Dāṭhāvaṁsa

Catuttho Text: Catuṭṭho.01 Paricchedo

 

⏑⏑⏑⏑⏑⏑−−,−⏑−−⏑−−    Mālinī
Carati dharaṇipāle rājadhammesu tasmiṁ

⏑⏑⏑⏑⏑⏑−−,−⏑−−⏑−−
samaracaturaseno Khīradhāro narindo

⏑⏑⏑⏑⏑⏑−−−⏑−−⏑−−
nijabhujabalalīlārātidappappamāthī

⏑⏑⏑⏑⏑⏑−−,−⏑−−⏑−−
vibhavajanitamāno yuddhasajjobhigañchi. [284] [4-1]

 

⏑⏑⏑⏑⏑⏑−−,−⏑−−⏑−−    Mālinī
Karivaram-atha disvā so guhādvārayātaṁ

⏑⏑⏑⏑⏑⏑−−,−⏑−−⏑−−
paṭibhayarahitatto sīharājā va rājā

⏑⏑⏑⏑⏑⏑−−−⏑−−⏑−−
nijanagarasamīpāyātam-etaṁ narindaṁ

⏑⏑⏑⏑⏑⏑−−−⏑−−⏑−−
amitabalamamahoghenottharantobhiyāyi. [285] [4-2]

 

⏑⏑⏑⏑⏑⏑−−,−⏑−−⏑−−    Mālinī
Uditabahaladhūlīpāḷiruddhantaḷikkho M. -bahaḷa- and -rundha-.02

⏑⏑⏑⏑⏑⏑−−−⏑−−⏑−−
samadavividhayodhārāvasaṁrambhabhīme

⏑⏑⏑⏑⏑⏑−−−⏑−−⏑−−
nisitasarasatālīvassadhārākarāle< M. -karāḷe-.03

⏑⏑⏑⏑⏑⏑−−,−⏑−−⏑−−
ajini mahati yuddhe Paṇḍuko Khīradhāraṁ. [286] [4-3]

 

⏑⏑⏑⏑⏑⏑−−,−⏑−−⏑−−    Mālinī
Atha narapatiseṭṭho saṅgahetvāna raṭṭhaṁ

⏑⏑⏑⏑⏑⏑−−,−⏑−−⏑−−
nijatanujavarasmiṁ rajjabhāraṁ nidhāya

⏑⏑⏑⏑⏑⏑−−,−⏑−−⏑−−
sugatadasanadhātuṁ sampaṭicchāpayetvā

⏑⏑⏑⏑⏑⏑−,−−⏑−−⏑−−
pahiṇi ca Guhasīvaṁ sakkaritvā saraṭṭhaṁ. [287] [4-4]

 

⏑⏑⏑⏑⏑⏑−−,−⏑−−⏑−−    Mālinī
Suciram-avanipālo saññamaṁ ajjhupeto

⏑⏑⏑⏑⏑⏑−−,−⏑−−⏑−−
vividhavibhavadānā yācake tappayitvā

⏑⏑⏑⏑⏑⏑−−,−⏑−−⏑−−
tidasapurasamājaṁ dehabhedā payāto

⏑⏑⏑⏑⏑⏑−−,−⏑−−⏑−−
kusalaphalam-anappaṁ patthitaṁ paccalattha. [288] [4-5]

 

⏑⏑⏑⏑⏑⏑−−,−⏑−−⏑−−    Mālinī
Narapati Guhasīvo taṁ munindassa dhātuṁ

⏑⏑⏑⏑⏑⏑−−,−⏑−−⏑−−
sakapuram-upanetvā sādhu sammānayanto

⏑⏑⏑⏑⏑⏑−−,−⏑−−⏑−−
sugatigamanamagge pāṇino yojayanto

⏑⏑⏑⏑⏑⏑−−,−⏑−−⏑−−
sucaritam-abhirūpaṁ sañcinanto vihāsi. [289] [4-6]

 

⏑⏑⏑⏑⏑⏑−−−⏑−−⏑−−    Mālinī
Agaṇitamahimass' Ujjenirañño tanūjo

⏑⏑⏑⏑⏑⏑−−−⏑−−⏑−−
purimavayasi yevāraddhasaddhābhiyogo

⏑⏑⏑⏑⏑⏑−−,−⏑−−⏑−−
dasabalatanudhātuṁ pūjituṁ tassa rañño

⏑⏑⏑⏑⏑⏑−−,−⏑−−⏑−−
puravaram-upayāto Dantanāmo kumāro. [290] [4-7]

 

⏑⏑⏑⏑⏑⏑−−,−⏑−−⏑−−    Mālinī
Guṇajanitapasādaṁ taṁ Kaliṅgādhināthaṁ

⏑⏑⏑⏑⏑⏑−−,−⏑−−⏑−−
nikhilaguṇanivāso so kumāro karitvā

⏑⏑⏑⏑⏑⏑−−,−⏑−−⏑−−
vividhamahavidhānaṁ sādhu sampādayanto

⏑⏑⏑⏑⏑⏑−−,−⏑−−⏑−−
avasi sugatadhātuṁ anvahaṁ vandamāno. [291] [4-8]

 

⏑⏑⏑⏑⏑⏑−−−⏑−−⏑−−    Mālinī
Abhavi ca Guhasīvassāvanīsassa dhītā

⏑⏑⏑⏑⏑⏑−−,−⏑−−⏑−−
vikacakuvalayakkhī haṁsakantābhiyātā

⏑⏑⏑⏑⏑⏑−−,−⏑−−⏑−−
vadanajitasarojā hāridhammillabhārā

⏑⏑⏑⏑⏑⏑−−,−⏑−−⏑−−
kucabharanamitaṅgī Hemamālābhidhānā. [292] [4-9]

 

⏑⏑⏑⏑⏑⏑−−,−⏑−−⏑−−    Mālinī
Akhilaguṇanidhānaṁ bandhubhāvānurūpaṁ

⏑⏑⏑⏑⏑⏑−−,−⏑−−⏑−−
suvimalakulajātaṁ taṁ kumāraṁ viditvā

⏑⏑⏑⏑⏑⏑−−,−⏑−−⏑−−
narapati Guhasīvo attano dhītaraṁ taṁ

⏑⏑⏑⏑⏑⏑−−,−⏑−−⏑−−
adadi sabahumānaṁ rājaputtassa tassa. [293] [4-10]

 

⏑⏑⏑⏑⏑⏑−−,−⏑−−⏑−−    Mālinī
Manujapati kumāraṁ dhāturakkhādhikāre

⏑⏑⏑⏑⏑⏑−−,−⏑−−⏑−−
pacuraparijanaṁ taṁ sabbathā yojayitvā

⏑⏑⏑⏑⏑⏑−−−⏑−−⏑−−
gavamahisasahassādīhi sampīṇayitvā

⏑⏑⏑⏑⏑⏑−−,−⏑−−⏑−−
sakavibhavasarikkhe issaratte ṭhapesi. [294] [4-11]

 

⏑⏑⏑⏑⏑⏑−−,−⏑−−⏑−−    Mālinī
Samarabhuvi vinaṭṭhe Khīradhāre narinde

⏑⏑⏑⏑⏑⏑−−,−⏑−−⏑−−
Malayavanam-upetā bhāgineyyā kumārā

⏑⏑⏑⏑⏑⏑−−,−⏑−−⏑−−
pabalam-atimahantaṁ saṁharitvā balaggaṁ

⏑⏑⏑⏑⏑⏑−−,−⏑−−⏑−−
upapuram-upagañchuṁ dhātuyā gaṇhaṇatthaṁ. [295] [4-12]

 

⏑⏑⏑⏑⏑⏑−−,−⏑−−⏑−−    Mālinī
Atha nagarasamīpe te nivesaṁ karitvā

⏑⏑⏑⏑⏑⏑−−,−⏑−−⏑−−
savaṇakaṭukam-etaṁ sāsanaṁ pesayiṁsu

⏑⏑⏑⏑⏑⏑−−,−⏑−−⏑−−
sugatadasanadhātuṁ dehi vā khippam-amhaṁ

⏑⏑⏑⏑⏑⏑−−,−⏑−−⏑−−
yasasirijananiṁ vā kīḷa saṅgāmakeḷiṁ. [296] [4-13]

 

⏑⏑⏑⏑⏑⏑−−,−⏑−−⏑−−    Mālinī
Sapadi dharaṇipālo sāsanaṁ taṁ suṇitvā

⏑⏑⏑⏑⏑⏑−−,−⏑−−⏑−−
avadi rahasi vācaṁ rājaputtassa tassa

⏑⏑⏑⏑⏑⏑−−,−⏑−−⏑−−
na hi sati mama dehe dhātum-aññassa dassaṁ

⏑⏑⏑⏑⏑⏑−−,−⏑−−⏑−−
aham-api yadi jetuṁ neva te sakkuṇeyyaṁ. [297] [4-14]

 

⏑⏑⏑⏑⏑⏑−−,−⏑−−⏑−−    Mālinī
Suranaranamitaṁ taṁ dantadhātuṁ gahetvā

⏑⏑⏑⏑⏑⏑−−,−⏑−−⏑−−
gahitadijavilāso B. here and below 21, 43, dvija- (comp. 18).04 Sīhaḷaṁ yāhi dīpaṁ

⏑⏑⏑⏑⏑⏑−−,−⏑−−⏑−−
iti vacanam-udāraṁ mātulassātha sutvā

⏑⏑⏑⏑⏑⏑−−,−⏑−−⏑−−
tam-avaca Guhasīvaṁ Dantanāmo kumāro. [298] [4-15]

 

⏑⏑⏑⏑⏑⏑−−,−⏑−−⏑−−    Mālinī
Tava ca mama ca ko vā Sīhaḷe bandhubhūto

⏑⏑⏑⏑⏑⏑−−,−⏑−−⏑−−
jinacaraṇasaroje bhattiyutto ca kov vā

⏑⏑−⏑⏑⏑−−,−⏑−−⏑−−
jalanīdhiparatīre Sīhaḷaṁ khuddadesaṁ

⏑⏑⏑⏑⏑⏑−−,−⏑−−⏑−−
katham-aham-atinessaṁ dantadhātuṁ jinassa [299] [4-16]

 

⏑⏑⏑⏑⏑⏑−−,−⏑−−⏑−−    Mālinī
Tam-avadi Guhasīvo bhāgineyyaṁ kumāraṁ

⏑⏑⏑⏑⏑⏑−−,−⏑−−⏑−−
dasabalatanudhātū saṇṭhitā Sīhaḷasmiṁ

⏑⏑⏑⏑⏑⏑−−,−⏑−−⏑−−
bhavabhayahatidakkho vattate satthu dhammo

⏑⏑⏑⏑⏑⏑−−,−⏑−−⏑−−
gaṇanapatham-atītā bhikkhavo cāvasiṁsu. [300] [4-17]

 

⏑⏑⏑⏑⏑⏑−−,−⏑−−⏑−−    Mālinī
Mama ca piyasahāyo so Mahāsenarājā

⏑⏑⏑⏑⏑⏑−−,−⏑−−⏑−−
jinacaraṇa sarojadvandasevābhiyutto

⏑⏑⏑⏑⏑⏑−−,−⏑−−⏑−−
salilam-api ca phuṭṭhaṁ dhātuyā patthayanto

⏑⏑⏑⏑⏑⏑−−,−⏑−−⏑−−
vividharatanajātaṁ pābhataṁ pesayittha. [301] [4-18]

 

⏑⏑⏑⏑⏑⏑−−,−⏑−−⏑−−    Mālinī
Pabhavati manujindo sabbadā buddhimā so

⏑⏑⏑⏑⏑⏑−−,−⏑−−⏑−−
sugatadasanadhātuṁ pūjituṁ pūjaneyyaṁ

⏑⏑⏑⏑⏑⏑−−,−⏑−−⏑−−
paricitavisayamhā vippavutthaṁ bhavantaṁ

⏑⏑⏑⏑⏑⏑−−,−⏑−−⏑−−
vividhavibhavadānā sādhu saṅgaṇhituṁ ca. [302] [4-19]

 

⏑⏑⏑⏑⏑⏑−−,−⏑−−⏑−−    Mālinī
Nijaduhitu patiṁ taṁ ittham-ārādhayitvā

⏑⏑⏑⏑⏑⏑−−,−⏑−−⏑−−
narapati Guhasīvo saṅgahetvāna senaṁ

⏑⏑⏑⏑⏑⏑−−,−⏑−−⏑−−
raṇadharaṇim-upeto so kumārehi saddhiṁ

⏑⏑⏑⏑⏑⏑−−,−⏑−−⏑−−
maraṇaparavasattaṁ ajjhagā yujjhamāno. [303] [4-20]

 

⏑⏑⏑⏑⏑⏑−−,−⏑−−⏑−−    Mālinī
Atha narapatiputto Dantanāmo suṇitvā

⏑⏑⏑⏑⏑⏑−−,−⏑−−⏑−−
savaṇakaṭukam Text: savaṇakaṭukaṁ.05-etaṁ mātulassappavattiṁ

⏑⏑⏑⏑⏑⏑−−,−⏑−−⏑−−
gahitadijavilāso dantadhātuṁ gahetvā

⏑⏑⏑⏑⏑⏑−−,−⏑−−⏑−−
turitaturitabhūto so puramhā palāyi. M. paḷāyi; B. palāyī.06 [304] [4-21]

 

⏑⏑⏑⏑⏑⏑−−,−⏑−−⏑−−    Mālinī
Sarabhasam-upagantvā dakkhiṇaṁ cātha desaṁ

⏑⏑⏑⏑⏑⏑−−,−⏑−−⏑−−
avicalitasabhāvo iddhiyā devatānaṁ

⏑⏑⏑⏑⏑⏑−−,−⏑−−⏑−−
nadim-atimahatiṁ so uttaritvāna puṇṇaṁ

⏑⏑⏑⏑⏑⏑−−,−⏑−−⏑−−
nidahi dasanadhātuṁ vālukārāsimajjhe. [305] [4-22]

 

⏑⏑⏑⏑⏑⏑−−,−⏑−−⏑−−    Mālinī
Puna puram-upagantvā taṁ gahītaññavesaṁ

⏑⏑⏑⏑⏑⏑−−,−⏑−−⏑−−
bhariyam-api gahetvā āgato tattha khippaṁ

⏑⏑⏑⏑⏑⏑−−,−⏑−⏑⏑−−
sugatadasanadhātuṁ vālukāthupakucchiṁ

⏑⏑⏑⏑⏑⏑−−,−⏑−−⏑−−
ṭhapitam-upacaranto acchi gumbantarasmiṁ. [306] [4-23]

 

⏑⏑⏑⏑⏑⏑−−,−⏑−−⏑−−    Mālinī
Sapadi nabhasi thero gacchamāno paneko

⏑⏑⏑⏑⏑⏑−−,−⏑−−⏑−−
vividhakiraṇajālaṁ vālukārāsithūpā

⏑⏑⏑⏑⏑⏑−−,−⏑−−⏑−−
aviralitam M. aviraḷitam.07-udentaṁ dhātuyā tāya disvā

⏑⏑⏑⏑⏑⏑−−,−⏑−−⏑−−
paṇami sugatadhātuṁ otaritvāna tattha. [307] [4-24]

 

⏑⏑⏑⏑⏑⏑−−,−⏑−−⏑−−    Mālinī
Munisutam-atha disvā jampatī te patītā

⏑⏑⏑⏑⏑⏑−−,−⏑−−⏑−−
nijagamanavidhānaṁ sabbam-ārocayiṁsu

⏑⏑⏑⏑⏑⏑−−,−⏑−−⏑−−
dasabalatanujo so dhāturakkhāniyutto

⏑⏑⏑⏑⏑⏑−−,−⏑−−⏑−−
parahitaniratatto te ubho ajjhabhāsi. [308] [4-25]

 

⏑⏑⏑⏑⏑⏑−−,−⏑−−⏑−−    Mālinī
Dasabalatanudhātuṁ Sīhaḷaṁ netha tumhe

⏑⏑⏑⏑⏑⏑−−,−⏑−−⏑−−
agaṇitatanukhedā vītasārajjam-etaṁ

⏑⏑⏑⏑⏑⏑−−,−⏑−−⏑−−
api ca gamanamagge jātamatte vighāte

⏑⏑⏑⏑⏑⏑−−−⏑−−⏑−−
saratha mamam-anekopaddavacchedadakkhaṁ. [309] [4-26]

 

⏑⏑⏑⏑⏑⏑−−,−⏑−−⏑−−    Mālinī
Iti sugatananūjo Text: sugatananujo.08 jampatīnaṁ kathetvā

⏑⏑⏑⏑⏑⏑−−,−⏑−−⏑−−
puna pi tad-anurūpaṁ desayitvāna dhammaṁ

⏑⏑⏑⏑⏑⏑−−,−⏑−−⏑−−
puthutaram-apanetvā sokasallaṁ ca gāḷhaṁ

⏑⏑⏑⏑⏑⏑−−,−⏑−−⏑−−
sakavasatim-upeto antaḷikkhena dhīro. [310] [4-27]

 

⏑⏑⏑⏑⏑⏑−−,−⏑−−⏑−−    Mālinī
Bhujagabhavanavāsī B: -bhuvana-; Text: -vāsi.09 ninnagāyātha tassā

⏑⏑⏑⏑⏑⏑−−,−⏑−−⏑−−
bhujagapati mahiddhī Paṇḍubhārābhidhāno

⏑⏑⏑⏑⏑⏑−−,−⏑−−⏑−−
sakapurapavaramhā nikkhamitvā caranto

⏑⏑⏑⏑⏑⏑−−,−⏑−−⏑−−
samupagami tadā taṁ ṭhānam-icchāvasena. [311] [4-28]

 

⏑⏑⏑⏑⏑⏑−−,−⏑−−⏑−−    Mālinī
Vimalapulinathūpā so samuggacchamānaṁ

⏑⏑⏑⏑⏑⏑−−−⏑−−⏑−−
sasiruciramarīcijjālam B: -marīci-jālam.10-ālokayitvā

⏑⏑⏑⏑⏑⏑−−,−⏑−⏑⏑−−
ṭhitam-atha munidhātuṁ vālukārasigabbhe

⏑⏑⏑⏑⏑⏑−−,−⏑−−⏑−−
kim-idam-iti sakaṅkhaṁ pekkhamāno avedi. [312] [4-29]

 

⏑⏑⏑⏑⏑⏑−−,−⏑−−⏑−−    Mālinī
Sapadi sabahumāno so asandissamāno

⏑⏑⏑⏑⏑⏑−−,−⏑−−⏑−−
ratanamayakaraṇḍaṁ dhātuyuttaṁ gilitvā

⏑⏑⏑⏑⏑⏑−−,−⏑−−⏑−−
vitataputhuladeho bhogamālāhi tuṅgaṁ

⏑⏑⏑⏑⏑⏑−−,−⏑−−⏑−−
kanakasikharirājaṁ veṭhayitvā sayittha. [313] [4-30]

 

⏑⏑⏑⏑⏑⏑−−,−⏑−−⏑−−    Mālinī
Salilanidhisamīpaṁ jampatī gantukāmā

⏑⏑⏑⏑⏑⏑−−,−⏑−−⏑−−
pulinatalagataṁ taṁ dantadhātuṁ adisvā

⏑⏑⏑⏑⏑⏑−−,−⏑−−⏑−−
nayanasaliladhāraṁ sokajātaṁ kirantā

⏑⏑⏑⏑⏑⏑−−,−⏑−−⏑−−
sugatasutavaraṁ taṁ taṅkhaṇenussariṁsu. [314] [4-31]

 

⏑⏑⏑⏑⏑⏑−−,−⏑−−⏑−−    Mālinī
Atha sugatasuto so cintitaṁ saṁviditvā

⏑⏑⏑⏑⏑⏑−−,−⏑−−⏑−−
agami savidham-esaṁ sokadīnānanānaṁ

⏑⏑⏑⏑⏑⏑−−,−⏑−−⏑−−
asuṇi ca jinadhātuṁ vālukārāsimajjhe

⏑⏑⏑⏑⏑⏑−−,−⏑−−⏑−−
nihitam-api adiṭṭhaṁ pūjitaṁ jampatīhi. [315] [4-32]

 

⏑⏑⏑⏑⏑⏑−−,−⏑−−⏑−−    Mālinī
Sayitam-atha yatī so dibbacakkhuppabhāvā

⏑⏑⏑⏑⏑⏑−−,−⏑−−⏑−−
ratanagirinikuñje nāgarājaṁ apassi

⏑⏑⏑⏑⏑⏑−−,−⏑−−⏑−−
vihagapatisarīraṁ māpayī tam B: taṁ muhutte.11-muhutte

⏑⏑⏑⏑⏑⏑−−−⏑−−⏑−−
vitataputhulapakkhenantaḷikkhaṁ thakentaṁ. [316] [4-33]

 

⏑⏑⏑⏑⏑⏑−−,−⏑−−⏑−−    Mālinī
Jaladhim-atigabhīraṁ taṁ dvidhā so karitvā

⏑⏑⏑⏑⏑⏑−−−⏑−−⏑−−
pabalapavanavegenattano pakkhajena

⏑⏑⏑⏑⏑⏑−−,−⏑−−⏑−−
sarabhasam-ahidhāvaṁ bhīmasaṁrambhayogā

⏑⏑⏑⏑⏑⏑−−,−⏑−−⏑−−
abhigami bhujagindaṁ Merupāde nipannaṁ. [317] [4-34]

 

⏑⏑⏑⏑⏑⏑−−,−⏑−−⏑−−    Mālinī
Jahitabhujagaveso taṅkhaṇe B. (here and at 31 and 52) taṁ khaṇe.12 so phaṇindo

⏑⏑⏑⏑⏑⏑−−,−⏑−−⏑−−
paṭibhayacakitatto saṁkhipitvāna bhogo

⏑⏑⏑⏑⏑⏑−−,−⏑−−⏑−−
sarabhasam-upagantvā tassa pāde namitvā

⏑⏑⏑⏑⏑⏑−−,−⏑−−⏑−−
vinayamadhuram Text: viṅaya-.13-itthaṁ taṁ munīsaṁ avoca. [318] [4-35]

 

⏑⏑⏑⏑⏑⏑−−,−⏑−−⏑−−    Mālinī
Sakalajanahitatthaṁ eva jāyanti buddhā

⏑⏑⏑⏑⏑⏑−−,−⏑−−⏑−−
bhavati janahitatthaṁ dhātumattassa pūjā

⏑⏑⏑⏑⏑⏑−−,−⏑−−⏑−−
aham-api jinadhātuṁ pūjayitvā mahagghaṁ

⏑⏑⏑⏑⏑⏑−−,−⏑−−⏑−−
kusalaphalam-anappaṁ sañcinissan M. sañciṇissan.14-ti gaṇhiṁ. [319] [4-36]

 

⏑⏑⏑⏑⏑⏑−−,−⏑−−⏑−−    Mālinī
Atha manujagaṇānaṁ saccabodhārahānaṁ

⏑⏑⏑⏑⏑⏑−−,−⏑−−⏑−−
vasatibhavanam-esā nīyate Sīhaḷaṁ taṁ

⏑⏑⏑⏑⏑⏑−−,−⏑−−⏑−−
munivaratanudhātuṁ tena dehīti vutto

⏑⏑⏑⏑⏑⏑−−,−⏑−−⏑−−
bhujagapati karaṇḍaṁ dhātugabbhaṁ adajji. [320] [4-37]

 

⏑⏑⏑⏑⏑⏑−−,−⏑−−⏑−−    Mālinī
Vihagapatitanuṁ taṁ saṁharitvāna thero

⏑⏑⏑⏑⏑⏑−−,−⏑−−⏑−−
jalacarasatabhīmā aṇṇavā uppatitvā

⏑⏑⏑⏑⏑⏑−−,−⏑−−⏑−−
sakalapaṭhavicakke rajjalakkhiṁ va dhātuṁ

⏑⏑⏑⏑⏑⏑−−,−⏑−−⏑−−
narapatitanujānaṁ jampatīnaṁ adāsi. [321] [4-38]

 

⏑⏑⏑⏑⏑⏑−−,−⏑−−⏑−−    Mālinī
Iti katabahukāre saṁyaminde payāte

⏑⏑⏑⏑⏑⏑−−,−⏑−−⏑−−
sugatadasanadhātuṁ muddhanā ubbahantā

⏑⏑⏑⏑⏑⏑−−−⏑−−⏑−−
mahati vipinadevādīhi magge payutte

⏑⏑⏑⏑⏑⏑−−,−⏑−−⏑−−
vividhamahavidhāne te tato nikkhamiṁsu [322] [4-39]

 

⏑⏑⏑⏑⏑⏑−−,−⏑−−⏑−−    Mālinī
Mudusurabhisamīro kaṇṭakādivyapeto

⏑⏑⏑⏑⏑⏑−−,−−−−⏑−−
vimalapulinahārī āsī sabbattha maggo

⏑⏑⏑⏑⏑⏑−−,−⏑−−⏑−−
ayanam-upagate te dantadhātuppabhāvā

⏑⏑⏑⏑⏑⏑−−,−⏑−−⏑−−
nigamanagaravāsī sādhu sammānayiṁsu. [323] [4-40]

 

⏑⏑⏑⏑⏑⏑−−,−⏑−−⏑−−    Mālinī
Kusumasurabhicuṇṇākiṇṇahatthāhi niccaṁ

⏑⏑⏑⏑⏑⏑−−,−⏑−−⏑−−
sakutukam-anuyātā kānane devatāhi

⏑⏑⏑⏑⏑⏑−−,−⏑−−⏑−−
acalagahanaduggaṁ B. M. -gahaṇa-.15 khepayitvāna maggaṁ

⏑⏑⏑⏑⏑⏑−−,−⏑−−⏑−−
agamum-aturitā te paṭṭanaṁ Tāmalittiṁ. [324] [4-41]

 

⏑⏑⏑⏑⏑⏑−−,−⏑−−⏑−−    Mālinī
Acalapadarabaddhaṁ suṭṭhitodārakūpaṁ

⏑⏑⏑⏑⏑⏑−−,−⏑−−⏑−−
uditaputhulakāraṁ dakkhaniyyāmakaṁ ca

⏑⏑⏑⏑⏑⏑−−,−⏑−−⏑−−
sayamabhimata-Laṅkāgāminiṁ nāvam-ete

⏑⏑⏑⏑⏑⏑−−,−⏑−−⏑−−
sapadi samuparūḷhaṁ addasuṁ vāṇijehi. [325] [4-42]

 

⏑⏑⏑⏑⏑⏑−−,−⏑−−⏑−−    Mālinī
Atha dijapavarā te Sīhaḷaṁ gantum-icchaṁ

⏑⏑⏑⏑⏑⏑−−,−⏑−−⏑−−
sarabhasam-upagantvā nāvikassāvadiṁsu

⏑⏑⏑⏑⏑⏑−−,−⏑−−⏑−−
sutisukhavacasā so sādhu vuttena cesaṁ M. c' esaṁ.16

⏑⏑⏑⏑⏑⏑−−,−⏑−−⏑−−
pamuditahadayo te nāvam-āropayittha. [326] [4-43]

 

⏑⏑⏑⏑⏑⏑−−−⏑−−⏑−−    Mālinī
Jalanidhim-abhirūḷhesvesu ādāya dhātuṁ

⏑⏑⏑⏑⏑⏑−−,−⏑−−⏑−−
samabhavum-upasantā lolakallolamālā

⏑⏑⏑⏑⏑⏑−−,−⏑−−⏑−−
samasurabhimanuñño uttaro vāyi vāto

⏑⏑⏑⏑⏑⏑−−,−⏑−−⏑−−
vimalarucirasobhā sabbathāsuṁ disā pi. [327] [4-44]

 

⏑⏑⏑⏑⏑⏑−−,−⏑−−⏑−−    Mālinī
Nabhasi asitasobhe Venateyyo va nāvā

⏑⏑⏑⏑⏑⏑−−,−⏑−−⏑−−
pabalapavanavegā sattataṁ dhāvamānā

⏑⏑⏑⏑⏑⏑−−−⏑−−⏑−−
nayanavisayabhāvātītatīrācalādiṁ

⏑⏑⏑⏑⏑⏑−−,−⏑−−⏑−−
pavisi jaladhimajjhaṁ pheṇapupphābhikiṇṇaṁ. Text: phena-.17 [328] [4-45]

 

⏑⏑⏑⏑⏑⏑−−,−⏑−−⏑−−    Mālinī
Atha abhavi samuddo bhīmasaṁvaṭṭavātā-

⏑⏑⏑⏑⏑⏑−−−⏑−−⏑−−
bhihatasikharikūṭākāravīcippabandho

⏑⏑⏑⏑⏑⏑−−−⏑−−⏑−−
savaṇabhiduraghorārāvarundhantaḷikkho

⏑⏑⏑⏑⏑⏑−−−⏑−−⏑−−
bhayacakitamanussakkandito sabbarattiṁ. [329] [4-46]

 

⏑⏑⏑⏑⏑⏑−−,−⏑−−⏑−−    Mālinī
Udayasikharisīsaṁ nūtanādiccabimbe

⏑⏑⏑⏑⏑⏑−−,−⏑−−⏑−−
upagatavati tassā rattiyā accayamhi

⏑⏑⏑⏑⏑⏑−−,−⏑−−⏑−−
salilanidhijalaṁ taṁ santakallolamālaṁ

⏑⏑⏑⏑⏑⏑−−,−⏑−−⏑−−
asitamaṇivicittaṁ koṭṭimaṁ vāvabhāsi. [330] [4-47]

 

⏑⏑⏑⏑⏑⏑−−−⏑−−⏑−−    Mālinī
Atha vitataphaṇālībhiṁsanā keci nāgā

⏑⏑⏑⏑⏑⏑−−,−⏑−−⏑−−
surabhikusumahatthā keci dibbattabhāvā

⏑⏑⏑⏑⏑⏑−−,−⏑−−⏑−−
ruciramaṇipadīpe keci sandhārayantā Text: sandhārāyantā.18

⏑⏑⏑⏑⏑⏑−−,−⏑−−⏑−−
nijasirasi karontā keci kaṇḍuppalāni. [331] [4-48]

 

⏑⏑⏑⏑⏑⏑−−,−⏑−−⏑−−    Mālinī
Phuṭakumudakalāpe jattuneke vahantā

⏑⏑⏑⏑⏑⏑−−,−⏑−−⏑−−
kanakakalasamālā ukkhipantā ca keci

⏑⏑⏑⏑⏑⏑−−−⏑−−⏑−−
pavanacalitaketuggāhakā keci eke

⏑⏑⏑⏑⏑⏑−−,−⏑−−⏑−−
rucirakanakacuṇṇāpuṇṇacaṅgoṭahatthā. [332] [4-49]

 

⏑⏑⏑⏑⏑⏑−−,−⏑−−⏑−−    Mālinī
Salalitaramaṇīyaṁ B. -laḷita-.19 keci naccaṁ karontā

⏑⏑⏑⏑⏑⏑−−,−⏑−−⏑−−
salayamadhuragītaṁ gāyamānā va keci

⏑⏑⏑⏑⏑⏑−−,−⏑−−⏑−−
pacuraturiyabhaṇḍe āhanantā ca M. va.20 eke

⏑⏑⏑⏑⏑⏑−−,−⏑−−⏑−−
munivaratanudhātuṁ pūjituṁ uṭṭhahiṁsu. [333] [4-50]

 

⏑⏑⏑⏑⏑⏑−−,−⏑−−⏑−−    Mālinī
Rucirakacakalāpā rājakaññāya tassā

⏑⏑⏑⏑⏑⏑−−,−⏑−−⏑−−
munivaradasanaṁ taṁ ambaraṁ uppatitvā

⏑⏑⏑⏑⏑⏑−−−⏑−−⏑−−
asitajaladagabbhā niggate vindulekhā

⏑⏑⏑⏑⏑⏑−−,−⏑−−⏑−−
ujurajatasalākāsannibhe muñci raṁsī. [334] [4-51]

 

⏑⏑⏑⏑⏑⏑−−,−⏑−−⏑−−    Mālinī
Atulitam-anubhāvaṁ dhātuyā pekkhataṁ taṁ

⏑⏑⏑⏑⏑⏑−−,−⏑−−⏑−−
pamuditahadayānaṁ taṅkhaṇe pannagānaṁ

⏑⏑⏑⏑⏑⏑−−,−⏑−−⏑−−
paṭiravaharitānaṁ sādhuvādādikānaṁ

⏑⏑⏑⏑⏑⏑−−,−⏑−−⏑−−
gaganam-apariyantaṁ vāsi vitthāritānaṁ. [335] [4-52]

 

⏑⏑⏑⏑⏑⏑−−,−⏑−−⏑−−    Mālinī
Pavisi sugatadāṭhādhātu sā moḷigabbhaṁ B. moli-.21

⏑⏑⏑⏑⏑⏑−−,−⏑−−⏑−−
puna gaganatalamhā otaritvāna tassā

⏑⏑⏑⏑⏑⏑−−,−⏑−−⏑−−
phaṇadharanivahā te taṁ tariṁ vārayitvā

⏑⏑⏑⏑⏑⏑−−,−⏑−−⏑−−
maham-akarum-udāraṁ sattarattindivamhi. [336] [4-53]

 

⏑⏑⏑⏑⏑⏑−−,−⏑−−⏑−−    Mālinī
Acalam-iva vimānaṁ antaḷikkhamhi nāvaṁ

⏑⏑⏑⏑⏑⏑−−−⏑−−⏑−−
gativirahitam-ambhorāsimajjhamhi disvā

⏑⏑⏑⏑⏑⏑−−,−⏑−−⏑−−
bhayavilulitacittā jampatī te samaggā

⏑⏑⏑⏑⏑⏑−−,−⏑−−⏑−−
dasabalatanujaṁ taṁ iddhimantaṁ sariṁsu. [337] [4-54]

 

⏑⏑⏑⏑⏑⏑−−,−⏑−−⏑−−    Mālinī
Sapadi munisuto so cittam-esaṁ viditvā

⏑⏑⏑⏑⏑⏑−−,−⏑−−⏑−−
nabhasi jaladharālī maddamānobhigantvā

⏑⏑⏑⏑⏑⏑−−,−⏑−−⏑−−
vihagapatisarīraṁ māpayitvā mahantaṁ

⏑⏑⏑⏑⏑⏑−−,−⏑−−⏑−−
bhayacakitabhujaṅge te palāpesi M. paḷāpesi.22 khippaṁ. [338] [4-55]

 

−−−⏑⏑−⏑−⏑⏑⏑−,−−⏑−−⏑−    Saddūlavikkīḷita
Itthaṁ buddhisute bhujaṅgajanitaṁ bhītiṁ sametvā gate

−−−⏑⏑−⏑−⏑⏑⏑−,−−⏑−−⏑−
sā nāvā pavanā pakampitadhajā tuṅgaṁ taraṅgāvaliṁ

−−−⏑⏑−⏑−⏑⏑⏑−,−−⏑−−⏑−
bhindantī gativegasā puthutaraṁ meghāvalīsannibhaṁ

−−−⏑⏑−⏑−⏑⏑⏑−,−−⏑−−⏑−
Laṅkāpaṭṭanam-otarittha sahasā therassa tassiddhiyā. [339] [4-56]

 

Catuttho Paricchedo