[Jinacaritaṁ]

[3: Santikakathā]

 

[Sattasattāhakathā]

 

−−−−¦⏑−−−¦¦−−−⏑¦⏑−⏑−    pathyā
sallakkhetvā guṇe tassa pallaṅkassa anekadhā

−−⏑−¦⏑−−−¦¦⏑−−−¦⏑−⏑−    pathyā
na tāva uṭṭhahissāmi ito pallaṅkato iti [272]

 

⏑−−−¦⏑−−−¦¦⏑−⏑⏑¦⏑−⏑−    pathyā
samāpatti Rouse: samāpattiṁ.01 samāpajji Rouse: samāpajjī.02 anekasatakoṭiyo

−−−−¦⏑−−−¦¦⏑−−⏑¦⏑−⏑−    pathyā
satthā tattheva sattāhaṁ nisinno acalāsane [273]

 

−−⏑−¦⏑−−−¦¦−−−⏑¦⏑−⏑−    pathyā
ajjāpi nūna dhīrassa siddhatthassa yasassino

−⏑−−¦⏑−−−¦¦−−−⏑¦⏑−⏑−    pathyā
atthi kattabbakiccaṁ hi Rouse: kattabbakiccamhi.03 tasmā āsanam-ālayaṁ [274]

 

⏑⏑−−¦⏑−−⏑¦¦−⏑−−¦⏑−⏑−    pathyā
na jahāsī ti ekaccadevatānāsi saṁsayaṁ

−−−−¦⏑−−−¦¦⏑−−−¦⏑−⏑−    pathyā
ñatvā tāsaṁ vitakkaṁ Rouse: vitakkan.04 taṁ sametuṁ santamānaso [275]

 

−−⏑−¦⏑−−−¦¦−⏑−−¦⏑−⏑−    pathyā
uṭṭhāya hemahaṁso va hemavaṇṇo pabhaṅkaro

−−−−¦⏑−−−¦¦⏑−⏑−¦⏑−⏑−    pathyā
abbhuggantvā nabhaṁ nātho akāsi pāṭihāriyaṁ [276]

 

⏑−⏑−¦−⏑⏑¦−⏑−−   Upajāti
vitakkam-evaṁ iminā marūnaṁ

−−⏑−¦−⏑⏑¦−⏑−−
sammūpasammānimisehi Vimalavaṁsa, Tilakasiri: nimisesi.05 bodhiṁ

−−⏑−¦−⏑⏑¦−⏑−−
sampūjayanto nayanambujehi

−−⏑−¦−⏑⏑¦−⏑−−
sattāham-aṭṭhāsi jayāsanañ-ca [277]

 

⏑−⏑−¦−⏑⏑¦−⏑−−   Upindavajirā
subhāsurasmiṁ ratanehi tasmiṁ

⏑−⏑−¦−⏑⏑¦−⏑−−
sacaṅkamanto varacaṅkamasmiṁ

⏑−⏑−¦−⏑⏑¦−⏑−−
manoramasmiṁ ratanālaye pi

⏑−⏑−¦−⏑⏑¦−⏑−−
visuddhadhammaṁ vicitaṁ visuddho Tilakasiri: visuddhe.06 [278]

 

−−⏑−¦⏑⏑⏑−⏑⏑¦−⏑−−   Vasantatilakā
mūlejapālatarurājavarassa tassa

−−⏑−¦⏑⏑⏑−⏑⏑¦−⏑−−
māraṅganānam-amalānanapaṅkajāni Vimalavaṁsa: -paṅkajānī.07

−−⏑−¦⏑⏑⏑−⏑⏑¦−⏑−−
sammā milāpiya Rouse: sammāmilāpiya.08 tato mucalindamūle

−−⏑−¦⏑⏑⏑−⏑⏑¦−⏑−−
bhogindacittakumudāni pabodhayanto [279]

 

−−⏑−¦−⏑⏑¦−⏑−−   Indavajirā
mūle pi rājāyatanassa tassa

−−⏑−¦−⏑⏑¦−⏑−−
tasmiṁ samāpattisukham-pi vindaṁ

−−⏑−¦−⏑⏑¦−⏑−−
saṁvītināmesi manuññavaṇṇo

−−⏑−¦−⏑⏑¦−⏑−−
ekūnapaññāsadināni dhīmā [280]