[II. Sāsanavaḍḍhanaṁ]

15: Catuggihisahāyakapabbajjā

Assosuṁ kho āyasmato Yasassa cattāro gihisahāyakā, 1!BJT: gihī-, and similarly throughout, alternate form. Bārāṇasiyaṁ seṭṭhānuseṭṭhīnaṁ kulānaṁ puttā, Vimalo Subāhu Puṇṇaji Gavampati: “Yaso kira kulaputto kesamassuṁ ohāretvā, kāsāyāni vatthāni acchādetvā, agārasmā anagāriyaṁ pabbajito.” ti

Sutvāna nesaṁ etad-ahosi: “Na hi BJT: ha, an emphatic, always in this position. nūna so orako Dhammavinayo, na sā orakā pabbajjā yattha Yaso kulaputto kesamassuṁ ohāretvā, kāsāyāni vatthāni acchādetvā, agārasmā anagāriyaṁ pabbajito.” ti

Te yenāyasmā PTS: te cattāro janā yenāyasmā Yaso, those four people approached venerable Yasa, here and below. Yaso tenupasaṅkamiṁsu, upasaṅkamitvā āyasmantaṁ Yasaṁ abhivādetvā, ekam-antaṁ aṭṭhaṁsu. Atha kho āyasmā Yaso te cattāro gihisahāyake ādāya yena Bhagavā tenupasaṅkami, upasaṅkamitvā Bhagavantaṁ abhivādetvā, ekam-antaṁ nisīdi.

Ekam-antaṁ nisinno kho āyasmā Yaso Bhagavantaṁ Thai omits: Bhagavantaṁ. etad-avoca: “Ime me Bhante cattāro gihisahāyakā Bārāṇasiyaṁ seṭṭhānuseṭṭhīnaṁ kulānaṁ puttā, Vimalo Subāhu Puṇṇaji Gavampati, ime Bhagavā PTS: ime cattāro bhagavā ovadatu, please advise these four, Fortunate One... ovadatu anusāsatū.” ti

Tesaṁ Bhagavā anupubbikathaṁ kathesi, seyyathīdaṁ: dānakathaṁ sīlakathaṁ saggakathaṁ, kāmānaṁ ādīnavaṁ okāraṁ saṅkilesaṁ, nekkhamme ānisaṁsaṁ pakāsesi.

Yadā te Bhagavā aññāsi kallacitte muducitte, vinīvaraṇacitte udaggacitte pasannacitte, atha yā Buddhānaṁ sāmukkaṁsikā Dhammadesanā taṁ pakāsesi: Dukkhaṁ Samudayaṁ Nirodhaṁ Maggaṁ.

Seyyathā pi nāma suddhaṁ vatthaṁ apagatakāḷakaṁ sammad-eva rajanaṁ paṭiggaṇheyya, evam-eva tesaṁ tasmiṁ yeva āsane, virajaṁ vītamalaṁ Dhammacakkhuṁ udapādi:

“Yaṁ kiñci samudayadhammaṁ,
sabban-taṁ nirodhadhamman.”-ti

Te diṭṭhadhammā pattadhammā, viditadhammā pariyogāḷhadhammā tiṇṇavicikicchā vigatakathaṁkathā, vesārajjappattā aparappaccayā Satthusāsane Bhagavantaṁ etad-avocuṁ: “Labheyyāma mayaṁ Bhante Bhagavato santike pabbajjaṁ, labheyyāma upasampadan.”-ti

“Etha bhikkhavo” ti Bhagavā avoca “svākkhāto Dhammo, caratha brahmacariyaṁ sammā dukkhassa antakiriyāyā.” ti Sā va tesaṁ āyasmantānaṁ upasampadā ahosi.

Atha kho Bhagavā te bhikkhū Dhammiyā kathāya ovadi anusāsi. Tesaṁ Bhagavatā Dhammiyā kathāya ovadiyamānānaṁ anusāsiyamānānaṁ anupādāya āsavehi cittāni vimucciṁsu, tena kho pana samayena ekādasa loke arahanto honti.

Catuggihisahāyakappabbajjā BJT: Catugihīsahāyapabbajjā; PTS: Catugihipabbajjā; ChS: Catugihi-. Niṭṭhitā.

last updated: August 2009