑⏑¦⏑−−−¦¦−⏑−−¦⏑−⏑− pathyā
Lokavivaraṇaṁ nāma dassitaṁ pāṭihāriyaṁ. [182] [2-120]

⏑−−−¦⏑−−−¦¦⏑⏑−⏑¦⏑−⏑− pathyā
Tathānekesu ṭhānesu munirāja tayā puna

⏑−⏑−¦⏑⏑−−¦¦−⏑−⏑¦⏑−⏑− pathyā
bahūni pāṭihīrāni dassitāni sayambhunā. [183] [2-121]

−⏑−⏑¦⏑−−−¦¦−⏑−⏑¦⏑−⏑− pathyā
Pāṭihāriyam-ajjāpi saggamokkhasukhāvahaṁ

−−−−¦⏑−−−¦¦−⏑−−¦⏑−⏑− pathyā
passantānaṁ manussānaṁ dassanīyaṁ tayā iti. [184] [2-122]