Dathavamsa 5

−−⏑−¦⏑⏑⏑−⏑⏑¦−⏑−⏑ Vasantatilakā
Saṁvaccharamhi navamamhi Mahādisena-

−−⏑−¦⏑⏑⏑−⏑⏑¦−⏑−−
puttassa Kittisirimeghanarādhipassa

−−⏑−¦⏑⏑⏑−⏑⏑¦−⏑−−
te jampatī tam-atha paṭṭanam-otaritvā

−−⏑−¦⏑⏑⏑−⏑⏑¦−⏑−−
devālaye paṭivasiṁsu manobhirāme. [340] [5-1]

−−⏑−¦⏑⏑⏑−⏑⏑¦−⏑−− Vasantatilakā
Disvāna te dvijavaro pathike nisāyaṁ

−−⏑−¦⏑⏑⏑−⏑⏑¦−⏑−−
santappayittha madhurāsanapānakehi

−−⏑−¦⏑⏑⏑−⏑⏑¦−⏑−−
rattikkhaye ca Anurādhapurassa maggaṁ

−−⏑−¦⏑⏑⏑−⏑⏑¦−⏑−−
jāyāpatīnam-atha so abhivedayittha. [341] [5-2]

−−⏑−¦⏑⏑⏑−⏑⏑¦−⏑−− Vasantatilakā
Ādāya te dasanadhātuvaraṁ jinassa

−−⏑−¦⏑⏑⏑−⏑⏑¦−⏑−−
sammānitā dvijavarenatha paṭṭanamhā

−−⏑−¦⏑⏑⏑−⏑⏑¦−⏑−−
nikkhamma dūrataramaggam Text: dūrataram-maggam.⁰¹-atikkamitvā

−−⏑−¦⏑⏑⏑−⏑⏑¦−⏑−−
padvāragāmam-Anurādhapurassa gañchuṁ. [342] [5-3]

−−⏑−¦⏑⏑⏑−⏑⏑¦−⏑−− Vasantatilakā
Yaṁ dhammikaṁ naravaraṁ abhitakkayitvā

−−⏑−¦⏑⏑⏑−⏑⏑¦−⏑−−
jāyāpatī visayam-etam-upāgamiṁsu

−−⏑−¦⏑⏑⏑−⏑⏑¦−⏑−⏑
taṁ vyādhinā samuditena Mahādisena-

−−⏑−¦⏑⏑⏑−⏑⏑¦−⏑−−
Laṅkissaraṁ sucirakālakataṁ suṇiṁsu. [343] [5-4]

−−⏑−¦⏑⏑⏑−⏑⏑¦−⏑−− Vasantatilakā
Sokena te sikharineva samuggatena

−−⏑−¦⏑⏑⏑−⏑⏑¦−⏑−−
ajjhotthaṭā bahutaraṁ vilapiṁsu mūḷhā

−−⏑−¦⏑⏑⏑−⏑⏑¦−⏑−−
kāyiṁsu tesam-atha mucchitamānasānaṁ

−−⏑−¦⏑⏑⏑−⏑⏑¦−⏑−−
sabbā disā ca vidisā ca ghanandhakārā. [344] [5-5]

−−⏑−¦⏑⏑⏑−⏑⏑¦−⏑−− Vasantatilakā
Sutvāna Kittisirimegha-narādhipassa

−−⏑−¦⏑⏑⏑−⏑⏑¦−⏑−−
rajje ṭhitassa ratanattayamāmakattaṁ

−−⏑−¦⏑⏑⏑−⏑⏑¦−⏑−−
vassena nibbutamahādahanā va kacchā

−−⏑−¦⏑⏑⏑−⏑⏑¦−⏑−−
te jampatī samabhavuṁ hatasokatāpā. [345] [5-6]

−−⏑−¦⏑⏑⏑−⏑⏑¦−⏑−− Vasantatilakā
Sutvāna Meghagiri-nāma mahāvihāre

−−⏑−¦⏑⏑⏑−⏑⏑¦−⏑−−
bhikkhussa kassaci narādhipavallabhattaṁ

−−⏑−¦⏑⏑⏑−⏑⏑¦−⏑−−
tassantikaṁ samupagamma katātitheyyā

−−⏑−¦⏑⏑⏑−⏑⏑¦−⏑−−
dhātuppavattim-avadiṁsu ubho samecca. [346] [5-7]

−−⏑−¦⏑⏑⏑−⏑⏑¦−⏑−− Vasantatilakā
Sutvāna so munivaro dasanappavattiṁ

−−⏑−¦⏑⏑⏑−⏑⏑¦−⏑−−
haṭṭho yathāmatarasenabhisittagatto

−−⏑−¦⏑⏑⏑−⏑⏑¦−⏑−−
gehe sake sapadi paṭṭavitānakehi

−−⏑−¦⏑⏑⏑−⏑⏑¦−⏑−−
vaḍḍhesi dhātum-amalaṁ samalaṅkatamhi. [347] [5-8]

−−⏑−¦⏑⏑⏑−⏑⏑¦−⏑−− Vasantatilakā
Tesaṁ ca jānipatikānam-ubhinnam-eso

−−⏑−¦⏑⏑⏑−⏑⏑¦−⏑−−
katvāna saṅgaham-uḷārataraṁ yathicchaṁ

−−⏑−¦⏑⏑⏑−⏑⏑¦−⏑−−
vuttantam-etam-abhivedayituṁ pasatthaṁ

−−⏑−¦⏑⏑⏑−⏑⏑¦−⏑−−
Laṅkādhipassa savidhaṁ pahiṇittha bhikkhuṁ. [348] [5-9]

−−⏑−¦⏑⏑⏑−⏑⏑¦−⏑−− Vasantatilakā
Rājā vasantasamaye sahakāminīhi

−−⏑−¦⏑⏑⏑−⏑⏑¦−⏑−−
uyyānakeḷisukham-ekadinenubhonto

−−⏑−¦⏑⏑⏑−⏑⏑¦−⏑−−
āgacchamānam-atha tattha sudūrato ca

−−⏑−¦⏑⏑⏑−⏑⏑¦−⏑−−
taṁ vippasannamukhavaṇṇam-apassi bhikkhuṁ. [349] [5-10]

−−⏑−¦⏑⏑⏑−⏑⏑¦−⏑−− Vasantatilakā
So saṁyamī samupagamma narādhipaṁ taṁ

−−⏑−¦⏑⏑⏑−⏑⏑¦−⏑−−
vuttantam-etam-abhivedayi tuṭṭhacitto

−−⏑−¦⏑⏑⏑−⏑⏑¦−⏑−−
sutvāna taṁ paramapītibharaṁ vahanto

−−⏑−¦⏑⏑⏑−⏑⏑¦−⏑−−
sampattacakkaratano va ahosi rājā. [350] [5-11]

−−⏑−¦⏑⏑⏑−⏑⏑¦−⏑−⏑ Vasantatilakā
Laṅkissaro dvijavarā jinadantadhātum-

−−⏑−¦⏑⏑⏑−⏑⏑¦−⏑−−
ādāya jānipatayo ubhaye B. ubhayo.⁰² samecca

−−⏑−¦⏑⏑⏑−⏑⏑¦−⏑−−
essanti Laṅkam-acirena itīritaṁ taṁ

−−⏑−¦⏑⏑⏑−⏑⏑¦−⏑−−
nemittikassa vacanaṁ ca tathaṁ amaññi. [351] [5-12]

−−⏑−¦⏑⏑⏑−⏑⏑¦−⏑−− Vasantatilakā
Rājā tato mahatiyā parisāya saddhiṁ

−−⏑−¦⏑⏑⏑−⏑⏑¦−⏑−−
tassānurādhanagarassa puruttarāya Text: puruttārāya.⁰³

−−⏑−¦⏑⏑⏑−⏑⏑¦−⏑−−
āsāya taṁ sapadi Meghagiriṁ vihāraṁ

−−⏑−¦⏑⏑⏑−⏑⏑¦−⏑−−
saddho agañchi padasā va pasannacitto. [352] [5-13]

−−⏑−¦⏑⏑⏑−⏑⏑¦−⏑−− Vasantatilakā
Disvā tato sugatadhātum-alabbhaneyyaṁ

−−⏑−¦⏑⏑⏑−⏑⏑¦−⏑−−
ānandajassunivahehi ca tārahāraṁ

−−⏑−¦⏑⏑⏑−⏑⏑¦−⏑−−
siñcaṁ vidhāya paṇidhiṁ bahumānapubbaṁ

−−⏑−¦⏑⏑⏑−⏑⏑¦−⏑−−
romañcakañcukadharo iti cintayittha. [353] [5-14]

−−⏑−¦⏑⏑⏑−⏑⏑¦−⏑−− Vasantatilakā
Sohaṁ anekaratanujjalamoḷidhāriṁ

−−⏑−¦⏑⏑⏑−⏑⏑¦−⏑−−
pūjeyyam-ajja yadi duccajam-uttamaṅgaṁ

−−⏑−¦⏑⏑⏑−⏑⏑¦−⏑−−
lokattayekasaraṇassa Tathāgatassa

−−⏑−¦⏑⏑⏑−⏑⏑¦−⏑−−
no dhātuyā maham-anucchavikaṁ kareyyaṁ. [354] [5-15]

−−⏑−¦⏑⏑⏑−⏑⏑¦−⏑−− Vasantatilakā
Etaṁ pahūtaratanaṁ sadhanaṁ sabhoggaṁ

−−⏑−¦⏑⏑⏑−⏑⏑¦−⏑−−
sampūjayaṁ api dharāvalayaṁ asesaṁ

−−⏑−¦⏑⏑⏑−⏑⏑¦−⏑−−
pūjaṁ karomi tadanucchavikaṁ ahaṁ ti

−−⏑−¦⏑⏑⏑−⏑⏑¦−⏑−−
cinteyya ko hi bhuvanesu amūḷhacitto. [355] [5-16]

−−⏑−¦⏑⏑⏑−⏑⏑¦−⏑−− Vasantatilakā
Laṅkādhipaccam-idam-appataraṁ mamāsi

−−⏑−¦⏑⏑⏑−⏑⏑¦−⏑−−
buddho guṇehi vividhehi pamāṇasuñño

−−⏑−¦⏑⏑⏑−⏑⏑¦−⏑−−
sohaṁ parittavibhavo tibhavekanāthaṁ

−−⏑−¦⏑⏑⏑−⏑⏑¦−⏑−−
taṁ tādisaṁ dasabalaṁ katham-accayissaṁ. [356] [5-17]

−−⏑−¦⏑⏑⏑−⏑⏑¦−⏑−− Vasantatilakā
Itthaṁ punappuna tad-eva vicintayanto

−−⏑−¦⏑⏑⏑−⏑⏑¦−⏑−−
āpajji so dhitiyuto pi visaññibhāvaṁ

−−⏑−¦⏑⏑⏑−⏑⏑¦−⏑−−
saṁvījito sapadi cāmaramārutena

−−⏑−¦⏑⏑⏑−⏑⏑¦−⏑−−
khinnena sevakajanena alattha saññaṁ. [357] [5-18]

−−⏑−¦⏑⏑⏑−⏑⏑¦−⏑−− Vasantatilakā
Thokam-pi bījam-athavā abhiropayantā

−−⏑−¦⏑⏑⏑−⏑⏑¦−⏑−−
medhāvino mahatiyā pi masundharāya

−−⏑−¦⏑⏑⏑−⏑⏑¦−⏑−−
kālenapattatacapupphaphalādikāni

−−⏑−¦⏑⏑⏑−⏑⏑¦−⏑−−
vindanti patthitaphalāni anappakāni. [358] [5-19]

−−⏑−¦⏑⏑⏑−⏑⏑¦−⏑−− Vasantatilakā
Evaṁ guṇehi vividhehi pi appameyye

−−⏑−¦⏑⏑⏑−⏑⏑¦−⏑−−
dhammissaramhi maham-appataram-pi katvā

−−⏑−¦⏑⏑⏑−⏑⏑¦−⏑−−
kālaccayena pariṇāmavisesarammaṁ

−−⏑−¦⏑⏑⏑−⏑⏑¦−⏑−−
saggāpavaggasukham-appaṭimaṁ labhissaṁ. [359] [5-20]

−−⏑−¦⏑⏑⏑−⏑⏑¦−⏑−⏑ Vasantatilakā
Itthaṁ vicintiya pamodabharātireka-

−−⏑−¦⏑⏑⏑−⏑⏑¦−⏑−−
sampuṇṇacandimasarikkhamukho narindo

−−⏑−¦⏑⏑⏑−⏑⏑¦−⏑−−
sabbaññuno dasanadhātuvarassa tassa

−−⏑−¦⏑⏑⏑−⏑⏑¦−⏑−−
pūjesi sabbam-api Sīhaḷadīpam-etaṁ. [360] [5-21]

−−⏑−¦⏑⏑⏑−⏑⏑¦−⏑−− Vasantatilakā
Bhikkhū pi tepiṭakajātakabhāṇakādī B. -bhāṇakādi.⁰⁴

−−⏑−¦⏑⏑⏑−⏑⏑¦−⏑−−
takkāgamādikusalā api buddhimanto

−−⏑−¦⏑⏑⏑−⏑⏑¦−⏑−−
vatthuttayekasaraṇā api poravaggā

−−⏑−¦⏑⏑⏑−⏑⏑¦−⏑−−
kotūhalā sapadi sannipatiṁsu tattha. [361] [5-22]

−−⏑−¦⏑⏑⏑−⏑⏑¦−⏑−− Vasantatilakā
Rājā tato mahatiyā parisāya majjhe

−−⏑−¦⏑⏑⏑−⏑⏑¦−⏑−−
icc-abravī M. abruvī.⁰⁵munivaro hi susukkadāṭho

−−⏑−¦⏑⏑⏑−⏑⏑¦−⏑−−
dāṭhā jinassa yadi osadhitārakā va

−−⏑−¦⏑⏑⏑−⏑⏑¦−⏑−−
setā bhaveyya kim-ayaṁ malināvabhāsā. [362] [5-23]

−−⏑−¦⏑⏑⏑−⏑⏑¦−⏑−− Vasantatilakā
Tasmiṁ khaṇe dasanadhātu munissarassa

−−⏑−¦⏑⏑⏑−⏑⏑¦−⏑−−
pakkhe pasāriya duve viya rājahaṁsī

−−⏑−¦⏑⏑⏑−⏑⏑¦−⏑−−
vitthāritaṁsunivahā gaganaṅganamhi

−−⏑−¦⏑⏑⏑−⏑⏑¦−⏑−−
āvaṭṭato javi javena muhuttamattaṁ. [363] [5-24]

−−⏑−¦⏑⏑⏑−⏑⏑¦−⏑−− Vasantatilakā
Paccaggham-attharaṇakaṁ sitam-attharitvā

−−⏑−¦⏑⏑⏑−⏑⏑¦−⏑−−
bhaddāsanamhi vinidhāya munindadhātuṁ

−−⏑−¦⏑⏑⏑−⏑⏑¦−⏑−−
taṁ jātipupphanikarena thakesi rājā

−−⏑−¦⏑⏑⏑−⏑⏑¦−⏑−−
vassaccayambudharakūṭasamappabhena. [364] [5-25]

−−⏑−¦⏑⏑⏑−⏑⏑¦−⏑−− Vasantatilakā
Uggamma khippam-atha dhātu munissarassa

−−⏑−¦⏑⏑⏑−⏑⏑¦−⏑−−
sā puppharāsisikharamhi patiṭṭhahitvā

−−⏑−¦⏑⏑⏑−⏑⏑¦−⏑−−
raṁsīhi duddhadhavalehi virocamānā

−−⏑−¦⏑⏑⏑−⏑⏑¦−⏑−−
sampassataṁ animise nayane akāsi. [365] [5-26]

−−⏑−¦⏑⏑⏑−⏑⏑¦−⏑−− Vasantatilakā
Taṁ dhātum-āsanagatamhi patiṭṭhapetvā

−−⏑−¦⏑⏑⏑−⏑⏑¦−⏑⏑−
khīrodapheṇapaṭalappaṭime dukule

−−⏑−¦⏑⏑⏑−⏑⏑¦−⏑−−
chādesi sāṭakasatehi mahārahehi

−−⏑−¦⏑⏑⏑−⏑⏑¦−⏑−−
bhiyyo pi so upaparikkhitukāmatāya. [366] [5-27]

−−⏑−¦⏑⏑⏑−⏑⏑¦−⏑−− Vasantatilakā
Abbhuggatā sapadi vatthasatāni bhetvā

−−⏑−¦⏑⏑⏑−⏑⏑¦−⏑−−
setambudodaraviniggatacandimā va

−−⏑−¦⏑⏑⏑−⏑⏑¦−⏑−−
ṭhatvāna sā upari tesam-abhāsayittha

−−⏑−¦⏑⏑⏑−⏑⏑¦−⏑−−
raṁsīhi kundavisadehi disā samantā. [367] [5-28]

−−⏑−¦⏑⏑⏑−⏑⏑¦−⏑−− Vasantatilakā
Tasmiṁ khaṇe vasumatī saha bhūdharehi

−−⏑−¦⏑⏑⏑−⏑⏑¦−⏑−−
gajjittha sādhuvacanaṁ va samuggirantī

−−⏑−¦⏑⏑⏑−⏑⏑¦−⏑−−
taṁ abbhutaṁ viya samekkhitum-amburāsi

−−⏑−¦⏑⏑⏑−⏑⏑¦−⏑−−
so niccalo abhavi santataraṅgabāhu. [368] [5-29]

−−⏑−¦⏑⏑⏑−⏑⏑¦−⏑−− Vasantatilakā
Mattebhakampitasupupphitasālato va

−−⏑−¦⏑⏑⏑−⏑⏑¦−⏑−−
bhassiṁsu dibbakusumāni pi antaḷikkhā

−−⏑−¦⏑⏑⏑−⏑⏑¦−⏑−−
naccesu cāturiyam-acchariyaṁ janassa

−−⏑−¦⏑⏑⏑−⏑⏑¦−⏑−−
sandassayiṁsu gagane surasundarī pi. [369] [5-30]

−−⏑−¦⏑⏑⏑−⏑⏑¦−⏑−− Vasantatilakā
Ānandasañjanitatāraravābhirāmaṁ

−−⏑−¦⏑⏑⏑−⏑⏑¦−⏑−−
gāyiṁsu gītam-amatāsanagāyakā pi

−−⏑−¦⏑⏑⏑−⏑⏑¦−⏑−−
muñciṁsu dibbaturiyāni pi vāditāni

−−⏑−¦⏑⏑⏑−⏑⏑¦−⏑−−
gambhīram-uccamadhuraṁ diguṇaṁ ninādaṁ. [370] [5-31]

−−⏑−¦⏑⏑⏑−⏑⏑¦−⏑−− Vasantatilakā
Saṁsibbitaṁ rajatarajjusatānukārī B. anusārī.⁰⁶-

−−⏑−¦⏑⏑⏑−⏑⏑¦−⏑−−
dhārāsatehi vasudhambaram-ambudena

−−⏑−¦⏑⏑⏑−⏑⏑¦−⏑−−
sabbā disā jaladakūṭamahagghiyesu

−−⏑−¦⏑⏑⏑−⏑⏑¦−⏑−−
dittācirajjutipadīpasatāvabhāsā. [371] [5-32]

−−⏑−¦⏑⏑⏑−⏑⏑¦−⏑−− Vasantatilakā
Ādhūyamāna-Malayācalakānananto

−−⏑−¦⏑⏑⏑−⏑⏑¦−⏑−−
samphullapupphajaparāgaharābhihāri

−−⏑−¦⏑⏑⏑−⏑⏑¦−⏑−−
sedodabindugaṇasaṁharaṇappavīṇo

−−⏑−¦⏑⏑⏑−⏑⏑¦−⏑−−
mandaṁ avāyi sisiro api gandhavāho. [372] [5-33]

−−⏑−¦⏑⏑⏑−⏑⏑¦−⏑−− Vasantatilakā
Rājā tam-abbhutam-avekkhiya pāṭihīraṁ

−−⏑−¦⏑⏑⏑−⏑⏑¦−⏑−−
lokussavaṁ bahutaraṁ ca adiṭṭhapubbaṁ

−−⏑−¦⏑⏑⏑−⏑⏑¦−⏑−−
vipphāritakkhiyugalo paramappamodā

−−⏑−¦⏑⏑⏑−⏑⏑¦−⏑−−
pūjaṁ karittha mahatiṁ ratanādikehi. [373] [5-34]

−−⏑−¦⏑⏑⏑−⏑⏑¦−⏑−− Vasantatilakā
So dhātum-attasirasātha samubbahanto

−−⏑−¦⏑⏑⏑−⏑⏑¦−⏑−−
ṭhatvā samussitasitātapavāraṇamhi

−−⏑−¦⏑⏑⏑−⏑⏑¦−⏑−−
cittatthare rathavare sitavājiyutte

−⏑⏑−⏑⏑−⏑⏑−⏑−−
lakkhinidhān-Anurādhapuram-pavekkhi. [374] [5-35]

−−⏑−¦⏑⏑⏑−⏑⏑¦−⏑−− Vasantatilakā
Devindamandirasame samalaṅkatamhi

−−⏑−¦⏑⏑⏑−⏑⏑¦−⏑−−
rājā sakamhi bhavane atulānubhāvo

−−⏑−¦⏑⏑⏑−⏑⏑¦−⏑−−
sīhāsane paṭikakojavasanthatamhi

−−⏑−¦⏑⏑⏑−⏑⏑¦−⏑−−
dhātuṁ ṭhapesi munino sasitātapatte. [375] [5-36]

−−⏑−¦⏑⏑⏑−⏑⏑¦−⏑−− Vasantatilakā
Anto va bhūmipati dhātugharaṁ mahagghaṁ

−−⏑−¦⏑⏑⏑−⏑⏑¦−⏑−−
katvāna tattha vinidhāya munindadhātuṁ

−−⏑−¦⏑⏑⏑−⏑⏑¦−⏑−−
sampūjayittha vividhehi upāyanehi Text: upāyan hi (printing mistake).⁰⁷

−−⏑−¦⏑⏑⏑−⏑⏑¦−⏑−−
rattindivaṁ tidivamokkhasukhābhikaṅkhī. [376] [5-37]

−−⏑−¦⏑⏑⏑−⏑⏑¦−⏑−− Vasantatilakā
Tesaṁ ca jānipatikānam-ubhinnam-eva

−−⏑−¦⏑⏑⏑−⏑⏑¦−⏑−−
tuṭṭho bahūni ratanābharaṇādikāni

−−⏑−¦⏑⏑⏑−⏑⏑¦−⏑−−
gāme ca issarakulekanivāsabhūte

−−⏑−¦⏑⏑⏑−⏑⏑¦−⏑−−
datvāna saṅgaham-akāsi ti-Sīhaḷindo. [377] [5-38]

−−⏑−¦⏑⏑⏑−⏑⏑¦−⏑−− Vasantatilakā
Saṅgamma jānapadanegamanāgarādi

−−⏑−¦⏑⏑⏑−⏑⏑¦−⏑−−
ukkaṇṭhitā sugatadhātum-apassamānā

−−⏑−¦⏑⏑⏑−⏑⏑¦−⏑−−
lokuttamassa caritāni abhitthavantā

−−⏑−¦⏑⏑⏑−⏑⏑¦−⏑−−
ugghosayiṁsu dharaṇīpatisannidhāne. Text: dharaṇi-.⁰⁸ [378] [5-39]

−−⏑−¦⏑⏑⏑−⏑⏑¦−⏑−− Vasantatilakā
Dhammissaro nikhilalokahitāya M. sakala for nikhila.⁰⁹ loke

−−⏑−¦⏑⏑⏑−⏑⏑¦−⏑−−
jāyittha sabbajanatāhitam-ācarittha

−−⏑−¦⏑⏑⏑−⏑⏑¦−⏑−−
vitthāritā bahujanassa hitāya dhātū

−−⏑−¦⏑⏑⏑−⏑⏑¦−⏑−−
icchāma dhātum-abhipūjayituṁ mayam-pi. B. mayan-ti.¹⁰ [379] [5-40]

−−⏑−¦⏑⏑⏑−⏑⏑¦−⏑−⏑ Vasantatilakā
So sannipātiya mahīpati bhikkhusaṅgham-

−−⏑−¦⏑⏑⏑−⏑⏑¦−⏑−−
ārāmavāsim-Anurādhapuropakaṇṭhe

−−⏑−¦⏑⏑⏑−⏑⏑¦−⏑−⏑
ajjhāsayaṁ tam-abhivedayi satthudhātu-

−−⏑−¦⏑⏑⏑−⏑⏑¦−⏑−−
pūjāya sannipatitassa mahājanassa. [380] [5-41]

−−⏑−¦⏑⏑⏑−⏑⏑¦−⏑−− Vasantatilakā
Thero tahiṁ mahati bhikkhugaṇe paneko

−−⏑−¦⏑⏑⏑−⏑⏑¦−⏑−−
medhābalena asamo karuṇādhivāso

−−⏑−¦⏑⏑⏑−⏑⏑¦−⏑−−
evaṁ ti-Sīhaḷapatissa mahāmatissa

−−⏑−¦⏑⏑⏑−⏑⏑¦−⏑−−
lokatthacāracaturassa nivedayittha. [381] [5-42]

−−⏑−¦⏑⏑⏑−⏑⏑¦−⏑−− Vasantatilakā
Yo ācareyya anujīvijanassa atthaṁ

−−⏑−¦⏑⏑⏑−⏑⏑¦−⏑−−
eso havenucarito mahataṁ sabhāvo

−−⏑−¦⏑⏑⏑−⏑⏑¦−⏑−−
dhātuṁ vasantasamaye bahi nīharitvā

−−⏑−¦⏑⏑⏑−⏑⏑¦−⏑−−
dassehi puññam-abhipatthayataṁ janānaṁ. [382] [5-43]

−−⏑−¦⏑⏑⏑−⏑⏑¦−⏑−− Vasantatilakā
Sutvāna saṁyamivarassa subhāsitāni

−−⏑−¦⏑⏑⏑−⏑⏑¦−⏑−−
pucchittha so naravaro puna bhikkhusaṅghaṁ

−−⏑−¦⏑⏑⏑−⏑⏑¦−⏑−−
dhātuṁ namassitum-anena mahājanena

−−⏑−¦⏑⏑⏑−⏑⏑¦−⏑−−
ṭhānaṁ kim-ettha B. -attha.¹¹ ramaṇīyataraṁ siyā ti. [383] [5-44]

−−⏑−¦⏑⏑⏑−⏑⏑¦−⏑−− Vasantatilakā
Sabbe pi te atha nikāyanivāsibhikkhū

−−⏑−¦⏑⏑⏑−⏑⏑¦−⏑−−
ṭhānaṁ sakaṁ sakam-avaṇṇayum-ādarena

−−⏑−¦⏑⏑⏑−⏑⏑¦−⏑−−
aññoññabhinnavacanesu ca tesu rājā

−−⏑−¦⏑⏑⏑−⏑⏑¦−⏑−−
nevābhinandi na paṭikkhipi kiñci vākyaṁ. [384] [5-45]

−−⏑−¦⏑⏑⏑−⏑⏑¦−⏑−− Vasantatilakā
Majjhattatānugatamānasatāya kintu

−−⏑−¦⏑⏑⏑−⏑⏑¦−⏑−−
rājā avoca puna bhikkhugaṇassa majjhe

−−⏑−¦⏑⏑⏑−⏑⏑¦−⏑−−
attānurūpam-ayam-eva munindadhātu

−−⏑−¦⏑⏑⏑−⏑⏑¦−⏑−−
ṭhānaṁ khaṇena sayam-eva gamissatī ti. Text: gamissatīti.¹² [385] [5-46]

−−⏑−¦⏑⏑⏑−⏑⏑¦−⏑−− Vasantatilakā
Rājā tato bhavanam-eva sakaṁ upecca

−−⏑−¦⏑⏑⏑−⏑⏑¦−⏑−−
dhātuppaṇāmam-abhipatthayataṁ janānaṁ

−−⏑−¦⏑⏑⏑−⏑⏑¦−⏑−−
khippaṁ mukhambujavanāni vikāsayanto

−−⏑−¦⏑⏑⏑−⏑⏑¦−⏑−−
sajjetum-āha nagarañ-ca vihāramaggaṁ. [386] [5-47]

−−⏑−¦⏑⏑⏑−⏑⏑¦−⏑−− Vasantatilakā
Sammajjitā salilasecanasantadhūlī

−−⏑−¦⏑⏑⏑−⏑⏑¦−⏑−−
racchā tadāsi pulinattharaṇābhirāmā

−−⏑−¦⏑⏑⏑−⏑⏑¦−⏑−−
ussāpitāni kaṇakādivicittitāni

−−⏑−¦⏑⏑⏑−⏑⏑¦−⏑−−
vyagghādirūpakhacitāni ca toraṇāni. [387] [5-48]

−−⏑−¦⏑⏑⏑−⏑⏑¦−⏑−− Vasantatilakā
Chāyānivāritavirocanaraṁsitāpā

−−⏑−¦⏑⏑⏑−⏑⏑¦−⏑−−
naccaṁ va dassayati vātadhutā dhajālī

−−⏑−¦⏑⏑⏑−⏑⏑¦−⏑−−
vīthī vasantavanarājisamānavaṇṇā

−−⏑−¦⏑⏑⏑−⏑⏑¦−⏑−−
jātā sujātakadalītarumālikāhi. [388] [5-49]

−−⏑−¦⏑⏑⏑−⏑⏑¦−⏑−− Vasantatilakā
Saṁsūcayanti ca sataṁ navapuṇṇakumbhā

−−⏑−¦⏑⏑⏑−⏑⏑¦−⏑−−
saggāpavaggasukham-icchitam-ijjhatī ti Text: -ijjhatīti.¹³

−−⏑−¦⏑⏑⏑−⏑⏑¦−⏑−−
kappūrasāratagarāgarusambhavehi

−−⏑−¦⏑⏑⏑−⏑⏑¦−⏑−−
dhūpehi duddinam-atho sudinaṁ ahosi. [389] [5-50]

−−⏑−¦⏑⏑⏑−⏑⏑¦−⏑−− Vasantatilakā
Olambamānasitamuttikajālakāni

−−⏑−¦⏑⏑⏑−⏑⏑¦−⏑−−
sajjāpitāni vividhāni ca maṇḍapāni

−−⏑−¦⏑⏑⏑−⏑⏑¦−⏑−−
sampāditāni ca tahiṁ kusumagghikāni

−−⏑−¦⏑⏑⏑−⏑⏑¦−⏑−−
āmodaluddhamadhupāvalikūjitāni. [390] [5-51]

−−⏑−¦⏑⏑⏑−⏑⏑¦−⏑−− Vasantatilakā
Gacchiṁsu keci gahitussavavesasobhā

−−⏑−¦⏑⏑⏑−⏑⏑¦−⏑−−
eke samuggaparipūritapupphahatthā

−−⏑−¦⏑⏑⏑−⏑⏑¦−⏑−−
aññe janā surabhicuṇṇabharaṁ vahantā

−−⏑−¦⏑⏑⏑−⏑⏑¦−⏑−−
tatthetare dhatavicittamahātapattā. [391] [5-52]

−−⏑−¦⏑⏑⏑−⏑⏑¦−⏑−− Vasantatilakā
Laṅkissarotha sasipaṇḍaravājiyutte

−−⏑−¦⏑⏑⏑−⏑⏑¦−⏑−−
ujjotite rathavare ratanappabhāhi

−−⏑−¦⏑⏑⏑−⏑⏑¦−⏑−−
dhātuṁ tilokatilakassa patiṭṭhapetvā

−−⏑−¦⏑⏑⏑−⏑⏑¦−⏑−−
etaṁ avoca vacanaṁ paṇipātapubbaṁ. [392] [5-53]

−−⏑−¦⏑⏑⏑−⏑⏑¦−⏑−− Vasantatilakā
Sambodhiyā iva munissara bodhimaṇḍaṁ

−−⏑−¦⏑⏑⏑−⏑⏑¦−⏑−−
gaṇḍambarukkham-iva titthiyamaddanāya

−−⏑−¦⏑⏑⏑−⏑⏑¦−⏑−−
dhammañ-ca saṁvibhajituṁ Migadāyam-ajja

−−⏑−¦⏑⏑⏑−⏑⏑¦−⏑−−
pūjānurūpam-upagaccha sayaṁ padesaṁ. [393] [5-54]

−−⏑−¦⏑⏑⏑−⏑⏑¦−⏑−− Vasantatilakā
Rājā tato samucitācaraṇesu dakkho

−−⏑−¦⏑⏑⏑−⏑⏑¦−⏑−−
vissajji phussaratham-aṭṭhitasārathiṁ taṁ

−−⏑−¦⏑⏑⏑−⏑⏑¦−⏑−−
pacchā sayaṁ mahatiyā parisāya saddhiṁ

−−⏑−¦⏑⏑⏑−⏑⏑¦−⏑−−
pūjāvisesam-asamaṁ agamā karonto. [394] [5-55]

−−⏑−¦⏑⏑⏑−⏑⏑¦−⏑−− Vasantatilakā
Ukkuṭṭhinādavisarena mahājanassa

−−⏑−¦⏑⏑⏑−⏑⏑¦−⏑−−
hesāravena visaṭena turaṅgamānaṁ

−−⏑−¦⏑⏑⏑−⏑⏑¦−⏑−−
bherīravena mahatā kari gajjitena

−−⏑−¦⏑⏑⏑−⏑⏑¦−⏑−−
uddāmasāgarasamaṁ nagaraṁ ahosi. [395] [5-56]

−−⏑−¦⏑⏑⏑−⏑⏑¦−⏑−− Vasantatilakā
Āmoditā ubhayavīthigatā kulitthī

−−⏑−¦⏑⏑⏑−⏑⏑¦−⏑−−
vātāyanehi kanakābhataṇe khipiṁsu

−−⏑−¦⏑⏑⏑−⏑⏑¦−⏑−−
sabbatthakaṁ kusumavassam-avassayiṁsu

−−⏑−¦⏑⏑⏑−⏑⏑¦−⏑−−
celāni ceva bhamayiṁsu nijuttamaṅge. [396] [5-57]

−−⏑−¦⏑⏑⏑−⏑⏑¦−⏑−− Vasantatilakā
Pācīnagopurasamīpam-upāgatamhi

−−⏑−¦⏑⏑⏑−⏑⏑¦−⏑−−
tasmiṁ rathe jaladhipiṭṭhigate va pote

−−⏑−¦⏑⏑⏑−⏑⏑¦−⏑−−
tuṭṭhā tahiṁ yatigaṇā manujā ca sabbe

−−⏑−¦⏑⏑⏑−⏑⏑¦−⏑−−
sampūjayiṁsu vividhehi upāyanehi. [397] [5-58]

−−⏑−¦⏑⏑⏑−⏑⏑¦−⏑−− Vasantatilakā
Katvā padakkhiṇam-atho puram-uttarena

−−⏑−¦⏑⏑⏑−⏑⏑¦−⏑−−
dvārena so rathavaro bahi nikkhamitvā

−−⏑−¦⏑⏑⏑−⏑⏑¦−⏑−−
ṭhāne Mahindaminudhammakathāpavitte

−−⏑−¦⏑⏑⏑−⏑⏑¦−⏑−−
aṭṭhāsi titthagamitā iva bhaṇḍanāvā. [398] [5-59]

−−⏑−¦⏑⏑⏑−⏑⏑¦−⏑−− Vasantatilakā
Ṭhāne tahiṁ dasanadhātuvaraṁ jinassa

−−⏑−¦⏑⏑⏑−⏑⏑¦−⏑−−
Laṅkissaro ratanacittakaraṇḍagabbhā Text: ratanacittā karaṇḍagabbhā.¹⁴

−−⏑−¦⏑⏑⏑−⏑⏑¦−⏑−−
sañjhāghanā iva vidhuṁ bahi nīharitvā

−−⏑−¦⏑⏑⏑−⏑⏑¦−⏑−−
dassesi jānapadanegamanāgarānaṁ. [399] [5-60]

−−⏑−¦⏑⏑⏑−⏑⏑¦−⏑−⏑ Vasantatilakā
Tasmiṁ jane sapadi ābharaṇādivassam-

−−⏑−¦⏑⏑⏑−⏑⏑¦−⏑−−
accantapītibharite abhivassayante

−−⏑−¦⏑⏑⏑−⏑⏑¦−⏑−−
sānandivandijanamaṅgalagītakehi

−−⏑−¦⏑⏑⏑−⏑⏑¦−⏑−−
sampāditesu mukharesu disāmukhesu. [400] [5-61]

−−⏑−¦⏑⏑⏑−⏑⏑¦−⏑−− Vasantatilakā
Hatthāravindanivahesu mahājanassa

−−⏑−¦⏑⏑⏑−⏑⏑¦−⏑−−
candodaye va mukulattanam-āgatesu

−−⏑−¦⏑⏑⏑−⏑⏑¦−⏑−−
brahmāmarādijanitāmitasādhuvāde

−−⏑−¦⏑⏑⏑−⏑⏑¦−⏑−−
tārāpathamhi bhuvanodaram-ottharante. [401] [5-62]

−−⏑−¦⏑⏑⏑−⏑⏑¦−⏑−− Vasantatilakā
Sā dantadhātu sasikhaṇḍasamānavaṇṇā

−−⏑−¦⏑⏑⏑−⏑⏑¦−⏑−−
raṁsīhi kundanavacandanapaṇḍarehi

−−⏑−¦⏑⏑⏑−⏑⏑¦−⏑−−
pāsādagopurasiluccayapādapādiṁ B. -pādī.¹⁵

−−⏑−¦⏑⏑⏑−⏑⏑¦−⏑−−
niddhota rūpiyamayaṁ va akā khaṇena. [402] [5-63]

−−⏑−¦⏑⏑⏑−⏑⏑¦−⏑−− Vasantatilakā
Tappāṭihāriyam M. Taṁ pāṭihāriyaṁ; Text: pāṭihāriyaṁ.¹⁶-acintiyam-accuḷāraṁ

−−⏑−¦⏑⏑⏑−⏑⏑¦−⏑−−
disvāna ke tahim-ahesum Text: tahim-ahesuṁ.¹⁷-ahaṭṭhalomā

−−⏑−¦⏑⏑⏑−⏑⏑¦−⏑−−
ke vā nayuṁ sakasakābharaṇāni gehaṁ

−−⏑−¦⏑⏑⏑−⏑⏑¦−⏑−−
ke vā na attapaṭilābham-avaṇṇayiṁsu. [403] [5-64]

−−⏑−¦⏑⏑⏑−⏑⏑¦−⏑−− Vasantatilakā
Ke no jahiṁsu sakadiṭṭhimalānubaddhaṁ

−−⏑−¦⏑⏑⏑−⏑⏑¦−⏑−−
ke vā na buddhamahimaṁ abhipatthayiṁsu

−−⏑−¦⏑⏑⏑−⏑⏑¦−⏑−−
ke nāma macchariyapāsavasā ahesuṁ

−−⏑−¦⏑⏑⏑−⏑⏑¦−⏑−−
vatthuttayañ-ca saraṇaṁ nagamiṁsu ke vā. [404] [5-65]

−−⏑−¦⏑⏑⏑−⏑⏑¦−⏑−− Vasantatilakā
Laṅkissaro pi navalakkhaparibbayena

−−⏑−¦⏑⏑⏑−⏑⏑¦−⏑−−
sabbaññudhātum-atulaṁ abhipūjayitvā

−−⏑−¦⏑⏑⏑−⏑⏑¦−⏑−−
taṁ dantadhātubhavanaṁ puna vaḍḍhayitvā

−−⏑−¦⏑⏑⏑−⏑⏑¦−⏑−−
antopuramhi M. antepuramhi.¹⁸ paṭivāsaram-accayittha. [405] [5-66]

−−⏑−¦⏑⏑⏑−⏑⏑¦−⏑−− Vasantatilakā
Dhātuṁ vihāram-Abhayuttaram-eva netvā

−−⏑−¦⏑⏑⏑−⏑⏑¦−⏑−−
pūjaṁ vidhātum-anuvaccharam-evarūpaṁ

−−⏑−¦⏑⏑⏑−⏑⏑¦−⏑−−
rājātha Kittisirimeghasamavhayo so

−−⏑−¦⏑⏑⏑−⏑⏑¦−⏑−−
cārittalekham-abhilekhayi saccasandho. [406] [5-67]

−−⏑−¦⏑⏑⏑−⏑⏑¦−⏑−− Vasantatilakā
Cārittam-etam-itare pi pavattayantā

−−⏑−¦⏑⏑⏑−⏑⏑¦−⏑−−
te Buddhadāsapamukhā vasudhādhināthā

−−⏑−¦⏑⏑⏑−⏑⏑¦−⏑−−
saddhādayādhikaguṇābharaṇābhirāmā

−−⏑−¦⏑⏑⏑−⏑⏑¦−⏑−−
taṁ sakkariṁsu bahudhā jinadantadhātuṁ. [407] [5-68]